[ام فروسي]

بسم الله الرحمن الرحيم
خرج زوجي كالعاده لصلاة الجمعه ولقى على باب بيتنا شغاله اندنوسيه واقفه عطشانه وجيعانه يا حرام دق عليه وقالي ارسلي لها شغالتنا تعطيها الماء والاكل وتشوف وش سالفتها وانتبهي لا تدخليها البيت ارسلتلها شغالتي وبعد شوي جت قالتلي ان الي كانت تشتغل عندهم قالولها بنسافر للرياض وانزلي تحت انتضري وركبوا كلهم السياره وتركوها في الشارع اخرالليل وراحوا وتقول عنها مره تبكي وفجأه تسكت وتقول سالفه ثانيه انها تبي وانتم بكرامه الحمام انا وشغالتي خفنا مع العلم انها اندنوسيا مثلها خفت تدخل البيت وتدق على احد يجي ويتهجم علينا قلت في نفسي ليش وقت الجمعه بالذات بيكونوا كل الرجال بره البيت ومن كثر ما اسمع عن القصص الي يدخلون البيوت ويتهجموا عليهم مارضيت ادخلها بيتي وكمان زوجي محذرني وقلت تنتظر زوجي يجي وادخلها وكنت كل شوي ارسل لها شغالتي تصبرها وتقعدها في الضلال وتقولها انتضري بابا يجي ويجيب لك الجوازات يتولوا امرك يوم جا زوجي ما لقيناها راحت انا قلت مو معقول ناس تدفع 9000 ريال في شغاله ويرموها في الشارع بعد اربع شهور وما اعطوها الا راتب شهر واحد والى الان يأنبني ضميري اني ما دخلتها البيت

[حساني الروماني1]

لا هاذي
يمكن طريقه جديده
للسرقه يشوفون مين بلبيت
و يدورن حوله ويعرفون مكانه

بس الحمد لله ما حصل شي

ابعد عن الشر و غنيله

[فارس القوافي]

من الافضل الاتصال على الشرطة من الوهلة الاولي .

أو يوديها أقرب مركز شرطة وهم يتصرفون حسب النظام.

حماية البيت وحل المشكلة أهم من الصلاة جماعة .

[عمدة الريان]

اقتباس المشاركة الأساسية كتبها فارس القوافي من الافضل الاتصال على الشرطة من الوهلة الاولي . أو يوديها أقرب مركز شرطة وهم يتصرفون حسب النظام. حماية البيت وحل المشكلة أهم من الصلاة جماعة .

صح السانك

[مهزله]

طيب كان من الاووول اتصلتوو على الشرطه بس احسن ماسويتي انتس مادخلتيه البيت هالوقت والله ينخاف من كل شيء ..

اما راحوو وخلوه احس انه تتسذب كلامه مو معقوول..

[سر الوجود]

الله يستر بستره بس

[نفسي أطير]

ياليت كلمتوا الشرطة

[يربش بريده]

الله يستر

[كتكوتة]

المفروض اتصلتوا بالشرطة..
ولا تكلمتوا معاها..والحمدلله جت سليمه

[امبرطورة القصيم]

اي مشآكل آلشغآلآتَ كآثره هآلأيآمَ ذيَ ..


اللهم حصّنّا بحصنك الحصين وحبلك المتين من كيد الكائدين وحسد الحاسدين وسحر الساحرين وظلم الظالمين وعبث العابثين وتسلط وتلبس الجن والشياطين

[أبورامي]

المره الثانية لحمي الباب ياخيتي لاتفتحين لحد
اليوم أفلام رعب وكل شوي طالعين بطريقة جديدة
الله يستر عليك وعلى المسلمين أجمعين