[سعداف]

لو سألت أي شخص كان .. سواء سباك عمارة وإلا حارس مسجد
لا صار الجوء بارد ويوم خميس وعطلة وش يبي يكون ؟ أكيد يبي يجاوبك ( زحمة بعسيلان )
يعني الموضوع ما يحتاج لتفكير ودراسات وخطط ومدري إيش

هل يُعقل في هذا اليوم أن تخرج لمنتزة عسيلان ولا تجد أي سيارة مرور هناك لتنظيم حركة السير ؟؟
الوضع هناك لا يبشر بخير نهائياً .. والسبب لا يوجد مرور ينظم ويسهل عملية السير

الشبك الفاصل بين الشارعين من أهم الحلول التي ساعدت على تسهيل عملية السير
ولكن يوجد كم جزء من الشبك قد تم قطعه سواء بحادث أو عن طريق أشخاص مجهوليين
الأهم أن قطع جزء من الشبك يضر المصلحة العامة ويجب إصلاحه في أسرع وقت

أيضاً معاكسة الطريق وبسرعة قصوى أيضاً .. يعني شين وقوي عين !!

لو وجد المرور "بشكل قوي" .. وليس فقط منظر للفرجة ومحاولة الترعيب
لكان الوضع هنالك أفضل بكثير .. والخروج بأقل الخسائر المادية والجسدية بإذن الله

صور من قلب الحدث توضح الوضع







سيارة الشرطة هذي على ما أعتقد إنه يستلم بديرة عسيلان أو الطرفية
لأني أشوفه رايح جاي عند مكان التطعيس وبدون ما يسوي شيء نهائياً











هذا المديور الرسمي .. ونلاحظ السلاسة وعدم وجود الغبار









هذا المديور الغير رسمي وتم قطع جزء من الشبك .. نلاحظ الغبار وخطورة الوضع













* نبي نحسن الظن بمدير المرور ونقول إن معه كامري ولا وده يطلع به لعسيلان
يا ليت يوصله الموضوع ويحل المشكلة قبل ما تكون هناك خسائر في الأرواح لا سمح الله :/
صورة مع التحية لكل من يهمه الأمر ..


كل الشكر لكم أينما كنتم ..
محبكم ،


--------------------------------------------------------------------------------------------------

[ تحديث جديد يوم الخميس بتاريخ 1432/12/21 ]

المشكلة لا زالت قائمة والوضع في عسيلان على ما هو عليه إلا في شيء واحد
في سيارتين مرور واقفين قريب من مكان التطعيس ومشغلين السفتي وجالسين يسولفون
مدري وش الهدف من وقوفهم .. لكن نبي نحسن الظن بمدير المرور ونقول إن عنده خطط مدروسة !

أوضح على شيء مهم جداً جداً ..
حصل حادث بالليل قدام مكان التطعيس مباشرة .. أدى الحادث إلى شق الشبك للأسف
ولا صار فيه فتحه قدام مكان التطعيس .. لا تستغربون خبر بعد أيام وفاة عائلة بسبب بزر يبي يطعس :s









المديور الرسمي ..









يجي واحد يقولي طيب وش تبي المرور يسوي بكل هالشعب ؟
أول شيء وضع حواجز كل مسافة على الردمية اللي بجوار الطريق .. بحيث ما يستطيع الواحد إنه يعاكس
ثانياً إغلاق الفتحات اللي بالشبك .. ووضع دورية عند المديور الرسمي لتسهيل حركة السير
ثالثاً توزيع المرور السري بشكل مكثف .. بحيث لا شاف رضيع فرح ويبي يسقط من الكتف اليسار ويطير علينا حصى
يوقفه ويعطيه مخالفة وإن حصل توقيف ما عندنا مشكلة
وغيره من الأمور اللي أجزم إنه موجودة بالخطط المدروسة حقت مدير المرور : )

[دفا.]

