[روزانا))]

السلام عليكم ورحمة الله وبركــاته ..
بالبدايه اهنيكم بحلول شهر رمضان اللهم تقبل صيامنا وقيامنا والشئ الثاني دعواتكم لي بالشفاء
الموضوع بدون مقدمات ويشهد الله علي مااكذب بكلمه وحده هذا مارايته قدام عيني وخفت اني مااكتب او انصح حتى لو عبر نت فيحاسبني الله اني مانهيت عن منكر ولا أمرت بمعروف
يوم الخميس اللي مضى ذهبنا لمزروع عنيزه
ولايخافكم هذا المتنزه السياحي اللي بصراحه اعتبره واجهه حضاريه لمدينه عنيزه ماعلينا
كان الجو جميل بصراحــه ولافيه مكان الناس زحمه مما اضطرينا الى الجلوس جانب النطيطات وقدام المراجيح بشوي والجو كله تمــام مماعكر مزاجي بعض لبس البنات لاكن كانن محترمات للأمانه ماشفت منهن شئ يعني المهم على الساع 12 تقريبا الا اشوف ثنتين لابسات كتف ! ورب الكعبه انهن فاتحات لحد لفخذ والبناطيل جنز التفت بعدين تذكرت انه ليلة جمعه وربي نازل بالسماء الدنيا وناس تدعي ربي يشفيه وناس تباهى بمعصية الله ولاتبالي !؟
قلت يارب اهدهن والتفت لعل الوالده الله يحفضه جت وكانت قبالي يعني تشوفهن لأنهن جالسات عند المراجيح ورب الكعبه انهن يتغنجن وفاتحات البنطلون ! جاء رجال كبير يلعب ولده الا يقرب منهن تقريبا كأنه اخوهن وفيه شباب على اليمين يناضرونهن ! تحسبونهن خافن يوم تجمعوا الشباب زادن تغنج وتمايل الرجل يطلع الجوال ويقرب من عندهن انا انجيت وامي جابت اختي من المراجيح خافت منهن تقول سمعت وحده تقول : ابلشتنا ذي بحبيبه ؟؟؟؟؟؟؟؟؟؟؟؟؟؟؟؟؟؟؟؟؟؟؟
انا جان شئ قعدت اصيح لاشعوريا مدري وشو ياناس يعني معقوله ليلة جمعه ورمضان مقبل وهالشكل جالس قبالنا لاحسيب ولارقيب قلت لأمي بروح اها وشهم أي شئ حلفت الوالده تقول :تراهن يبلنس ذولي قليلات حيا !
سكت سكت والوضع نفسه اللي انهرت فيه ورب الكعبه انه حاطه قاروة الصحه والله على مااقول شهيد بين ........ ؟ والبنطلوووووووون طالع العباة راميته ورى ! رحت وامي تحلف تحلف يوم اقبلت هجن السلابه والرجل ذا ماغير يجي ومعه ولده ودي اصفقه اصفقه اصفقه يامال العمى ! يوم شافن جايه يقاله يلعب ولده > يعني ماسويت شى واقرب عشان يسمع وانا ماكلمت : الو السلام عليكم الهيئه الله يطولي بعمرك ............ ماشفت الا غباره اللسلب !
اتصلت على اخوي ورحنا ياناس هالموقف شاب سبدي هو حرام علي اني ماهاوشتهن بس رحت وهجن يوم شلنا فرشتنا تقل متفقين استغفرالله هو وهن رجعو مره ثانيه ؟ انا مليت وقلت يعلقون
ياليتهن يقرن سطوري اقولهن لاتلعبن على انفسكن يامخيسات لوانتن بنات رجال ماهجيتن يوم شفتننا اقبلت وياعزيلكن من ربي ! واليوم طحتن بيدي بكرى تطيحن بيد ان شاءالله الهئيه وووع تحسبين بيحبك ابو شنب اللي شنبه واصل ااخر الدنيا اللي ثوبه مصفر وع وع استغفرالله > اللي خان ربه ودينه بيحبك انتي مثلا ااف >> مقهووووره
والحمدالله طلعت حرتي دعواتكم بالهدايه ولا الكفايه من هالأشكال المعفنه

