[هاتريك]

ماهذه التناقضات التي شاهدناها اليوم ومرت مرور الكرام لاحسيب ولارقيب ولاحتى تعليق .. وهو قرار تعليق الدراسة والذي يشمل طلاب ومعلمي وزارة التربية والتعليم وكأنهم الوحيدين الذين قابلين لذرات الغبار وباقي القطاعات الأخرى بصدورهم عوازل ..

أتحدث هنا عن عدم العدل بين القطاعات بل عدم العدل بالأنسانية لاسيما وأن الظرف ( صحي ) والأمراض لاتعرف فوارق بين القطاعات والأعمار والأجناس ..

هنالك من يخرج فجراً لمهمة رسمية وهنالك من عمله يبعد مئات الكيلوات من منزله بل حتى ماذنب من عمله ميداني وعمال النظافة وغيرهم .. هل هؤلاء أيضاً لايستنشقون.. !!!!!

خرج الدفاع المدني والأرصاد والصحة محذرين وموعدين قالوا : ( ننصح بعدم التعرض لموجة الغبار وعدم مغادرة المنازل .. )
ماقالوا : فقط الطلاب .. ماقالوا : فقط المعلمين ..

ولكن .. للأسف مانقول إلا الله يكون بعون كل من داوم اليوم سواء بقطاع حكومي أوخاص..

[Buraidah ..]

يعني تبي حداد عام على كل غبار

[هاتريك]

من قال .. حداد طول العام ..

فقط تطبيق أوامر الدفاع المدني والأرصاد والصحة على الجميع ..

[يمقن ايه يمقن لا]

المشكلة من الشركة نفسها او القطاع نفسه ليش مايعطيكم اجازة

ورزاة التربية والتعليم اعطت اجازة لطلابها و معلميها وش دخلها بكم

[أبوسياف]

التعليم يختلف عن باقي القطاعات لانه لايرتبط بأحد سواء الطلاب انفسهم فقط ولكن اذا اعطيت الداوئر الحكوميه اجازات تبي تعطل المصالح وغيرهم يبي اجازه الصحه يبون اجازه والعساكر يبون اجازه والقضاة يبون اجازه وغيرهم وغيرهم وهذا تعطيل لمصالح الناس اما التعليم فلا يضر ولايمس مصلحة احد والصغار اكثر عرضه للخطر واكثرهم يذهبون للمدرسه سيرا على الاقدام وفي انعدام الرؤيه قد تقع حوادث لهم لاسمح الله لذالك مافيه مقارنه .؟

[هاتريك]

اقتباس المشاركة الأساسية كتبها أبوسياف التعليم يختلف عن باقي القطاعات لانه لايرتبط بأحد سواء الطلاب انفسهم فقط ولكن اذا اعطيت الداوئر الحكوميه اجازات تبي تعطل المصالح وغيرهم يبي اجازه الصحه يبون اجازه والعساكر يبون اجازه والقضاة يبون اجازه وغيرهم وغيرهم وهذا تعطيل لمصالح الناس اما التعليم فلا يضر ولايمس مصلحة احد والصغار اكثر عرضه للخطر واكثرهم يذهبون للمدرسه سيرا على الاقدام وفي انعدام الرؤيه قد تقع حوادث لهم لاسمح الله لذالك مافيه مقارنه .؟

الإنسان لايختلف عن الأنسان الآخر وأثبتت الدراسات أن المشاكل الصحية لاتعرف عمر معين بل أن الربو والمشاكل الصدرية الكبير معرض كما هو الصغير ..

وهذه مشكلة أتخاذ القرار لأن قطاع الدفاع المدني والصحة والأرصاد المفروض هالثلاثة هم أصحاب القرار وفعلاً ..
خرجوا وحذروا وتوعدوا .. بمعنى ( أبروا ذمتهم ) ..

أما المسائل العاطفية خليها على جنب مثل ماهنالك طلاب رايحين الصباح هنالك موظفين يمترون بالصحراء ، وهنالك مراقبين بهالمحلات وبالشوارع وهنالك عمال نظافة .. ناهيك عن القطاعات الملزمة والي تاخذ بدل وتداوم خميس وجمعة وبصلاة وغير صلاة وهي القطاعات الضرورية مثل المستشفيات والأمن ... وبالمناسبة على قولتك تتعطل مصالح المسلمين .. فهل كنت ستزور قطاعات الدوائر الحكومية في حال موجة الغبار ..

بل أجزم أنه لم يكن هنالك موظفين إلا العشرات فقط ويدخلون تحت قائمة ( شتاء صيف خريف غبار مطر .. مداوم مداوم ).. وهؤلاء عادة مثل الشيبان كل مارفضت عنهم حاجة رجعوا يسوونها خوفاً من أن يقال لهم .. عاجز ..

[قلووب بيضااء]

وبالله هم قالوا لك خايفين على المعلمين والمعلمات
ياخي على البزران والطالبات والطلاب

ويشمل المعلمين والمعلمات لأن ماعندهم شغل اذا غابوا الطلاب
فهمت يا الأخ
الا ان كان بلغ الحسد انك تبيهم يداومون يناظرون الجدران ذا شي ثاني

[ـالتُفاحة الورديّة]

موظفين الدوائر الحكومية يجلسون بغرف وعلى كرسي دوار

أما الطلاب بالهواء ويكفي قدومهم إلى المدرسة ( مشي على أقدامهم )

وبعدين أطفال بإبتدائي لا يتحملون ولا يقارن بالرجل

[هاتريك]

اقتباس المشكلة من الشركة نفسها او القطاع نفسه ليش مايعطيكم اجازة ورزاة التربية والتعليم اعطت اجازة لطلابها و معلميها وش دخلها بكم

القطاع الخاص لو الود وده يخليك تداوم خميس وجمعة حتى النوم لو بكيفه مانمت ..

