[امير بكلمتي وهيبتي]

دايم العوايل السعوديه لا جا يسافرون تصير معهم نفس الفلم ذا
واذا مو نفس الفلم اكيد ماراح يروح بعيد

اترككم مع الاحداث طبعا
صراخ × صراخ
v
v
v
v

1- انا بركب عند الباب
2- مابي اركب جمب الشغاله
3- افتحوا الشباك عبيد خيسنا
4- صفطوا صفطوا بسرعه تراني واصل حدي
5- يبا شف خويلد يسعبل على كتفي
6-وش تبون من البقاله وابن امه الي ينزل
7- بعدوا اشوف المرايه لا نصدم
8- وخر تراك ماخذ المكان كله
9- تغطوا تفتيش
10- وين نقابي
11- شماغي لا تعفسونه
12- بعد باخذ نعالي وجع
13- بعد راسك انت عن المكيف
14- يبا متى نوصل
15- بس اسكتوا بكلم خويي
16- وجع يا الخايس هذا الببسي حقي انا جايبه
17- القهوه لا تنكب
18- بموت فغصوني
19-طولوا على المكيف حر
20- يما خلي عبيد يوخر رجله
21- صويلح قم وصلنا
22- اخر واحد بينزل ينزل الشناط معه
23- وين نعالي ؟

v
v
وهكذا تستمر الافلام السعوديه دون توقف

والرجعه نفس الشي:-)



هههههههههههههههه

منقوووول

[^صريح^]

اووووووووه يا قدم المواضيع هاذي
من عهد قارون وفرعون وهامان وجهيمان

يا امير بكلمتي المنقول مكانه رصيف الكشكول

[امير بكلمتي وهيبتي]

هههههههههههههههههه


ع العمـوم مششكـور ع المـرور والتنـبيه..
>> بـس عـاد حـرام علـيك من عـهد قْارون وفرعون وهامان وجهيمان اللهم صلي ع النبي..

هههههههههه

[الدختور]

ههههههههههههههههههههههههههههههه
تنسيم عزيزي *~

[امير بكلمتي وهيبتي]

اقتباس المشاركة الأساسية كتبها الدختور ههههههههههههههههههههههههههههههه تنسيم عزيزي *~

مشكوور ع المـرور دخـتوووور

[حربي عابر دربي]

عندي الحل وانا اخوك ان شاء الله لو تبي تروح لمريكيا ماتسمحع صجه او لجه


اذا تبون الحل عطون خبر واعلمكم ( طبيعي اني ابتغلا شوي )

( لاني الوحيد بالسعودية الي يعرف الحل واتحداكم تعرفونه )

تراء اذا اصبحنا ولا رديتوا لي خبر ابمشي ولاتقولون تعال وقل لنا >>> ( كده هو وجهه صح )<<<

[امير بكلمتي وهيبتي]

اقتباس المشاركة الأساسية كتبها حربي عابر دربي عندي الحل وانا اخوك ان شاء الله لو تبي تروح لمريكيا ماتسمحع صجه او لجه اذا تبون الحل عطون خبر واعلمكم ( طبيعي اني ابتغلا شوي ) ( لاني الوحيد بالسعودية الي يعرف الحل واتحداكم تعرفونه ) تراء اذا اصبحنا ولا رديتوا لي خبر ابمشي ولاتقولون تعال وقل لنا >>> ( كده هو وجهه صح )<<<

تـفضل قل وش الحـل

اگيد طبـعا انت الـوحـيد اللي يـعرف الحل..
>لأنگ اثقف واحد موجود بالسعووديه ماشاء الله عليك

انتظر حـلك

[حربي عابر دربي]

اقتباس المشاركة الأساسية كتبها امير بكلمتي وهيبتي تـفضل قل وش الحـل اگيد طبـعا انت الـوحـيد اللي يـعرف الحل.. >لأنگ اثقف واحد موجود بالسعووديه ماشاء الله عليك انتظر حـلك

لا داعي

[^صريح^]

^^^
^^
^
أنت للحين حي وإلا ميت ؟؟
من وين طلعت لنا ؟
خابرك صايرن مثقف ماترد إلا بالساحه بس ما ادري وش جاك خبط
وجيت للكشكول
والله إني جيتك على كفرين قبل (يصبح الصبح) ولا تعلمنا وشو الحل
يلا عاد قل الحل

[حربي عابر دربي]

اقتباس المشاركة الأساسية كتبها ^صريح^ ^^^ ^^ ^ أنت للحين حي وإلا ميت ؟؟ من وين طلعت لنا ؟ خابرك صايرن مثقف ماترد إلا بالساحه بس ما ادري وش جاك خبط وجيت للكشكول والله إني جيتك على كفرين قبل (يصبح الصبح) ولا تعلمنا وشو الحل يلا عاد قل الحل

بسم الله علينا

انت منين جيت خابرك موقف ( اخص والله من الوصايط )


من تواضع لله رفعه

ابعلمكم لاتستعجلون

[حربي عابر دربي]

الحل هو

نشتري بخاخ منوم

بس نضغظ على الزناد ( مادري وش اسمه ) ويروح العيال بخبر كانا واخواتها

واذا ام العيال غثيثه ومامن زين سواليف بالخط ( ايظاً ) نعطيها ( بخه ) على شآن تنخمد مع اعياله

الجرعات كــ التالي

اذا كان السفر لمدة اقل من ساعة ( نبخ من بعيد ) ( يعني ياله ياصلهم الرذاذ ) على شآن ماتبلشبهم

اذا كان السفر لمدة تتراوح من 2 الى 4 ساعات ( نركبهم بالسيارة ونخليهم يقرون دعاء السفر جماعي ( تراه مهب بعه ولا شي )

ونصك القزاز ( الدرايش ) ( الشباك ) ونصك الهواية ( يعني نكتم السيارة كتم لين يخلص الاكسجين الي بالسيارة ) والعلامة انك تشوف اوجيههم مزرقه واعيونهم ناطه

عندها انقض عليهم برش علبه كامله وصك باب السيارة واحكم الاغلاق وانتظر لمدة 5 دقائق

وبعدها شغل واقراء دعاء السفر وتوكل على الله وتاصل بالسلامة ورحله موفقه

اذا كان السفر لمدة تزيد على 5 ساعات

قراءة دعاء السفر جماعي

وكل شخص بخ بخشمه مباشرتاً نص علبه وان حصل يبلع العلبه كامله يكون افضل

وبالتوفيق وسفراً سعيداً واجازة ممتعه

وبس

هاه وش رايكم ( قولوا ماشاء الله )

[امير بكلمتي وهيبتي]

حـربي عـابـر دربـي

والـله انگ ذيب وصـاروخ ع الفـكره الجهنـميه ياخـي مـن ويـن لگ الافـكار ذولـي




>>بـس ماقـلت لـنا وان مـاتوا علـينا بالـسياره وش نسـوي ياصـاحب الافـكار

[الدختور]

لاعمرك تجيب لنا حلول تبي تذبح عيالنــا

[حربي عابر دربي]

اقتباس المشاركة الأساسية كتبها الدختور لاعمرك تجيب لنا حلول تبي تذبح عيالنــا

حلوه اعيالنا ( مصدقك لا تحلف ) ذذ

الي يسمعك يقول ابو اعيال ولا تلبس الا سروال سنه ( هههههههه )

ماعليك زي ما قالوا اخواننا المصاريا ( عمر الشقي بقي )


اذا انت خايف عليهم خلهم يتلطمون