[عبدالله]

أسأل الله للجميع الهداية والرشاد

[حساني الروماني1]

الله يهدي الجميع
بس على فكره النصح مو بصراخ و الهواش
النصح برفق و اللين و اذا استجابوا
فلحمد لله و اذا ما فيا استجابه
الله حسيبهم

[روزانا))]

اقتباس المشاركة الأساسية كتبها حساني الروماني1 الله يهدي الجميع بس على فكره النصح مو بصراخ و الهواش النصح برفق و اللين و اذا استجابوا فلحمد لله و اذا ما فيا استجابه الله حسيبهم

اوكيه باللين لاكن امي يوم راحت لهن قالت قومن الله يهديكن هالمكان كله شباب ؟
ماعطن امي ادنى اهتمام وتجاهلنه لاكن يوم انا قمت هجن ؟ يعني فيه ناس اوكيه تتقبل باللين تجي لاكن والله العضيم فيه فئه تبطي عضم ماتحس من جموده مايبين بهن الا العين الحمرا لا بعد وعساهن هذولي ماافاد بهن لاهذا ولاهذا

[الرحاله العربي]

اقتباس المشاركة الأساسية كتبها حساني الروماني1 الله يهدي الجميع بس على فكره النصح مو بصراخ و الهواش النصح برفق و اللين و اذا استجابوا فلحمد لله و اذا ما فيا استجابه الله حسيبهم

إذا ما استجابن فيه هيئة تؤدبهن وتأطرهن على الحق أطراً حتى لا تهلك سفينة المجتمع

[حروف آبجديه]

الله يهديهن

[يربش بريده]

أسأل الله للجميع الهداية والرشاد

[رحيق الوردة]

لاتقولين اهاوشهن!!!!!!!!!!!!!!!!!!!

قولي انصحهن

الله يهديهن

[القنزهـ]

وإُلله الدنيآ زآإُطت بالحيل !!

وين إُهلهن هذوليّ !!

الله يهديهنُ ويكفينإُ شرهنُ ..

[رواقي]

أختي روزانا

أشكرك على حرصك ,,,
ولكن حتى لو ما يسمعون الكلام
الدعوة تبي
تحمل المشقة والصبر عليها ويجب التحلي بالصبر على ما يلاقي من أذى فلا يتوقع أن يلاقي الترحيب والاحترام على قدر ما يلاقي من نفور ومسبة ...

الله يهديهم ,,,

[اميره وبلاش غيره]

الواحد كره الطلعه من البيت بسبه المنكرات
انا وزوجي كنا مسافرين وكنا بملاهي الا وتجي بنت متكشفه وتجلس قدام رجلي وتكلم بجواله وتفتح عبايتها قدام رجلي ويطلع البنطلون البرمودا حسبي الله ونعم الوكيل
الله يهدي ضال المسلمين ويهديهن لانفسهن فالنار حاره وعقاب ربي شديد فلا تجعلو الله اهون الناظرين
فالدنيا فانيه ثم تجزى كل نفس بما كسبت والله الذي لا اله الا هو اننا محاسبون علي كل شي يخرج منا فالحذر الحذر فالجنه بانتظار من عمل لها
اخوتي واخواتي حفت الجنه بالمكاره وحفت النار بالشهوات

[مرآم]

يووووه يممممه ياقوي قلوبهن وقسسم بنتفض لو يقرب =(
الله يستر علينا بالدنيا والاخره ..
استغفر الله العظيم استغفر واتوب اليه ..

[سوسوالحلوة]

الله لايبقي بالدنيأأ الامن كان صالح...

الله يهديهن ,,,ويكفي شرهن

[كلي ذوق وذبحني الشوق]

طيب مافية هيئة بالملاهي المفروض اي ملاهي عوائل يصير فية هيئة ماقول الا اللة يهديهن ولاحول ولا قوة الا باللة