[saleh2]

جلست في مجالس كثيرة في أغلب أنحاء بريدة وأحياءها ...

فوجدت الآباء يشتكون من تدني وضعف مستوى أبناءهم في الآونة الأخيرة في الابتدائية

لايقرؤون جيدا ...

لايكتبون جيدا ...

إملاؤهم متدني ...

إهمال واضح ...

وبعد بحث عن الأسباب وخاصة مع بعض الآباء والمعلمين القدامى ...

تبين أهم سبب لذلك هو :


((( تغطية أغلب مدارس بريدة من خريجي كليات المعلمين ))) ..

والذين خدمتهم لاتتجاوز السنتين ! وخاصة بعد تقاعد القدامى وذهاب خريجي الجامعات ..

فجاء خريجوا كليات المعلمين و99% من خارج بريدة ويلحظ عليهم الإهمال والتسيب ..

فأصبحت مدارس بريدة الابتدائية الآن دون المستوى المطلوب ..

فمواد اللغة العربية والصفوف الأولية يتولاها معلمون حديثي التخرج قليلي الخبرة لايحسنون التعامل مع الصغار وايصال المعلومة لهم ..

وحتى مواد الدين يدرسها في بعض المدارس معلم الرياضة والفنية والعلوم وبعضهم لايحسن أداء الصلاة !

فنريد حلاً عاجلاً من مدير التعليم ابوراكان والذي عرف عنه الجدية وإصلاح الأخطاء ..

مستوى ابناءنا الصغار في انحدااااااااااااااااااااار !!!

.

[امي نور عيني]

مو شرط تدنيهم من الخريجين الجدد ابني يدرسه صاحب خبره قديمه
والله ان اغلب المواد لسى جدد ما اخذ ولا شي فيها وخصوصا الرياضيات
الاهمال عام على المدرسين
صارو الاطفال يتعلمون على يدين امهاتهم

[راصد]

والله يابن الحلال الدعوى انحاست والمدرس الجاد قليل هالوقت وترى الوزارة لها دخل في المشكلة كل سنة مغيرين المناهج وحايسين الطلاب وليتهم على مناهج اول
بس كل وزير جديد يبي يغير على حساب الطلاب
وموضوع مدرسين الابتدائي موضوع مهم جدا وغلبهم مثل ماقلت شباب مالهم خبرة كافية
ويمكن المدرس القديم يعطيهم درس في حصة واحدة عن اسبوعين مع مدرس جديد مايدري وين الله حاطه
شكرا لك على طرح الموضوع

[saleh2]

اقتباس المشاركة الأساسية كتبها راصد والله يابن الحلال الدعوى انحاست والمدرس الجاد قليل هالوقت وترى الوزارة لها دخل في المشكلة كل سنة مغيرين المناهج وحايسين الطلاب وليتهم على مناهج اول بس كل وزير جديد يبي يغير على حساب الطلاب وموضوع مدرسين الابتدائي موضوع مهم جدا وغلبهم مثل ماقلت شباب مالهم خبرة كافية ويمكن المدرس القديم يعطيهم درس في حصة واحدة عن اسبوعين مع مدرس جديد مايدري وين الله حاطه شكرا لك على طرح الموضوع

اشكر لك مرورك

وليس كل المدرسين القدامى ممتازين ولكن الأغلب أنهم كذلك ويكفي أنهم آباء ويستشعرون المسؤولية ..

ولكن لابد من مدرس خصوصي بالبيت مثل ماقال احد الاعضاء ..

[عبدالله]

إذا كان المعلم سيراقب الله في تعليمه لأبناء المسلمين فسترون النتيجة الطيبة وإلا بالعكس........

[مهبهب الريح]

انا اشوف التعليم كل يوم بانحطاط لماذا من يجيب ؟؟؟

[طرقي]

اقتباس المشاركة الأساسية كتبها امي نور عيني مو شرط تدنيهم من الخريجين الجدد ابني يدرسه صاحب خبره قديمه والله ان اغلب المواد لسى جدد ما اخذ ولا شي فيها وخصوصا الرياضيات الاهمال عام على المدرسين صارو الاطفال يتعلمون على يدين امهاتهم

الله يسامحك بس الحين عممتي على المدرسين علشان ولدك

أنا أشوف الأسباب كثيرة منها كما ذكرت المعلمين الجدد لأن هذه المرحلة تحتاج خبرة و تعامل و لا تحتاج علم لكن المدرسين يتحاشون هذه المرحلة لأنها متعبه جداا و لا فيها ميزات تسوى التعب اللي يواجهه. لذلك يكلفون المعلم الجديد و بالتأكيد يفشل لأنه ما يعرف يتعامل معهم..
أيضاً السبب الثاني هو من البيت فالطالب الآن غير أول عنده أشياء كثيرة تلهيه عن الدراسة بلايستيشن و لاب توب و آيبود و غيره و إذا شدوا عليه المدرسة و عاقبوه يجون أهله و يزعجون العالم لا تقولون لا تسون شي لولدنا و الولد أكبر داج في الفصل ..
طبعاً هذا بغض النظر عن المدرس اللي ماعنده أمانة هنا يكون دور مدير المدرسة و المشرفين.. 

