[الله يهدين]

الله يوفقكم بذاالشهرالفضيل
من يحتسب الاجر ويساعدابني بالابتعاث للدراسه
في خارج السعودية
علماان تقديره جيدجدا يعني مايقبلونه الابواسطة !!!!!
حيرني الله يهديه
مايبي يدرس الابراااا
ظاقت يارب افرجها
اللي يساعدني ماله الاادعي له من قلبي

[عبدالرحمن العمار]

الله يهدية بلعكس جامة القصيم احسله علشان في امة وابوه يسير قربين منهم

[الله يهدين]

حتى انازيك
لكن رافض يدرس هنا
بارك الله فيك

[بنت الشرقيه بدم بريده]

السلام عليكم


كل عام وانتي بخير ومبروك عليكم الشهر
واللهم اجعلنا من صيامه وقوامه

واللهم لا تشغلنا الا بطاعتك
والله يغفر لنا ذنوبنا


تسلمين اختي اللهم اميييييين وياك
وجميع المسلمين

الله يسمع منك


لاتطعينه وتسمعين كلامه وتسوين الي قاله وتخلينه يسافر ترى اهم بالعمر هذا يحبون ويبغون يسافرون بس بعد اسبوع او كم شهر بيمل ويبغا يرجع او حتى مايبغا يكمل هناك ويبغا يرجع على باله سهل انه يرجع او حتى على باله انه الروحه والجيه على كيفه وبسهوله واهم مايفكرون اهم شي انه يبغا يسافر ويدرس ومايفكرون بالغربى وكيف بيعيش
ولد عمي قبل الاجازه مسافر يدرس وكل يوم او كل ماكلم امه يقول ودي ارجع و ودي ارجع احظنك واحبك واشم ريحتك الولد مل وحن على ديرته وبيتهم وامه بس
مايبغا يقول وقاعد يلمك

واخوي كان يبغا يسافر اول ماتخرج ويدرس برى بس امي ارفضت واصرت وحتى جهزا الاوراق وباقي شغله ويسويها وبدت تصلي وتدعي انه مايسافر او يصير شي ولا يسافر وفعلا صار شي ولا سافر بعدها قال بسافر للقصيم وبدرس ويوم سافر يدرس عندكم بالقصيم ماكمل ترم واهو محول وراج للرياض يقول مليت وسبحان الله يقول حسيت غير وما ارتحت وما اخذ راحتي وتضايق حتى من ناحيت الاكل غير مع انهم ماقصروا معاه لا خالتي ولا خالي وعياله وزوجته وكان مع ولد خالي يدرس وبنفس قسمه ويجي زيروح معاه للجامعه بس سبحان الله بالموت كمل الترم وحول للرياض وجاء والحين يقول لاتودون اخوي ولاتطعونه وارفضوا انه يسافر يدرس لانه مثل ولدك الله يخليه لك مصر الا بـ يسافر برى وتلقينه مثل اخوي يشوف غيره يسافر ويدرس والي بيسافر يدرس وقال خلينا نسافر ندري ومثل ما اهم سافروا وبيسافرون بعد انا بكون مثلهم وبـ سافر ويمكن لا

ويمكن يكون ولدك عنده طموح وحاب يدرس برى ويمكن لا


واذا مره ثانيه فتح موضوع السفر والدارسه قولي له ادرس جامعه وخلصها هنا و اذا خلصت واخذت جامعه انا الي بـ سفرك تكمل دارسه

واذا خلص جامعه خليه يتوظف وزوجيه وسفريه اهو وزوجته يـ كمل جامعه

[عربي أصيل]

خليه يركد ويدرس في جامعة القصيم .. يدور له القسم الي يبيه ..
هو يبي الطلعه من السعودية ..
لا يضيق صدرك اللهم لك الحمد .. الي كاتبه الله يبي يصير ..
وعادي لو تأخر ترم ما فيه شي حتى يطيح الي براسه .
ما راح يضره تأخير ترم ..
.

[بنت قماشه]

لاتسمحين له يروح ,
خليه ينطق هنا ,
من زين نسبته عشآن يدرس برا ع باله الدراسة سهله هناك .,

هو وده يروح هناك عشان يقلد الناس اللي راحوا والا ماله ومال الدراسة .,

.,

وشوفي روحي لمه وقولي له إن كان حصل لك دراسة هناك تراي ابوح معك وابقعد على قلبك ورجلي على رجلك .,

هذا وجهي إن طاع .,

.,

[تفائل..]

