[ملح يذر]

صار بالثلاجة جزر كثير ومتحسفة فيه خفت يخرب
فقلت خنسويه مخلل فابشرح لكم وش سويت اليوم بالتفصيل الممممل



المقادير :
6 او 8 خيار بلدي
6 او 8 جزر كبير نضيف
فص ثوم مقشر
مجموعة حباحر
ملعقة شاي كمون
ملعقة صغيرة ملح
ريح ريح بهار طازج (زززين) او مب لازم
فنجالين خل
كاس ليمون معصور (طازج) يعني تقريبا يبي لك 5 ليمونات للعصر
ملعقة شاي فلفل اسود
ماء على حسب الحاجه
فلفل بارد (فلفل رومي)
زيت زيتون
علب صغيرة للمخلل او برطمان كبير

الطريقة:
قطعي الجزر والخيار على حسب رغبتك طوال او دوائر او بقاطعة الجزر
حطي الخيار والجزر عقب ما تقطعيه بزبدية قزاز (قزاز) خطا مبطبعي
وكبي عليه الخل والليمون وررريح بهار سنع او مب لازم بهار وتقررريبا كاس ماء وملح (عحسب رغبتك) بس تذوقي لاتتوهقين
وفتحي العلب عقب ما(تموصينهن) وحطي بكل علبة تقريبا ملعقة زيت زيتون واقطعي كل ثومة نصين وحطي كل علبة ثومة مقطوعة نصين وحطي بكل وحدة بعد حبحر مقطوع وطوله تقريبا 6 سم يزين ريحته
وحلقة سخيفة حبحر من عند راسه (قمعه)عشان تحرر المخلل وعلى حسب الحرارة الي تحبين تحطين
وحطي قطعة طوليه من الفلفل الرومي بكل علبه
ورشي كل علبة ذرة كمون وفلفل اسود
بعدين اغرفي من الزبدية على كل علبة خيار وجزر مع مويتهن (الي سويناها)
ووازني بالمقدار من الخيار والجزر ومويتهن بين العلب
وبالاخير قبل لاتطبقينهن
ذوقي بملعقة كل علبة لا يصير طعم الخل قليل او الملح فزيدي بكل وحدة تقريبا ربع طباقة خل اذا لزم
وعبي العلب للآآآآخر وان خلصت موية الزبدية نزيد كل علبة ماء لما يتضبط الطعم ويمتلن
وقبل لا تسكرين شيكي على كل علبة ذوقيها لا يصير طعمها لاذع او قليل الخل والملح

ونسكرها زززززين ونرفعها بعيد لا كلن يمر ويفتحها !! ونخليها اسبوع ونص اقل شيء ثم نفتحها

والافضل نحطها بعلب قزاز بس طرى لي اليوم وتحححمست قلت مانب صابرة والقى دستة علب عندي
واحط المخلل فيه
وترى يكفي ل 12 علبة تقريبا من حجم العلب الي شفتوا

وافضل علب صغيرة عشان لو صارت كبيرة بتتمطرس وغير كذا احلى شكلها لو بتهدين قريبتك (شغل ايدي) كاشخخخه


بعد اسبوع ابخبركم وش كثر طعيممممه
انا مجربتها برمضان ووووو لذذذذذيذة
بس هالمرة فية زيادة اضافات

وصدقوني انا مو راعية مخلل ابدا ما افكر اذوقه حتى !!
بس هذا غيررر بس من تفتحينه او احد يفته حولك بتشمين ريحته مررره لذيذه وسنعة
وصرت ما اكل الا شغل ايدي
كلش الا حق الي برا (اكرم الله النعمه)


خبروني اذا سويتوها وش بيطلع معاكم بتعجبكم؟؟


والحين فرو الابتوب عشان تشوفو الصورة صح

[IMG][/IMG]


وبالعافية علي وعليكم

وقولوا ماشاء الله لا يخرب بعد اسبوع ابفتحه اخاف القاه خربان

[كل المشاعر]

ماشالله تسلم ادينك
عجبتني المرطبنات الصغيرة
حلوة فكرتك <<<<
يعطيك الف عافيه

[ღ ليالي نجــد ღ]

ماشاء الله عليك حلو الواحد يستفيد من بواقي الخضره لاتخرب
لكن لوحطيتيه بعلب زجاج اعتقد افضل من البلاستيك
لي يوم ابفسر ذرعاني واسويه بس يا انا ابدعي عليك لو يطلع مب زين ويروح تعبي على الفاضي

[السيدة نانا]

حلوه فكرة الفلفل الاسود
شكله لذيذ
تسلمين والله

[السيدة نانا]

حلوه فكرة الفلفل الاسود
شكله لذيذ
تسلمين والله