[قمه عاليه]

السلام عليكم ورحمة الله وبركاته

ودي أوصل معلومه عن جامع البصيريه انا هالسنه ماصليت معه الا امسسس

ولا كل سنه اصلي معه يوميا بس هالسنه ماحصل (طيب وش عندتس قولي )

الصوت عاااااااااااااااااالي بمصلى الحريم يوجع الرااااس ياليت يقصرون الصوووت

ودي أصلي معه بس يوجعن راسي من الصوت

ليت أحد يقدر يوصل صوتي من الرجال اللي يصلون أو من البنات اللي ابوها يصلي تقوله تكفووووووون

أنا مستغربه وشلون الناس ساكته مااحد قال شي حتى هالسنه اللي يصلون شويين مهب مثل العام

يمكن مثلي صلوا مره وشافوا الصوت كذا ولا رجعوا مره ثانيه

أتمنى أصلي بكرى معه والصوت مخفضينه شوي

لانه ماشاااء الله صوته زين حسافه مااصلي معه

ومشكووووورين واااااااااااايد

[أخر حروفي]

والله ياقلبي لا تصرين تحت المكرفون خليك بعيده عنه
الله يوفقك يارب

[رحيق الوردة]

حاولي توصلين ملاحظتك للرجال .....وين محارمك مايصلون معه ويوصلون الملاحظه ؟؟؟

[قمه عاليه]

أصير بعيده بس ماينفع الصوت مره عالي
محارمي يصلون بمسجد ثاني
مشكورين على مروركم وملاحظاتكم

[عبدالله]

المفروض ماهوب على كيف الإمام لأنه يزعج المصلين وهو مايدري.......

وين الأوقاف عنه؟؟؟

أعرف إمام مسجد شمال بريدة قبل كم سنة قال إن الأوقاف حضروا لمسجدي وفككوا بعض الميكرفونات
بس تراه على وقت الحماد(المدير السابق للأوقاف)

أستغرب من الذين يقولون بأنهم يستمتعون بالقراءة مع الأصوات القوية.........أين العقول

[ور"جوري"دة]

يمكنهم قلو الناس عشانهم
يمنعو الحريم اللي معهن اطفال
من الصلاة في الدور العلوي
صرااااحه قهر
كل عمري اصلي معه الا السنه عشانهم خلو الحريم
اللي معهن اطفال في الحوش انواااااع الازعااااج والحرررر

[عبدالله]

مخطئة من تحضر معها أبنائها لأن الأبناء غالبا يؤذون المصلين والمصليات فهم معذورون بعملهم هذا

[دُرر مضيئة]

اقتباس المشاركة الأساسية كتبها عبدالله مخطئة من تحضر معها أبنائها لأن الأبناء غالبا يؤذون المصلين والمصليات فهم معذورون بعملهم هذا

[بريده مدينتي]

حنا نصلي معه من اول يوم برمضان وفعلن فوق صوته مزعج وبعدين نزلنا تحت وصوته احسن من فوق بس مهوب بالحوش دخلنا داخل[/size]
ملاحظه داخله بمعرف اخوي

[قمه عاليه]

والله العام أنواااااااااااااع الأزعااااااج يوم اللي معهم بزارين فوق الحين هدوء اللي معه بزارين ماله إلا بيته
وشوله تجي وتزعج الناس أشوف البزارين تحت كأننا بملاهي يراكضون ويلعبون ولاوحده من الأمهات به خير تامر بزارينه
أنهم يسكتون الله يهدي الأمهات اللي تجي تبي الأجر وهي تاخذ أثم أكثر لأنه أزعجت الناس
والصوت تحت نفس اللي فوق مرتفع

[وصــلك ذهــب]

حتى عند الرجال الصوت عالي جداً ومزعج

[Ricky]

مدري عن الحريم بس الرجال الصوت بالعكس حلو لاهو عالي ولا هو واطي ..

[الظـــامي]

اقتباس الصوت عاااااااااااااااااالي بمصلى الحريم يوجع الرااااس ياليت يقصرون الصوووت ودي أصلي معه بس يوجعن راسي من الصوت

ما أحد يلومك ..
ملاحظة في محلها وكان الله في عون من يصلي خلفهم ..
الحقيقية لاحظت ذلك في عدة مساجد من بينها جامع البشر
والغريب التصميم على قوة الصوت بشكل مزعج في القراءة للصلوات الجهرية
بينما في حالات الركوع والسجود أحياناً لاتسمع التكبير ( غريبة ) !!!!
بصراحة إستخدام مكبرات الصوت بهذه الطريقة غير مقبول ويجب أن ينظر له ويعالج
لكن وعلى ما يبدو أن إدارة المساجد بيد الإمام والمؤذن خصوصاً الجوامع
والشعار ( راضين لك وإلا شف مسجد آخر ) والأوقاف لاسؤال ولا عقاب
شكرا لك أختى الكريمة ملاحظتك جداً رائعة ولكن من يعلق الجـــــــــــــــــــــرس ؟

[asadsd2]

بعض الأئمة يقرب من المكرفون واجد تقل بيبلعه ، ولا يفتح مجال للي يرد عليه لو أخطأ لأنه أصلاً ماراح يسمعه من زود الصوت والبعض يكثر الصدى تقل بوسط بير الله يهديهم
لكن في حل مؤقت لما تجي تصلين حطي بأذانك قطن وبعدين يخف الصوت وكلمي أحد الحريم اللي يصلن معك اللي معها محارمها يكلم المسؤولين في الجامع وإن شاء الله يتجاوبون وشكراً.