أما اذا تقصد القطاع الحكومي فهذا مانسأل ونطالب به ولكن كل واحد يقول ( خل القطاع الثاني يبدأ ) ..

[هاتريك]

اقتباس وبالله هم قالوا لك خايفين على المعلمين والمعلمات ياخي على البزران والطالبات والطلاب ويشمل المعلمين والمعلمات لأن ماعندهم شغل اذا غابوا الطلاب فهمت يا الأخ الا ان كان بلغ الحسد انك تبيهم يداومون يناظرون الجدران ذا شي ثاني

ياسبحان الله خايفين على الطلاب .. طيب وشدخل المعلمين يغابون ..

أما قولة يناظرون الجدارن ففيه الاف من الموظفين داوموا وناظروا جدران وسقوف وبيبان مكاتبهم بعد ..

ياويلي الي ضارب مشوار مئات من الكيلوات رايح يداوم بقرية ولا عمال هالبلدية ولا حقين هالطرق الي بين هالغبرات ..

أعتقد أن الموضوع ( أنساني ، صحي ) وش الي بيضرهم اذا غابوا يوم موظفين القصيم ..

وبالمناسبة لاتعتقدين أنه في ناس داوموا لا .. الي سجل غياب والي وقع وطلع البيت والي داوم بالمستشفى تعبان و و و ..

اقتباس موظفين الدوائر الحكومية يجلسون بغرف وعلى كرسي دوار أما الطلاب بالهواء ويكفي قدومهم إلى المدرسة ( مشي على أقدامهم ) وبعدين أطفال بإبتدائي لا يتحملون ولا يقارن بالرجل

طيب عمال النظافة يكنسون الشوارع على سياكل !!

طيب مساحين ومهندسين يطلعون يخططون ويمسحون بهالبران وهالشوارع بخدمة واي فاي وهو بالسيارة !!؟؟

طيب الي ملحط 200 كيلو لبلدة في بر .. برضه هذا على مكتب ..

حتى الي بالمكاتب وعلى قولتك على كراسي دوارات .. قومت الصبح وتشغيلت السيارة ودخلت المبنى والطلعه واشغال هالعمال بهالمكاتب تمسيح وهو غبار هذي بحد ذاتها .. مالها داعي ..

لكن مانقول الا ( الله كريم ) ..

[قلووب بيضااء]

اقتباس المشاركة الأساسية كتبها هاتريك ياسبحان الله خايفين على الطلاب .. طيب وشدخل المعلمين يغابون .. أما قولة يناظرون الجدارن ففيه الاف من الموظفين داوموا وناظروا جدران وسقوف وبيبان مكاتبهم بعد .. ياويلي الي ضارب مشوار مئات من الكيلوات رايح يداوم بقرية ولا عمال هالبلدية ولا حقين هالطرق الي بين هالغبرات .. أعتقد أن الموضوع ( أنساني ، صحي ) وش الي بيضرهم اذا غابوا يوم موظفين القصيم .. وبالمناسبة لاتعتقدين أنه في ناس داوموا لا .. الي سجل غياب والي وقع وطلع البيت والي داوم بالمستشفى تعبان و و و .. طيب عمال النظافة يكنسون الشوارع على سياكل !! طيب مساحين ومهندسين يطلعون يخططون ويمسحون بهالبران وهالشوارع بخدمة واي فاي وهو بالسيارة !!؟؟ طيب الي ملحط 200 كيلو لبلدة في بر .. برضه هذا على مكتب .. حتى الي بالمكاتب وعلى قولتك على كراسي دوارات .. قومت الصبح وتشغيلت السيارة ودخلت المبنى والطلعه واشغال هالعمال بهالمكاتب تمسيح وهو غبار هذي بحد ذاتها .. مالها داعي .. لكن مانقول الا ( الله كريم ) ..

يعني موضوعك بصراحة وبلا لف دوران ليش المعلمين والمعلمات يعطلون
كل كذا وبلاش اللف والدوران
والدوائر الحكوميه الي يناظرون الجدران والبيبان هذي وظايفهم عاد بعد بعد يستلمون رواتب على مناظر الجدران والبيبان
المهم المفروض مافي عطله لاطلاب ولا طالبات ولا معلمين ولا معلمات
كل عمرنا نداوم بالغبرات وماضرنا بس دلع وزود عباطه
والي عياله فيهم ربو يغيبونهم مو ضروري يتعطل يوم دراسي علشان غبار

[الزنقب]

انا مع الراي القائل ان الطلاب يختلفون عن غيرهم

بحكم ان جهاز المناعه عندهم ليس قوي وخصوصا الابتدائي والمتوسط

فهو اكثر من يصاب في الغبار


بالنسبه للكبار يذهب للمستشفي وياخذ تقرير طبي وصلى الله وبارك

اما ان كل الناس ما تعمل فهذا تعطيل لمصالح المسلمين

[هاتريك]

^^


المشكلة تكمن أن أكثر رواد المنتديات هم من الطلاب والمعلمين

فيستحال أن مثل هذه المواضيع يكون فيها حيادية .. وكلا يقول .. نفسي نفسي ..

هههه بس حلوة جهاز المناعة .. متعوب عليها ..

[اموت ببريده]

اقول اترك الحسد
واذا هامك الغبار خذ اجازة اظطرارية