[لك هاجس الذكرى]

السلام عليكم

اخواني ابتكلم عن موضوع عضال ويحتاج الى وقفة تأمل
حوادث السيارات كفانا الله واياكم شر الحديد
اليوم فقط في طريق حائل من شركة الجميح للسيارات حتى دوار المعهد الزراعي ثلاث حوادث الصباح فقط
من المشاهدات اثناء القياده

السباق على الخروج على صاحب الطريق
السباق على الدوار
عدم الانتظار حتى تجاوز من له الافضليه في الدوار
السرعه بشكل جنوني
عدم التقيد بعيون القطط اثناء السير فتجده يترنح في وسط الطريق يمين ويسار

فصدقني اخي السائق الخاسر الاول والاخير انت حياتك او سيارتك

مصانع السيارات قللت الجوده مقارنه بسيارات التسعينات
قللت الحديد ليقل حماية هيكل السياره لمن بداخل السياره
زادت من قوة السيارات فتجد السياره بمحرك نفاث

ومن المستغرب محاربتنا لنظام ساااهر
للأسف لايوجد وعي

[شرشل]

الله يستر من اللي جاي

[lonely22]

الصبح فقط الزحمه لكن الاوقات العاديه تصبح متوسطه الى قليله
مما يجعل القياده (حومة تسبد)
كلن يركض ورى لقمة هالعيش ياخيي
موفق

[لك هاجس الذكرى]

اقتباس المشاركة الأساسية كتبها lonely22 الصبح فقط الزحمه لكن الاوقات العاديه تصبح متوسطه الى قليله مما يجعل القياده (حومة تسبد) كلن يركض ورى لقمة هالعيش ياخيي موفق

انا ذكرت طريق حائل كمثل الله يصلحك

على مدار الاربع وعشرين ساعه الناس تركض ورا لقمة العيش ؟؟؟؟؟؟؟

عمرك مشيت بشارع الناس تسوق زي الاوادم بجميع الاوقات؟

القياده طفاقه وهبال ويدخل بين الظفر واللحم لويحصلله

[لك هاجس الذكرى]

اتمنى من الادارة التثبيت

بنظري انه مهم لشريحه كبيره من قائدين السيارات

[عزتي في شموخي]

صحيح
أنا ملاحضه هذا الشي
بشكل غيررررر مبالغ بالسواقه

سواء بطريق حائل
او بوسط ببريده

بصراحه مفروض المبزره اللي قيادتهم بسياره زفت مفروص يصرفون لهم رضاعات لما يكبرون
ويعروف كيف السوقه صح ومايتهورن بااروح الاودام
لان يحسبون الشوارع شوارع ابووهم للاسف الشديد<<البعض منهم ماقصر معهم والدهم لكن التقصير منة هو

اللي قهرني راعي هايلوكس استعرض علينا بسيارتة وقاعد يناضر لنا بكل فجر احنا اقرب سياره له
وشنبة مابعد صار له خط

[برق عتيبة]

اقتباس المشاركة الأساسية كتبها عزتي في شموخي صحيح أنا ملاحضه هذا الشي بشكل غيررررر مبالغ بالسواقه سواء بطريق حائل او بوسط ببريده بصراحه مفروض المبزره اللي قيادتهم بسياره زفت مفروص يصرفون لهم رضاعات لما يكبرون ويعروف كيف السوقه صح ومايتهورن بااروح الاودام لان يحسبون الشوارع شوارع ابووهم للاسف الشديد<<البعض منهم ماقصر معهم والدهم لكن التقصير منة هو اللي قهرني راعي هايلوكس استعرض علينا بسيارتة وقاعد يناضر لنا بكل فجر احنا اقرب سياره له وشنبة مابعد صار له خط

الله يكفينا شر الحوادث
والصراحه هل الجيوب الربع والهليات متهورين

[(ابن الجزيرة)]

لاحول ولا قوة الا بالله

[عمدة الريان]

لا وفيه مشكله اعظم وهي ظاهره تعليم الصغار السواقه والله اني ارى بعض الاحيان صغار ميتجاوز عمره 8سنوات وتشوفه يالله يبين راسه ويدخل بين السيارات ويكون معه امه ولا ابوه مبسوطين والمصيبه انهم يمشون في وقت الذروه ويمكن يزيدن الطين بله بكر البنيات يسوقن والله حوسه

[صوت الصاعقه]

كله من هالمراهقيين بس يسرعون تقل يبي يلحقون الجنه ياخي اذا كنت تبي تسوق سق بركاده ابد موب طايرة الدنيا مير الحيين الي يطلع ويرجع تحمد الله على السلامه من هالمراهقيين !

[سمو الحرف]

الله يحمينا وإياكم من شر هالحوادث
كثرة الحوادث بسبب السرعة الزائدة والتهور الغير مبرر لها من الشباب الله يهدي الجميع
أنا ودي لويكون هناك تقرير عن الحوادث وصور للوفيات و للمصابين وتعرض بشكل يومي بوسائل الاعلام كافة أو ترسل عبر
البلاك بيري والأجهزة الذكية لعل الشباب يعتبر منها ويتعض

[Masked kane]

والله ماراح يتعضون ولا شي بالعكس هبالهم يزود يوم بعد يوم
والمصيبه هالعماله بعد سواقتهم زي الزفت يجي الواحد من ديرته ويتعلم السواقه عندنا
والمراهقين المبزره خصوصا اصحاب الهايلوكسات ازعاج وقلة ادب وعدم التقيد بالانظمة

اتمنى الموضوع يثبت على شان الكل يطلع عليه
وفق الله الجميع

[vip_999]

ههههههههههههههههههههههههههههههههههه بصراحه من حقك تطلب تثبيت الموضوع لأن التثبيت صار على أفى من يشيل... اللي موضوع زيارة المرشود مثبت... اكيد موضوعك راح يثبت لأنه يمقن اهم ويمقن لا...

[da7oomyksa]

ما دامت ثقافة الهلكس والتغبير و كفرات ام خط وجيب ربع و في عقليت شباب بريدة لان تتوقف الحوادث