[ولدالخب]

في كل يوم قبيل المغرب تحصل فواجع لكبار السن والعمالة والعوائل.
في الشارع الجديد وسط البساتين(خب القبر) تفحيط وتجمهر وهياط على كلامهم واستهتار بالدوريات.
يذكر أحد المواطنين أنهم يتصلون يوميا بالمرور والدوريات لكن دون جدوى.

[بن صبيح]

والله ياخوي ولد الخب لو كل يوم او كل ساعة او كل لحظة تتصل ما كو فايده !!!!!
لانهم شباب طائشين والمشكلة الاجازة جايه والله يعين عليهم !!! حبه صباح وحبه مساء يعني من الفجر حتى الفجر من بكرى!!! واشكرك اخوي على الموضوع....

[manedl]

ياغالي لمعلوميتك فيه إجتماع قريب لأعيان حي البساتين بخصوص هذا الموضوع وبإذن الله تنحل المشكله عن قريب
وقد حدد المكان ( إستراحة الأرائك ) لكن الموعد بالضبط لم يحدد .

دمت بوووود ,,,,,,,,,,,,

[خب القبر00]

يالحبيب انا ممن يتصل يوميا بالمرور احيانا يردون واحيانا لا
المرور مامنه فايده اذا قرب وقت اذانلمغرب جت دورية
مشغلة سفتي وونان من اول الدوار يعني روحو تراي جيت
ماله ومال ملاحق هالمبزرة خصوصا اذا كانو ازين منه سواقة
مانقول الا حسبنا الله ونعم الوكيل
المشكلة ان الحل عند المرور قد يكون مطبات ياساتر

[اصمع قلب]

ياخي شي يفطر الكبد لكن مانقول الا حسبنا الله ونعم الوكيل..

["DLOoOoO3h"]

ياحبل الخب من زمان عنه
ياطعمه والله وصار فيه تفحيط
والله يهدي شبابنا ماخلوا شارع بحاله

[active]

جزاك الله خير الجزاء على هذا النداء

نعم ... المعاناة قائمة يوميا (تجمع - إزعاج - ترويع - ......)

نعم ... ألاحظ عدم جدية المرور في القضاء على هذه الظاهرة المزعجة

حسبنا الله ونعم الوكيل على كل مفرط بأداء عمله

[صغير وفاهم]

انا قريت الردود واغلب الردود ضد الدوريات
طيب انا معكم يمكن الدوريات تتاخر او تجيهم بلاغات او او عاد ماحط بذمتي شيء
لاكن الدوريات وش تبونه تسوي بالشباب ذولا ؟ كل واحد منهم معه سياره احسن من واسرع من سيارت المرور
واذا مسكوهم وعطوهم مخالفه راح الولد لابوه يقول شف العسكر عطون مخالفه وانا ماسويت شيء وهو يكذب
والاب اذا صار واصل وراعي معرفه ياويل ويل اللي عطا ولد مخالفه .
انا اقول التربيه على الاهل وثاني شيء يمسكون الواحد ويصكونه مخالفه + الحجز اذا صارت على الموتر بلاغات
ترا شباب بريده يخطون ويفحطون ويسرعون ويسوون كل شيء ولا يبون مخالفات !

[manedl]

اقتباس المشاركة الأساسية كتبها صغير وفاهم انا قريت الردود واغلب الردود ضد الدوريات طيب انا معكم يمكن الدوريات تتاخر او تجيهم بلاغات او او عاد ماحط بذمتي شيء لاكن الدوريات وش تبونه تسوي بالشباب ذولا ؟ كل واحد منهم معه سياره احسن من واسرع من سيارت المرور واذا مسكوهم وعطوهم مخالفه راح الولد لابوه يقول شف العسكر عطون مخالفه وانا ماسويت شيء وهو يكذب والاب اذا صار واصل وراعي معرفه ياويل ويل اللي عطا ولد مخالفه . انا اقول التربيه على الاهل وثاني شيء يمسكون الواحد ويصكونه مخالفه + الحجز اذا صارت على الموتر بلاغات ترا شباب بريده يخطون ويفحطون ويسرعون ويسوون كل شيء ولا يبون مخالفات !

الحل الأمثل مثل ماقلت الأهل أولا وتدخل أهل الأحياء هو السبيل الوحيد لمنع تلك الظاهره المؤلمه

[اخو دريحم]

الدوريات والمرور لن تتحرك حتى يكون فيه حادث جماعي للشباب او اطلاق نار اما

تجمع شباب الحي على جنبات الطريق وتفحيط وهجوله الدوريات والمرور مالهم سنع

الكثرة تغلب الشجاعة

[نفود الهامل]

ابي واحد منكم يرسم لي سيارة المرور والوانها لاني ناسيها لاني ماشفتها بالشوارع منذ و مبطي