[saleh2]

اقتباس المشاركة الأساسية كتبها نـصـراوي الله يسامحك بس الحين عممتي على المدرسين علشان ولدك أنا أشوف الأسباب كثيرة منها كما ذكرت المعلمين الجدد لأن هذه المرحلة تحتاج خبرة و تعامل و لا تحتاج علم لكن المدرسين يتحاشون هذه المرحلة لأنها متعبه جداا و لا فيها ميزات تسوى التعب اللي يواجهه. لذلك يكلفون المعلم الجديد و بالتأكيد يفشل لأنه ما يعرف يتعامل معهم.. أيضاً السبب الثاني هو من البيت : فالطالب الآن غير أول عنده أشياء كثيرة تلهيه عن الدراسة بلايستيشن و لاب توب و آيبود و غيره و إذا شدوا عليه المدرسة و عاقبوه يجون أهله و يزعجون العالم لا تقولون لا تسون شي لولدنا و الولد أكبر داج في الفصل .. طبعاً هذا بغض النظر عن المدرس اللي ماعنده أمانة هنا يكون دور مدير المدرسة و المشرفين..

إضافة رائعة ... تضاف للأسباب السابقة

مشكور وماقصرت

[عرفوج]

والله يالحبيب السبب والله هو العالم إنهم منعوا الضرب هذا هو السبب أنا أقول من خلال خبرتي كشايبن كبر الأرض إن الورع ليا ما لقى أحدن يأدبه بضرب ماهو يعني الضرب اللي يذبح لكن الضرب اللي يوجع ولا يضر الورع يبي يلعب ويصج ويلج ويصير شيطان مريد شف هالشباب بالهالشوراع وتفحيطهم و لجتهم وعدم احترامهم للمرور وقطع إشارات و شيء يروع كله بسبب منع الضرب بالمدارس وبعدين أهل هالطالب لو يلمس الطالب لمس جاك منتفخ تقل ( نيص ) ويضرب الشرق بالغرب ويتهدد والله والله لاسوي ولاشتكي ولاأعمل ولاأترك وولده موذين الطير بالسماء والنمل بجحورتهن والمدرسين بعد فيهم الردي وفيهم الطيب حالهم حال كل بني آدم عاد إن صاروا من اهل بريدة وإلا من أهل المريخ والوزراة والدعوى طويلتن عريضة ماهي اللي أنت تبي يالحبيب يعني كل واحدن من المدرس والمدرسة والبيت والوزارة لهم نصيب بالتساوي في هذه السالفة وشكرن .

[saleh2]

اقتباس المشاركة الأساسية كتبها عرفوج والله يالحبيب السبب والله هو العالم إنهم منعوا الضرب هذا هو السبب أنا أقول من خلال خبرتي كشايبن كبر الأرض إن الورع ليا ما لقى أحدن يأدبه بضرب ماهو يعني الضرب اللي يذبح لكن الضرب اللي يوجع ولا يضر الورع يبي يلعب ويصج ويلج ويصير شيطان مريد شف هالشباب بالهالشوراع وتفحيطهم و لجتهم وعدم احترامهم للمرور وقطع إشارات و شيء يروع كله بسبب منع الضرب بالمدارس وبعدين أهل هالطالب لو يلمس الطالب لمس جاك منتفخ تقل ( نيص ) ويضرب الشرق بالغرب ويتهدد والله والله لاسوي ولاشتكي ولاأعمل ولاأترك وولده موذين الطير بالسماء والنمل بجحورتهن والمدرسين بعد فيهم الردي وفيهم الطيب حالهم حال كل بني آدم عاد إن صاروا من اهل بريدة وإلا من أهل المريخ والوزراة والدعوى طويلتن عريضة ماهي اللي أنت تبي يالحبيب يعني كل واحدن من المدرس والمدرسة والبيت والوزارة لهم نصيب بالتساوي في هذه السالفة وشكرن .

منع العقاب اسهم بشكل كبير في ضعف الطالب وتدني مستواه وكذلك جهل بعض الاباء

وهذه تضاف للأسباب السابقة


وشكرا لك

[الحمد لله]

فجاء خريجوا كليات المعلمين و99% من خارج بريدة ويلحظ عليهم الإهمال والتسيب ..

فأصبحت مدارس بريدة الابتدائية الآن دون المستوى المطلوب ..



ما تخلون عنكم هالعنصريه يعني الي من خارج بريده مهملين وحقين بريده ما يحتاج ملائكه
استغفر الله العظيم

ابسألك يا بطل كم عمرك

[ام البنات99]

فعلأ صدقت انا والله جبت لبنتي مدرسه باالبيت تأسسه من جديد مع العلم انها بثالث
بس تأسيسه ضعيف والحمدلله الحين من المتفوقات

[saleh2]

اقتباس المشاركة الأساسية كتبها ام البنات99 فعلأ صدقت انا والله جبت لبنتي مدرسه باالبيت تأسسه من جديد مع العلم انها بثالث بس تأسيسه ضعيف والحمدلله الحين من المتفوقات

هذي المشكلة وفيه طلاب وصلوا رابع مايعرفون يقرون ولايكتبون ؟

[د/ بريدة]

أيضاً نقول من درس الخريجين لم يحسن التعامل معهم والدليل ما أنتجوه من معلمين متدنين المستوى ...

أظن أن المشكلة الأساسية هي تكمن في عدم مراقبة الله وعدم إستشعار الأمانه العظيمة التي بين أيديهم إذ أن من أمامهم إنما هو جيل فمن إستشعر ذلك عملَ جاهداً في إخراجهم بأحسن حلة وأجملها وأبهاها وبالله التوفيق