انصحك لايروووووووح لسئ صغير وينخاااف عليه$$

والله يريح بالك ي ررررررررررررب

ويهديه ويستر عليه

[الله يهدين]

بارك الله فيكم وردودكم الطيبه
لكن الولد غيررررررررررررررررررررر
لمنه حط بباله شي ....................
دعواتكم ان الله يصرفه ويهديه
واللي يقدريساعدني لايبخل

[خطآآآك ضيع غلآآآك]

خلوووووه بهوووواه

[إليـن اليـوم..!]

ي آأختي من حقه يروح ليه لآ!!!


وآأنتي اعرف بولدك اذا هو جآد ويبي يدرس ومعه مستوى حلو خليه يروح!!! وآأن ششاء الله يرجع ويبيض وجهك!!

لآ تآخذين بردود بعض الاعضضآأء لآنه ذآ مستقبله هو!! وليس مستقبلهم! ومو كل من يبي يروح رآح!!! يعني الشي محدود !!!

وآأن ششششاء الله عقبآألي!!

[الله يهدين]

الله يكتب له الخير ويرضى فيه
الله يبارك فيكم ماقصرتو

[بنت الشرقيه بدم بريده]

اختي الله يهدين


لاتخالينه يسافر لو ايش ماصار وارفضي
وخلي ولي امره يرفض ويحط حد له ويحطه عند الامر الواقع وخاصه اذا كان من النوع اذا قال كلمه تمشي وماحد يقدر يعارضه وخليه يكلمه ويفهمه ويقوله لا مافيه سفر تبغا تكمل جامعه كملها بالسعوديه غيره مافيه واذا ماتبغا تكمل اجلس بالبيت ومافيه طلعه واذا بتطلع اشتغل الظهر بسوق الخضار والفواكه او الغنم والابل"بالبر يرعى" غيره مافيه ويمكن يفيده الشغل ويوعيه ويصحيه من الي اهو فيه"انه يبغا يسافر يدرس برى"على باله سهل وماتدرين ايش الي براسه وايش يفكر ولاتنسين انه مراهق وكيف تفكيرهم والجيل هذا والزمن هذا يخوف

اهو على باله اذا كل مره شافك وفتح الموضوع واصر على باله انك بتوافقين بالاخير والي يقوله بيسويه ارفضي وعصبي عليه وازعلي ولاتكلمينه خليه يحس انه الي يسويه والي قاله غلط وانه مو صح ومو من مصلحته وكلنا نعرف ان الام تعرف مصلحه عيالها وبناتها ولاتنسين انه مراهق وتوه مانضج وبس بيقلد الي يروحون يدرسون برى وخاصه اذا كان احد من زملائك واصدقائه بيروح يدرس برى وعلى قولت الوالده"امي" الله يخليها لي ولايحرمني منها عساهم يدرسون عندنا وبالموت ينجحون"بالدف" مو عاد برى وكيف يدرسون وبيروحون برى ويشوفون اشياء ماشوفوها بحياتهم او اغلبها وعلى الطبيعه غير الدعوه مو دراسه وبس لو على الدراسه سهله بس تخافين عليهم من الي هناك والي موجود والي فيه واهم متعودين من يوم كانوا صغار وكذا عيشتهم يعني عادي عندهم بس
عيالنا اذا راحوا هناك محد جالس يراقبهم ويحرسهم ويمنعهم حتى الاكل اغلبه هذا اذا ماكان كله حرام وفيه منتجات خنزير واللحوم مايعرف اذا كانت حرام او لا وعيالنا ماراح يعيشون على الفواكه والسلطات وماراح يطبخون اهم بـ نفسهم لان اكلهم يدخلون فيه شراب والكل يعرف ايش اهو الشراب مو الشيره"القطر" اوالعصير او العسل لا شي ثاني ويشتخدمون الزبده بس ايش الزبده تضمون انها زبده غنم او ابل او حتى بقر مو شي ثاني او حتى الحليب والجبن ومشتقاته ومنتجات الحليب تكون من البقر مو شي ثاني اكيد لا والبيبسي والسفن والحمضيات ومشروبات الطاقه والكولا والاشياء هذي تظمنون انها عادي تشربونها ولا فيه شي من مشتقاته وحلال مو حرام والبيره تظمنون انها حلال اساسا هنا تخافون انه يكون فيه نسبه قليله من الشراب والواحد يشك انها حلال ومافيه ولا 0,01% منه فـ يتركه ولايشربعا احسن واظمن له فـ كيف هناك وعادي عندهم

