[شهرزاد بريدة]

السلام عليكم حبيباتي تعرفون رفعة الاسعار الخياليه لمشاغلنا الي معظم ادواتهم من ابو ريالين

المهم رحنا نبي نحجز لأختي كوفيرة قالن 1000 والبعض 1500 قلنا طيب وش يتظمن قالن مكياج وتسريحة وكريم ع الجسم (((حقارة وتلاعب ))

المهم بطلنا حجز للعروسة وحجزنا كوفيرة لنا انا وخواتي من غير ذكر عروسة المكياج 150 وتسريحة 150 صار المجموع 300 بدل 1000 او 1500 خواتي حطوو الكريم الاساس ثم وبودرة الجسم ع اختي شروها من مروج الزهور وثبتن الطرحة بنس صغيرة وخلصنا بلاحرق اعصاب بلا تلوث ((لانه بوردة الجسم الي معهن ورسخة وسفنجة معظم المشاغل سوداء )) جلسنا وسولفنا وضحكنا ووفرنا



يكفينى تلااعب

[roosh]

ههههههههههههه مجآزفآت
عروس مجهزاته انتن ؟
ليت من شاف شغلكن حتن لا اعرست تزبطنن

[شًقِـــآؤٍة صًِغَآرٍ]

اقتباس المشاركة الأساسية كتبها اني آغـردز =( ههههههههههههه مجآزفآت عروس مجهزاته انتن ؟ ليت من شاف شغلكن حتن لا اعرست تزبطنن

لا مو هن مسويات المكياج الكوفيره سوته بس ماعلمنها انها عروس لانها لادرت بتقول 1000
يحسبن العروس جاها المهر صار عندها دراهم مايدرن ان المهر مايكفي شئ بهالوقت
انا قايله لااختي اللي سوت مكياجي بليله زواجي اخذت 1000 وهو مافيه زود ليتي قايله انا اخت العروس ومعطيتها 300 بس فاتت علي .

[سيلينا]

و الله احسن شي سويتيه
انا يوم زواجي صرت وحش بدل عروس
حتى المصوره يوم شافتني انهبلت قالت لو ما حطيتي شي كان ازين
و عشان ما اصيح و يتنكد جوي ما طالعت بالمرايه الا لما دخلت الفندق
و الله لا يوريكم جلست اصيح شكلي بجد مو حلو
الحواجب غلط الاساس كله كتل بوجهي و جلس اسبوع حتى
قدرت اغسله وراح عن وجهي و جسمي

و انا سويته ب ١٢٠٠ ريال
لو شاريه فيهم مكياجات كان احسن


و خساره الثانيه ١٥٠٠ ريال للتصوير كان حلو بس وجهي مو وجهي
و جه وحده ثانيه عشان كده راح اشوف يوم مناسب
و اتضبط مره ثانيه كأني عروس و اتصور  

[بريدة هاجسي]

اقتباس المشاركة الأساسية كتبها سيلينا عشان كده راح اشوف يوم مناسب و اتضبط مره ثانيه كأني عروس و اتصور

هههههههههههههههههههه
حلوه الحركه

[سوسوالحلوة]

^^^

يابعدي,,,,,والله بعض المشاغل شغلهم يجيب المرررررررض ,,,ولا عاد مكياجهم ابو ريالين مايبي له هرج ذي,..,.,


ودي اكفخهن لابدن,,,,يتفلسفهن هالطعميات ولا السوريات ......هيا تلات ميية هيدا الف وخمس ميية

توووووووووووليف ع الكككيف

[نبض قلبي بريده]

شهر زاد نفس تفكيرنا والله يوم زواجي سويت تسريحه ومكياج خفيف ب٣٠٠
والباقي حنا والله ماراح ادفع١٥٠٠ على ليله
واصير اجيب الهم .
ونصيحه الي تبي تعرس هي تضبط نفسها للي تقدر لانه بيصير
احلى ..

[مرآم]

ههههههه عاد اغديه زييين ان شاء الله
عشان اسوي زيكم لا اعرست ان شاء الله
يثلمو

[@@صدف@@]

صادقة اذا انت عروس سوي مثل خواتك وافخم تسريحة بارخص الا ثمان
لان المكياج واحد بس يزيدن السعر عشان مهرك

[برااسي حتسي]

انا سوت لي مكياجي كوفيرا ومكياجه روووعه خفيف مررره
وحلوووووووووووووووووووووووووو والله

[ريم الجزيرة]

وعليكم السلام
زيين ماسويتن اجل 1000 حشا والله لوهي بتسويلي عملية تجميل موب كياج
مره خالتي يوم زواجه يوم مكيجته الكوفير طلعت تجيب المرض وراحت خالتي وغسلت مكياجه
ومكيجته امي صايره امي ماشاء الله تعرف تمكيج وتخيلي الكوفيره اخذت الفلوس وراحت و ماهمه
احد
والله شي يقهرر
احسن شيء الوحده تخلي الكوفير بس عليه الشعر والعروس هي تزين روحه او تخلي احد يقربله يعرف للمكياج يمكيجه خاصة الوجه موب كل شيء يصلحله الوجيه تختلف >> لاعاد احلفي احسبهن زي بعض

[بنت قماشه]

احسن حآقه اجحدي عن الكوفيره إنك عروس ,’

والا إن كآن أحد من قريبآتك تعرف تحط المكيآج يكون أفضل ,’

انا يوم زوآجي مزينآتن بنآت خالتي

انهبل زوجي يحسب اللي مزينتن الكوفيره وطبعاً جحدت عنه خليته على عمآوه

[ام لسانين]

والله شوفن يوم عمتي تتزوج قلنا للكوفيره مكياج ناعم للملكه مو للزواج والله وتمكيجها وتزين شعرها في 300 بس ومراا صار حلووو ويوم طلعت من البيت راحت لبست فتانها والحمد لله عاد من يبي يشوفها زوجها بس يعني لو بتسوي زفه يمكن نقول لازم تكشخ وكذااولو تدفع الفين عادي اما بس الرجال يشوفها قهر صراحه

[roosh]

ام لسانين
هآو
الرجل اهم وش علي من اللي يبي يجن انا
منسسمه