[خزان الاحزان]

السلام عليكم ورحمة الله وبركاته

صباح الخير على الجميع ..

اخواني اخواتي والله اني اتكلم بجد ولا فكرت اضيع وقتكم على الفاضي انا عندي اسئله واشياء فاقعه مرارتي انا مريت على منتديات كثير ومن بين هالمنتديات منتدى بريدة ستي اشوف اذا احد نزل موضوع اغلب الاعضاء ينتقدون ويحطمون هالعضو انا بعرف ليش هالاسلوب وخاصه اذا كان الموضوع صاحبه شاب وبعض البنات بس الشباب بكثره انا اتمناء اني في يوم ادخل هالمنتدى واشوف فيه تطور ناس فاهمه واعيه اذا شاف اخوه المسلم مخطي يدله على الصواب مو ينتقده ويفشله بين الاعضاء وربي اني انا عضو في هذا المنتدى بمستخدم ثاني وكنت ادخله شبه يومي بس وربي مليت كرهت النت من اللي اشوفه ولا ابي احد يعرفني لاني ماابي احد ياخذ بخاطره علي والاحظ ان اكثر المواضيع تنعاد بشكل مو طبيعي انا مادري هو نقص من ثقافت البعض وليس الكل .

مابي اطول عليكم بس ابيكم تجاوبوني على اسالتي بختصار ~
1/ليش بعض الاعضاء يحاول ينتقد صاحب الموضوع ويدور عليه اي زله ؟؟
2/ ليييش تحذف اكثر المواضيع او المشاركات وانا اشوف ان مافيها اي غلط ؟؟
3/لييش هالعنصريه اللي بين الاعضاء والكل فاهم وش المقصود بالعنصريه ؟؟
4/ليش تنعاد المواضيع اكثر من مره ومرين وين المشرفين عنهم ؟؟



وياليت موضوعي مايحذف

اسف على طرح الموضوع بس وربي ماأنلام من حرقه بقلبي .

سبحانك ربي وبحمدك اشهد ان لا اله الأ انت .

[حربي عابر دربي]

اقتباس المشاركة الأساسية كتبها خزان الاحزان السلام عليكم ورحمة الله وبركاته وعليكم السلام ورحمة الله وبركاته صباح الخير على الجميع .. صباح النور والسرور مابي اطول عليكم بس ابيكم تجاوبوني على اسالتي بختصار ~ اخلص علينا وش عندك 1/ليش بعض الاعضاء يحاول ينتقد صاحب الموضوع ويدور عليه اي زله ؟؟ الحكم على الشي فرعُ من تصورهـ وعلى حسب نفسية ابوالشباب احيانآ تكون مقفله خارج المنتدى ويجيك مطفي النور ( ويحط حرته هنا ) اما الاستقصاد فهو داء ليس له دواء يرجع الى فكر الشخص نفسه واخلاقه فمنهم المقل ومنهم المستكثر 2/ ليييش تحذف اكثر المواضيع او المشاركات وانا اشوف ان مافيها اي غلط ؟؟ شف وانا اخوك ابكون صريح معك بنسبة 5 % ( وعسى ما ازلق بملفي ) انا الاحظ هنا فيه بعض التجاوزات التي تشم منها رائحة المعرفة والعلاقات الشخصية على حساب بعض الاعضاء لاكن صدقني ان الموضوع المحذوف غالبآ لابد ان يكون عليه ملاحظات او سلبيات قد لايدركها كاتب الموضوع او العضو الذي يقوم باضافة رد لاكن الي باطن تسبدي بعض المواضيع تتعب فيها من ناحية الردود والمناقشات وبعدها يتقفل الموضوع على شآن طويل العمر صاحب الموضوع ارسل رسالة للادارة ان الموضوع للحذف ولا يريده فقط لان الاعضاء اللقموه حجرآ ( بلش مايقدر يرد ويناقش ) 3/لييش هالعنصريه اللي بين الاعضاء والكل فاهم وش المقصود بالعنصريه ؟؟ العنصرية موجودة قديمآ ومازالت موجوده وهي ترجع للشخص نفسه وتربيته ( وينشئ ناشئ الفتيان فينا على ماكان عودهُ ابوهُ ) 4/ليش تنعاد المواضيع اكثر من مره ومرين وين المشرفين عنهم ؟؟ المواضيع قد تنعاد لاكن بدون قصد لان هذا المنتدى ماشاء الله ( ماشي سوقهم ) المواضيع فيها كثيرة والردود كثيره فـ تجد بان الموضوع اذا وقف يوم مافيه ردود يذهب الى الصفحة التالية سبحانك ربي وبحمدك اشهد ان لا اله الأ انت .