من جاء ساهر والمرور متخدر من زود الفلوس مسويه لهم تخمه
حتى التفكير متعطل

الحين عرفنا ليه في السابق المرور متواجد في كل مكان
يمكن يصرفون المخالفات هههههه

[رواقي]

اقتباس المشاركة الأساسية كتبها دفا. من جاء ساهر والمرور متخدر من زود الفلوس مسويه لهم تخمه حتى التفكير متعطل الحين عرفنا ليه في السابق المرور متواجد في كل مكان يمكن يصرفون المخالفات هههههه

[ممدوح الطرس]

اقتباس المشاركة الأساسية كتبها دفا. من جاء ساهر والمرور متخدر من زود الفلوس مسويه لهم تخمه حتى التفكير متعطل الحين عرفنا ليه في السابق المرور متواجد في كل مكان يمكن يصرفون المخالفات هههههه

هههههههههههههههههه

كلامك صحيح

والله اني بغيت اكتب عن الموضوع هذا لأنه اكث من مخرج في السياج الحديدي والصراحه خطر جداً

[متابع 9]

.الشرطة موجودين ولا سلموا منك
والمرور لوهم موجودين ما أرضوك .. تحياتي .

[لا تنساني]

اقتباس المشاركة الأساسية كتبها متابع 9 .الشرطة موجودين ولا سلموا منك والمرور لوهم موجودين ما أرضوك .. تحياتي .

واضح عليك محترم

[وين عايشين]

بفترة الحج العساكر اغلبهم بمكه حتى تلاحظ بريدة بالفتره الي راحت الدوريات قليله جداً او تكاد معدومه
والسبب معروف طبعاً الدولة تخشى انه يحدث شي بالحج فلذلك اغلب السلك العسكري بمكه

[جيهان]

اقتباس المشاركة الأساسية كتبها وين عايشين بفترة الحج العساكر اغلبهم بمكه حتى تلاحظ بريدة بالفتره الي راحت الدوريات قليله جداً او تكاد معدومه والسبب معروف طبعاً الدولة تخشى انه يحدث شي بالحج فلذلك اغلب السلك العسكري بمكه

تصدقون الاعلام بقوه ماشفنا تنظيم ولاشي باالحج دمــــــار استغفرالله
فيه بس يعدون على الاصابع كل شي حوسه التنظيم والخدمات باالحج السنه فاشلــــــــــــــه بقوه بقوه
خاصه يوم عرفه المفروض يتواجدون ضروري ماشفن احد ماادري وينهم مافيه احد ببريده ولامكه شكلهم باالمريخ ...؟؟
ماادري متى نتعلم من الدول المتقدمه اليابان وغيرها

كله هياط باالفاضي

[حفيد اعقيل]

.
.

تعتبر منتزهات عســيلان والطرفية المحل الأكثر لتواجد أهل بريدة في عطلتي
الخميس والجمعة لإنهما المتنفسين الوحيدين لربما لقربهما أو التواجد المخيمات
بها وكثافة الناس .

وعليه فإنه من الواجب على كل قطاعات الدولة المعنية ( المرور , الشرطة , مصلحة
المياه , البلدية , الهيئة , ... )
وعلى كل جهة خدمية أن تقوم بدورها خدمة للمتنزهين وحرصاً على سـلامتهم
ونحن نرى أن محافظات لاتقارن كثافة سكانية في مدينة بريدة ولاتواجداً في المتنزهات
ونجد أن قطاعات الدولة المعنية بتقديم الخدمات تتواجد بكثافة ويقومون بأعمالهم على
أكمل وجه .
وبما اننا في بداية فصل الشـتاء وهو وقت خروج الناس للمتنزهات البرية فإني أتوجه
بنداء عاجل لتلك القطاعات بضرور التواجد الفاعل .
شـكراً لك أخي سـعداف على إشـارتك لهذا الأمر ...

وفق الله الجميع لما يحبه ويرضاه .

.
.

[لا تنساني]

اصبر شوي لين تخف المخالفات ثم يجون

[مهزله]

يازين طلعة البر بالهوقت ..

[دكتور حساس]

انت صاز انا قبل امس رايحين مع الوالد نكشت الا وذاك الغشمان يعاكسون ومع الغبار وسرعه قصوى وقلق


والمرور ماغير قاعد لي بالنهضه يمسك اللي يضلل ويفضي دفتر القسايم حقه وهو ينقنق
واللله حاله -__-

[عبدالله]

برابيس............برابيس............برابيس

[الحمد لله]

عاد والله من هالاجواء الاوروبية بعسيلان غبره وقلت حياء مدري وش العالم شايفين بعسيلان اللهم لك الحمد