يعني السالفه مو سالفه دراسه واننا مانبغا احد يسافر يدرس ادرس واخذ جامعه واذا تسافر سافر للرياض ولا لحايل ولا للرس ولا للبكيريه ولا للدمام ولا لـ مكان بس بالسعوديه وشوف بنفسك على اساس اذا تبغا تكمل بديرتك وعند امك سهل واسهل انك ترجع مو مثل برى صعب الرجعه وانك تهون"تتراجع عن الدراسه برى وماتبغا" وماتبغا تكمل يدرس برى ويبغا يكمل عندك واذا اخذ جامعه بالسعوديه ويبغا يدرس برى زوجيه وخليه يروح اهو وزوجته واذا ماكمل برى ورجع يكون عنده اقل شي بكريوس"شهاده جامعه" او حتى سافر قبل يتزوج سفروه شهر شهرين لـ حد ماتشوفون اذا يبغا يكمل دراسه ماجستير ورغب يدرس برى وانتم كل كم شهر او كل ست شهور سافروا له من غير لايدري وانتم تكونون عرفين اهو ساكن فين وعارفين رقم تلفونه واي منطقه اهو ساكن وترحون للسفاره وتسالون عنه وتاخذون الوصف وتروحن له بوقت دومه"دراسته" او اذا قربت اجازته على اساس تظمنون انه ماسافر وتخلونه يرسل لكم على اساس تاخذون العنوان من الرسائل لو مره كل سنه واتكون قبل لاتسافرون له بـ مده بس على اساس تعرفون وين عنوانه واذا سالتوا يدلونكم وتعرفون وين ساكن بس


احرصي مره وتاكدي انه ماراح يسافر ويدرس برى الا بعد يدرس جامعه وياخذ الشهاده واذا رفض مره واصر
خلي ولي امره يجلسه بالبيت كم شهر ولا يطلع واذا طفش وزهق ومل الولد خلي ولي امره يشغله بـ سوق الخضار والفاكهه بعدها بـ ست اشهر او اكثر خليه يشتغل بسوق الغنم والابل ويرى بالبر سنه ونصف او سنتين او اكثر او خليه بالبدايه بعد مايمل ويطفش ويزهق خلي ولي امره يشغله بـ سوق الغنم والابل"يرعي ويبيع" كم سنه وبعدها خلي ولي امره يشغله بـ سوق الخضار والفواكهه كم شهر او كم سنه وجمع فلوسه وخليه واحرصي انه ولي امره يخلي يكون من البيت للشغل ومن الشغل للبيت ويروح معاه ويجي للمسجد واذا كان يسوق اخذوا منه المفتاح و ولي امره اهو الي يوديه ويرجعه لـ الشغل واذا بيويكم ويرجعكم"اذا كان ولدك اهو الي يوديكم ويرجعكم" الفتره الي بتخلونه يجلس بالبيت ولا يطلع منها غير للمسجد ويرجع لايوديكم ولا يرجعكم ولاتخلونه يروح يشتري لكم اغراض ولا تفتحون له النت الا ساعه باليوم والتلفزيون حطوا قنوات الدينيه مثل وصال وصفا والمجد والرحمه وقنوات الاخبار الجزيره والمستقله والباقي احذفوهم او اقفلوا القنوات بـ رقم سري ومحد يعرفه الا انتي و ولي امره وامنوا اي احد يغير القنوات ويحط غير هذي القنوات والاحسن تحطون القنوات الي قلتها بـ مجموعه وامنوا انهم يغيرون هذي المجموعه او اشتروا ستلايت"دش" الفلك او العائله"الي يكون بس قنوات الدينيه فيه"





وان شاء الله تجيب نتيجه معاه

[صوت البحر]

يستخير والحمد على كل حال

[Leader.20]

ههههههههههههه والله ياهو طموح ,, أجل يبي بعثه خارجية

والله لو ينقز ما يحصلها ألا بواسطه قوية

على العموم فترة وتعدي إن شاء الله بس هو طاف الحين وبتروح الطفة إن شاء الله