[ابو ديما]

أيها الاخوات والبنات والامهات الفاضلات ذهبت بأم الاولاد الى مشغل نواعم اللي بالزاويه اكيد تعرفونه على شان تعمل شغله في وجهها والله ثم والله يوم خرجت من المشغل وهي تبكي لما رأيت وجهها احسبها معاقه انهبلت والمشكله الاكبر انهم رفضو يرجعون لها الفلوس وقالوا ان صاحبة المشغل ترفض ترجع ولا بعد هذي الشغله يصلحونها بخمسين ريال وباقي المشاغل على 25 بس القضيه مو قضية فلوس ابي اعرف ليش ما فيه مراقبه للمشاغل من قبل البلديه وتحديد اسعار وجوده عمل ..
على العموم انا انبسطت لان الحرمه اخذت موقف من المشاغل كلهن لاني عجزت وانا اصيح عليها اتركيهم افضل لك
والله على ما اقول شهيد

[فداك الكون]

بالعكس نواعم من ازين المشغل من زمان وانا اتعمل معهم ماشفت عليهم
اي شي لكن الحمدالله على سلامته وماتشوف الا العافيه
طيب وش سوت بوجه لدرجه انك تقول تقل معاااقه

[قطوه شيرازيه]

لاحول ولا قوة الا بالله

ياكرهي لهالمشاغل بس وش نسوي وش حادك على المر قال اللي امر منه
ماتشوف شر

باذن الله

[ظيغميه]

لا حول و لا قوة إلا بالله العلي العظيم أسأل الله العظيم لزوجتك الشفاء العاجل

و فعلاً المشغل جداً سمعته سيئه ما يستخدمون فيه إلا أبخس المنتجات وما فيه أي عنايه يعني ما يسوون لك

أختبار حساسيه و لا فيه تعقيم لأدواتهم لو تجي وحده من العاملات أو الزباين فيها فايرس كبد وبائي ممكن

تنقل العدو للزبونه وخاصه من أدوات البودي كير لكن كل هذا بالنسبه لي يهون عند عاملاته رحت له مره وحده

بعدها حرمت أروح قسم بالله كأني داخله على شلة رجال

ومو بس أنا اللي شفت أيش يسون كل من راح له يشتكي من حركات العاملات المخيفه للزبونات

و أنا أنصح كل بنت ما تروح للمشغل هذا أو غيره لوحدها أبداً

[ممدوح الطرس]

لاحول ولا قوة الا بالله

[من الضاحي]

ماتشوف شر انشالله

لاكن ماتلام يومنها تروح للمشاغل
لان عينك زايغة تبي تتجمل عندك
الجنس الناعم حساس تذبح نفسها اهم شي تمدحها

[ابو ديما]

اقتباس المشاركة الأساسية كتبها من الضاحي ماتشوف شر انشالله لاكن ماتلام يومنها تروح للمشاغل لان عينك زايغة تبي تتجمل عندك الجنس الناعم حساس تذبح نفسها اهم شي تمدحها

يبدو انك لم تتزوج بعد

[مهزله]

اوووف الله يأخذهم اكرررررررررررره مأشوف المشااااغل لكن وش نسوي ..!!

..

[الدلع بعيونك]

لا يكون اللي يشتغلون فيه سمكريات بنقلاديشيات
تحياتي

[abonwaf]

الله يستر لايكون مصدر لنقل الامراض الخطيره

[صالح المشاري]

في فمي ماء

[بسماتي]

الله يستر علينا بالدنيا والاخره.... رحل الحياااااااء؟؟؟؟؟

[ليت حزني دمع وبكيه]

اللهم استرنا
واحفضنى من كل مكرووهــــ
والحمدلله علا سلامتها الله يعافها

[ابوجـنـيـه]

البلا مو في المشاغل البلا في الي يخلي زوجته تروح للمشغل علشان تسوي لها وجهها من الخرابيط

والمكايج انا خابر المشاغل للقصات بس

الوجه الطبيعي نعمه من الله واحسن واجمل من المكاييج والخرابيط

والحمدلله ع سلامة زوجتك