[&اخت رجال&]

السلام عليكم ورحمة الله وبركاته
خرجت صباحا من بيتي وانا في سياره رايت شاب في سياره واقف ويتكلم مع والد من عيال الحاره وذهبت وبعدين رجعت بسرعه لان شكله غير مطمئن وسالت ابني عن الولد قال صديقي يوم شافنا راعي السياره راجعين هج وسالت الولد ايش قاله يقول الولد انه يقولي اركب اوديك للبقاله يقول قلت له لا قال الا ركب وعيت قلت ابروح للبيت قاله اركب اوديك للبيت عاد وجينا حنا له الشاب الي بسياره متلثم بشماغ ملونه اسود واخذت موصفات السياره ورقم الوحه
هالحين علمون ونصحون كيف التصرف
ياعمري الولد توه جاي جيب شهاده من المدرسه
الله يستر عليه ويحفظه

[pk2]

بارك الله فيك يااخت رجال وانا اشهد انك اسم على مسمى
انا انصحك بأبلاغ اهل الولد وعطيهم رقم لوحة السياره وهم يتصرفون

[ابو أرجوان]

أختي أخت رجال أشكر غيرتك على أهل حارتك
وأنا من رأيي أنه يبلغ والده أو أخوة إذاكان فيه أخ أكبر منه
ويعطى مواصفات السيارة ورقم اللوحه
شكرآ أختي

[لولو0]

الله يجزاك الخير والله يحفظك ويرعاك

[الاسلام هو الحل]

بلغوا الشرطة ....... ما تحتاج مشورة

[ميلاني]

كثرت سوالف اللواط
والسبب عدم إقامة الحد على هؤلاء.
وهناك من اللوطيين يكون معروفاً بهذا ولاتجد من يعاقبة على فعلته.
واذهب يوم الإربعاء لشارع المطاعم بجنوب بريده لتجد ما يشيب له الرأس.
تجدهم جهاراً نهاراً لا أحد يحاسبهم
سوى رجال الأمن البواسل ولكن الشق أكبر من الرقعة.
أين الهيئة من هؤلاء.
لأن عملهم أشد وقعةً من الزنا ومتابعة النساء .
من قام بعمل لوط هزّ عرش الرحمن.
لأن الفاعل والمفعول لايتوقفان عن هذا العمل.
وبالتالي إذا لم يجد أحد يقع جرمه على هؤلاء الأبرياء.
وكذلك بعض الأولاد منظرهم ملفت في الشكل واللباس وتجده وحده في الشارع.
فيقع فريسة لذوي القلوب المريضة.

[أبوالوليدالشدوخي]

الله يهدي هالشباب ،،،

[حسايف]

وآي من تصرفـ ذآ آلشآبـ

[مايا@]

حسبي الله عليه
كان ماب قلبه رحمه

[Ricky]

هههههههه سبحان الله يابعض الناس فيهم فهاوهـ غير طبيعية
الله يهديك بس دام اخذ رقم اللوحه ونوع السياره مابقى الا انتي تدقين على 999 وتقولين لهم السالفة
وأنا أجزم 100% خلال ساعة بيجيبونه .. للمعلومية بس الشرطة والمرور وأجهزة الدولة لا اتصلت عليهم حرمه يتفاعلون على طول وأسألوا مجرب لاصار تفحيط بشارعنا خليت الوالده تدق ... ودقائق فقط والمرور محضرين

[متابع 9]

أعطي أبو الولد نوع ورقم السيارة وخليه يروح لقسم الشرطة الشمالي ـ أو الجنوبي ـ أو شرطة البصر حسب الحي . سواء يسجل بلاغ ويمشي أو يسجل إدعاء ويستمر في متابعة إدعاءه المهم هذا الفئة من الشباب خطر جداً حقين خطف الله يحمينا . ولا ينسكت علية اليوم بحارتكم وبكره بالحارة الثانية والثالثة والله يستر .

يمكن إن شاء الله يقبض علية ويعترف بقضايا مسجله ضد مجهول أو يردع قبل فوات الأوان .

[رهين الذكريات]

حسبي الله عليهم !!!!
مشكوره ماقصرتي

[&اخت رجال&]

الله يجزاكم خير ماقصرتو
وبكره ابعطي ام الولد كل التفاصيل لاني ماحصلتها اليوم وهم يتصرفون

[مطرق الريحان]

الله يحمانا واياكم الأسبوع الماضي ولد أختي أشوي ولاراح فيها.

لكن الله لطف به طلع قبل صلاه الظهر للمسجد وطبعا غلطت امه يطلع وعمره 8سنوات للصلاه لحاله.

يقول الولد جاء عندي وقال لي تعال ورني حمامات المسجد يقول دخلت معه للمسجد قال وشلون الماء يصب ورني الولد مصدق يقول فتحت البزبوز له يقول مدريت الاوهو يسحب سروالي وانا ارفع سروالي قال اجلس هنا بروح اجيب السياره ولاضربت بوري اطلع يقول واحط نعالي بيدي وللبيت طيران يقول يوم دريت يوم جاء معه تاهو اسود وهو حسب كلام الولد اسود البشره.
لكن الولد سلم يمكن أمه داعيه ورده عليه.
يارب تحمانا وذرارينا وذراري المسلمين.

حسبنا الله ونعم الوكيل لابد من تطبيق حكم الشرع .بهؤلاء المفسدين.