[خفيف الدم]

قصيده غريبه من نوعها
ليست الا رثاء النفس
قيل انه كتبها احد الشباب رأى في منامه انه توفى
ورثى نفسه فيها
8
8
8


جاني وانا في وسط ربعي وناسي " " جاني نشلني مثل ما ينشل النـــاس

مني نشل روح تشيل المآســـــــي " " تشكي من ايام الشقى تشكي اليـاس

اثر الالم في سكره المـــوت قاسي " " ماهالني مثله وانا انسان حـــساس

جابوا كفن ابيض مقاسه مقاســــي " " ولفوا به الجسم المحنط مع الـراس

وشالوني اربع بالنعش ومتواســي " " عليه ومغطى على جسمي البـــاس

وصلوا علي وكلــــــهم في مــآسي " " ربعي ومعهم ناس من كل الاجناس

ياكيف سوا عقبنا تاج راســـي " " وامي الحبيبه وش سوى بها الياس

اسمع صدى صوت يهز الرواسي " " قولو لها لاتلطم الخــد يانـــــاس

قولولها حق وتجرعت كاســي " " لاتحترق كل يبي يجرع الكـــــاس

اصبحت في قبري ولابه مواسي " " واسمع قريع نعولهم يوم تـــــنداس

من يوم قـــفوا حل موثق لباسي " " وعلى رد الروح صوت بالاجراس

هـيكل غريب وقال ليه التـناسي " " صوته رهيب وخلفه اثنين حـــراس

وقف وقال ان كنـت يانـمر نـاسي " " هاذي هي اعمالك تقدم بكــــــراس

ومن هول ماشفته وقف شعر راسي " " وانهارت اعصابي ولاارد الانـفاس

يالـيتــني فكرت قبل انغمـاسـي " " بالـغفله اللي منتـهاها لــلافلاس

وفزيت من نومي على صوت ناسـي " " واصرخ واقول الموت وأحذر الناس
8
8
8
قائل القصيدة توفي في حادث مروري بعد يومين

رحم الله أموات المسلمين أجمعين

اللهم ارحمنا برحمتك يا أرحم الراحمين