تمت الاجابه

خلـــــ اخلاقك رياضية

الله يوفقنا وياك

والسلام عليكم ورحمة الله وبركاته

[قباصة من القباصات]

وعليكم السلام

اقتباس 1/ليش بعض الاعضاء يحاول ينتقد صاحب الموضوع ويدور عليه اي زله ؟؟

لان في قلبه مرض نسأل الله العافية .. وان شاءالله االإخوان المسلمين مايدورون على اخوانهم الزلات لان ماهي برجولة

اقتباس 2/ ليييش تحذف اكثر المواضيع او المشاركات وانا اشوف ان مافيها اي غلط ؟؟

هم يشوفون شين انت ماتشوفه

اقتباس لييش هالعنصريه اللي بين الاعضاء والكل فاهم وش المقصود بالعنصريه ؟؟

اي فاهمين ... بس في اشخاص يعرفون بعض خارج النت واذا رد احدهم رد يفهمه الآخر ..لانه يعرف خويه ويبخصه جيدا ..اما اذا كان شخص غير معروف ويكتب ردا مشبوها يعدلون عليه
>>احلفي ذذ

اقتباس 4/ليش تنعاد المواضيع اكثر من مره ومرين وين المشرفين عنهم ؟؟

مادروا انه مكرر

هذا .. والله اعلم


وعلى فكرة الأسئلة احس مالها داعي : (

[قــــراقــــوش]

حبيبي مو بس الأعضاء حتى المشرفين يعني المنتدى يبغاله فرمته من جديد ..

أنا موقفين عضويتي الاولى والى اليوم ما أدري ليش لكن الظاهر مثل ماقلت العنصرية البغيضه... وتحياتي للدنيصورات..

[GIRL FUN]

عااااااااااااااااااااااادي
1-لانهم فااااضين
2- مواضيعي دايما مصيرها الحذف مع انها مودبة يمكن غباء من بعض المشرفينن المهم يحذفون وخلاص
3- مافهمت
4- لايحذف الموضوع لعدم التفرغ

وسلامتك

[سيف الحقيقه]

عليكم السلام ورحمة الله وبركاته

حياك الله

ولله يالغالي ربما اوفقك على نقطه وهيا كثرة الأنتقادات لكن الحذف وغيره مالحظت هذا الشئ

اتمنى لك التوفيق

[ام المساكين]

فيه موضوع يدخل كل المشرفين تحسبه موضوع مهم وهو مايستاهل الرد لاكن لاتهتم خلك انسان واعي واكتب ماينفعك في الدنيا والاخيره لاتنظر الشكر من احد انظر الاجر العظيم من رب العالمين وموفق ان شاء الله

[خزان الاحزان]

حربي عابر دربي ~ شكرآ ويعطيك ربي العافيه .

قباصه من القباصات ~ اشكرك بس قوليلي اذا مالها داعي ليش تضيعين وقتك وتجاوبين ؟! على العموم ماقصرتي .

قــــراقــــوش ~ مشكور ياخلفهم والله يعينك ويعيننا .

GIRL FUN ~ هههه فديت اللي مافهم هي واضحه بس وربي ماله داعي تعب ورحك عليها خلها بكيفها بس ومشكور .

سيف الحقيقه ~ مشكور يالغالي وصدقني بتوافقني على النقطه اثانيه بس اصبر ونزل مواضيع .

ام المساكين ~ مشكوره يا اختي وكلامك عين العقل وواضح انك واعيه وفاهمه من نكك بس ادليت اتمناء اني اشوفك مشرفه في الايام القاديمه .

[نضرتي هيبه]

جوابي بختصره لانك ماوعيت اننا موكلنا زي بعض
فيه صغير العقل وفيه المتشتت وفيه المقهور وفيه المنحرف وفيه الحقود وفيه ضعفاء الايمان وفيه وفيه ...الخ
يعني كلن خذه على قد عقله وضروفه ولاتشره هذولا هم الفئه اللي يقهرونكم بالرد بكذا يحس يبرد على قلبه
لكن الحمدالله اغلب اللي بالمنتدى ناس فاهمه وعاقله
بس مالنا الا ندعي لهم بالشفاء الناس المريضه
منتدى واحد بس العقول تختلف فيها الصغير والكبير يعني لاتاخذ بخاطرك

[فنجان كيف]

لوتتكلم من الييييييييييييييييييييييييييييييييوم ل بكككككككككككككككككككككككرى مافي فائدهـ

[مامونه 2002]

الجواب لجميع الاسئله
حقد حســــــــــــــــــــــــــــــــــــــد غيره
نسئل الله السلامه والعافيه

[بنت كفو]

فيه ناس لو تلاحظ ردوده كلها تهجم على الكاتب مادري إيش المشكله

خذ بهذه النصيحة

خليك ريلاكس .

[خزان الاحزان]

نضرتي هيبه ~ كلامك صحيح بس هالناس هذي ماعندها شويت احترام وتقدير لغيرها !!
اذا هو حاقد وش مسويله كاتب الموضوع ذابح اخوه مثلا !
وهذا المقهور وش مسويله كاتب الموضوع سارق افكاره مثلا !!

صغار العقول نقول يكبروون وتنحل المشكله بس المشكله بالحقد والحسد اللي يمشي بعروقهم
نسئل الله الهدايه لهم .
شكرآ

فنجان كيف ~ ماتعب روحي احسلي صح ؟
شكرآ

ميمو2002 ~ خيل الكلام ماقل ودل مشكوره اختي

بنت كفو ~ ايه هذا اللي انا اشوف والقصه مو ماعلي منهم طنش لا انا ابي منتدى بريده ستي يضرب فيه المثل باعضائه المحترمين وبثقافتهم مو بهواشهم ومشاكلهم
شكرآ

[اصيله بطبعي]

انا الى ودي هو شي واحد ودي اغير لقبك من خزان الاحزان الى خزان الافراح: والله رحمتك وتعاطفت معك ام با النسبه للجابه نفس اجابته ام المساكين