[حكيم الليل]

سلام علييييكم


حياكم ربي جميعا

انا حقيقه شغال بـ شركه تخصص مكياج نبيع على الزباين < لكني حبيت الشغله

وحاب أبدع فيها بشششكل اكبر عشان كذا ودي اي احد يعطيني أماكن مثلا دروس مكياج او حاجه زي كذا

أو مثلا كتب او مجلات مختصصه بـ قوه بالمجال . . الجديد منها وكذا يعني

اتمنى أفادتي لاني فكرتي بعد فتره وأكتساب الخبره بهالمجال فتح محل وكذا < لاني حطيت الشغله ببالي وحاب اتعلمها بـ قوه


فـ ياليت أي احد يملك خبرره بهالمجال أو لها خبره بـ الجديد أو كذا يعطيني خبر أو تعطيني خبرر سواء هنا أو بأرسال رساله خاصه < لو كان فيه دعايه لـ شي معين

أنتظظظركم

[أم خالد]

افتح محل وسوق لمكياج ماك التقليد

[بدويه اصليه]

للرفع

[حكيم الليل]

هلا فيييك ام خالد


لا انا حاليا أبغى اعرف كل شغلات الماركات المعروفه : زي ماكس فاكتروريفلون وبرجواس و... عرفتي يعني اتعمممق فيهم كـ خبره حتى اذا فهمتها بشكل كبير يمديني اجييب البضايع وادرس الزباين والسوق كله < لاني عندي الحين خلفييه وخبره فيه بس محدوده وودي اطورها

وهذا هدفي للي يقدر يفيييدني أكون شاكر له وبـ قوه < كل شي قوه ^_^

[حربي عابر دربي]

اتق الله في كل شي

1 - عليك معرفت منتجات الشركة كامله ( حصر كل منتجات الشركة )

2 - لابد من معرفت مميزات المنتج وعيوبه

3 - لابد من معرفت منتجات الشركات المنافسة وعيوبها ومشاكلها حتى تستطيع المناورة مع الزبون بحدود الشرع وعدم بخس حقوق الاخرين فقط تعرض عيوب المنتج المنافس ومميزاته الايجابية وتقارنه مع منتجكم بكل صدق وأمانة

4 - عليك تطوير نفس وقدراتك في مجال البيع واقناع الزبون وتعرف طريقة تفكير كل زبون وما يميل اليه فمنهم من يهتم بالسعر ومنهم من يهتم الجودة

5 - وبان مجال تسويقكم وتعاملكم غالبآ مع النساء فــ اتق الله وكن مهذبآ وغض الطرف ( ما اقول الله يعينك )


6 - لابد من الاطلاع على جديد السوق

7 - لابد ان تكون علاقات طيبة مع اصحاب المحال التجارية وبيع التجزئه

8 - الصدق في كل شي حتى ولو على المنتج او شركتكم

9 - احتاط من الاجنبي ولو كان زميلك فهم يصعدون على اكتاف الاخرين

10 - كن خير ممثل للشاب السعودي ونافس الاجانب واصبر

نقاط مبعثرة ومتداخلة لاكن احببت لك الفائده

بالتوفيق

[تولــــــين]

الله يوفقك ويسهل أمرك

[حكيم الليل]

حياكم ربي

وومشكور اخوي حرربي وم قصررت واللله وان شاء الله بطببق كلاامك وكلامك ع العين والراس

وبنتظر افكار واراء البقيييه لاهنتم

[حكيم الليل]

حياااكم الله



مازلت انتتتظرر ردووودكم

[حبيبتهم]

وعليكم السلام ورحمة الله وبركاته

رغم اني مافهمت عليك وش تبي نوضح لك ب الضبط لكن بأساعدك باللي اقدر عليه

ماركه ماكس فاكتر اكثر شيء يمشي فيها مكياج الاساس سواء الانواع القديمه او الجديده
والبورده الجافه اللي تجي دائريه والمضغوطه والماسكارا خصوصا اللي يجي لونها ذهبي وبنفس شكله يجي الظاهر لون الغطاء كحلي فاتح وكلهن نفس الشكل
طلعت انواع كثير ماسكارا من نفس الماركه لكن اشوف اكثر شيء يمشي عندهم هالنوع من الماسكارا ..
الكحل جربته اللي يجي قلم لكن ماعجبني يسيل وعموما الكحل يختلف على حسب العين فيه ناس ينفع معاهم وناس لا ..

ماركه نيفيا اكثر شيء يمشي عندهم الاروااااج بلا منازع ارواجهم حلوه والوانه متنوعه فيها الالوان الهادئه وفيها الالوان الصارخه وكمان اشوف الناس يمدحون القلوسات عندهم لكن شخصيا ماجربته ..



ماركة برجواس اكثر شيء استخدمه منهم بلاشر الخدود لان الوانهم هاااادئه جدا وفيها لمعه حلوووه
وتناسب للمكياج الهادي او الصباحي مثل الدوام او الجامعه ..

ماركة ريفلون مالي خبره فيها جربت منهم الارواج وماعجبتني

فيه ماركة ماك لها شعبيه كبيره عند البنات سواء بمكياج الاساس عندهم او البودره او البلاشر او الاوراج يعني عموما ماركة ماك مطلووووووووووبه وبقوه وبالقصيم مافيه ماركة ماك الا بعنيزه مول

فيه ماركة صبايا من محلات مكياجي ماركه لا يعلى عليهااا الصراحه خصوصا بالمحددات والاوراج

بالنسبه للماركات العاديه فيه ماركة كازانوفا ارواجهم حلوووو رطبه ولا تنشف على الشفه
ومتوفر عندهم اغلب الالوان .. جربت من عندهم محدد الحواجب لكن ماعجبني يسيل مايثبت

فيه ماركة كلاسيك حلوه ماعليها لكن شخصيا ماجربت من عندهم الا الارواج




ارجع واقول مافهمت عليك وش تبي بالضبط بس هذا اللي قدرت ان شاءلله افيدك فيه ..



وبالتوووفيق ..

[سيلينا]

اممممممم شوف المكياج على حسب نوع البشره
يعني مثلا في بنات اذا قلت لهم ماركة ماك يشترونه من غير تردد
انا اشتريت كريم اساس منهم و شفته عادي جدا و ما ناسبني اصلا
الاساس كان سعره ١٩٠ ريال اظن او اكثر و اخذت مسكرا بايخه جدا جدا
و منظف بشره و بلشر حسابي كان ٩٩٠ ريال بالضبط بصراحه ما يستاهل المدح
افضل كريم اساس برجواس بالفواكه و سعره ٨٥ ريال و الماسكرا ماكس فاكتور
 بالنسبه لي الماركات الثانيه افضل و ارخص

انا حطيت لك هذه المقارنه عشان تعرف انو البنات تفكيرهم مو واحد
و كل وحده لها شي يناسبها و ترتاح فيه
بس اهم شي حاول تعرف اكثر عن مميزات كل منتج عشان اذا وحده سألتك تعرف ترد
يعني مثلا يناسب اي بشره و يتأثر بالحراره او لا
زي كذا يعني