[هلاالي]

[center]السلام عليكم ورحمة الله وبركاته [/center]

نلاحظ على كثير من العمال الاجانب قد تطاولا على أبناء البلد بالكذب والخداع وعدم المصداقية , ومع كل ذلك تجدنا نعاملهم أفضل معاملة ونتغاضى عن بعض أخطاؤهم

فلا بد من وقفة صارمة تجاه هؤلاء المتلاعبين الذين لا يروننا شيئا في نظرهم والسبب نحن الذين جعلناهم يتمادون في ذلك .

القصة : حصلت معي شخصيا فقد ذهبت لمحل تفصيل مجالس وكنب وفصلت عنده واتفقنا على السعر وكل شيء واتفقنا على الموعد , وقد وصلت له نصف المبلغ والباقي لما تجي الاغراض

المهم جاء التاريخ والموعد المحدد اتصلت فيه قال لسى ما في خلص قلت طيب متى قال إن شاء الله بكره قلت طيب نشوف , اتصلت عليه اليوم الثاني قال ما خلصت لكن إن شاء الله الليلة أكييييد

قلت ترى إذا ما جاتني الاغراض ترى باسوي خصم , قال أول شيء جيب فلوس بعدين نخلصها لك لأن العمال يبون فلوس قلت طيب لما تجيني الاغراض أعطيك الباقي المهم راحت يومين اتصلت عليه

جواله مره مشغول مره ما يرد ارتفع ضغطي جيته في المحل قال خلاص هي الحين بالطريق يعني ساعة يكون كل شيء بالبيت قلت اوكي بانتظارك , رحت للبيت انتظرته ساعة ساعتين ما جاء شيء

اتصلت عليه ما يرد

, جيته اليوم الثالث حصلت صديقه قال إن شاء الله الليلة تجي قلت يعني البارح تقول في الطريق يعني تنصب علي قال أنا ما في معلوم مدير معلوم , المهم طالت السالفة , وزودها شوي دقيت عليه

قبل أجي قلت شوف تجيب الاغراض الحين أو أجيك اسوي مشكلة قال لالا خلاص نص ساعة واجيك وانتظرته ما جاء المهم رحت للمحل ما حصلته قلت وين صديق قال في بيت ثاني قلت اتصل عليه خله

يجي وإلا أجيب الشرطة ,بدا بتراعد ثم اتصل على خويه شوي إلا هو داخل هو وكفيله وقام يتأسف وشرحت لكفيله الوضع وقام ينط ويوقع قلت يا حبيبي أنا أبي باقي الفلوس وأغراضكم خلها لكم وقام

الباكستاني يترجاني ويقول أنا

مسكين قلت المسكين والله أنا , المهم بعد شيل وحط قلت طيب باعطيكم رأي ثاني إنك تخصم لي عشان كذبك وتلاعبك بي حاولوا يمين يساروالله ما كنت أبي أخسره بس عشان يتأدب , وصراحة صار

الكفيل معي ضدهم قال هذولا كل يوم جايبين

لي مصيبة المهم قام وفرض على العامل غرامة وخصمها من الباقي , و قلت طيب متى تجي الاغراض قال ساعة وتكون عندك وقال كفيلهم لو ما جبتوها له بعد ساعة نزيد الغرامة والله ما قعدت ساعة

إلا وهو يتصل علي يقول افتح الباب ودخل الاغراض وهو منكسر ومدقوق خشمه ..

فأنا أقول يا جماعة لا تخلون الاجنبي يتمادى حتى ولو كان الشيء ما يسوى لكن خذ حقك منه وإلا عندك الشرطة وإذا وصلت الشرطة لا تتنازل إلا بتعهد خطي عليه وحقك ماخذه

[koo1l]

الله يقطعهم تقريباً حصلي موقف مثلك لكن أشد صايرن المحل لهم والكفيل بس إسم

[ياحسافة]

هلالي

انت فصلت كنب خشب والا جلسة عربي اسفنج ..؟؟
وكم خصموا لك .؟؟؟
وكم كان وقت التنفيذ في العقد ،، يعني المدة ..؟؟

[هلاالي]

اقتباس المشاركة الأساسية كتبها ياحسافة هلالي انت فصلت كنب خشب والا جلسة عربي اسفنج ..؟؟ وكم خصموا لك .؟؟؟ وكم كان وقت التنفيذ في العقد ،، يعني المدة ..؟؟

حياك الله يا حسافة

فصلت كنب خشب ومجلسين مساند مع ديكورات

الخصم هم يحسبون كل يوم تأخير غرامة 50 ريال , لكني رفضت لأنه مو مسجل في الفاتورة وخصموا لي 250 ريال وتأخروا علي بقماش كنت طالبه وماجبوه مع الاغراض وخصمت عليهم 300 ريال يعني مجموع الخصم 550 ريال

المدة كانت 15 يوم وتأخروا علي 3 أيام اضافيه , لكن الخصم لم يكن على المدة ولكن على كذبهم والتلاعب علي بقولهم هي الحين في الطريق وهم كذابين ولا يردون على الاتصالات وهذا هو سبب الخصم

أتمنى وصلت المعلومة

[قائد المجد]

للأسف
نظام البلد المتراخي هو من سمح لهؤلاء بالتمادي