[أم عبدالله30]

السلام عليكم ورحمة الله وبركاته
تعودت من اهل القصيم الفزعة والخير ماشاء الله دائما





بقولكم السالفة بااختصار

ولدي ما عندي غيره هو اكبر عيالي الثاني مسافر برا يدرس

تعين في شرطة الرياض_(المهمات الواجبات) وكيل رقيب

وابيه يجي عندي

انا وحدة مريضة ولا لي اخوان ولا اب ولا ام

وحيدة في عنيزة

ومريضة وعندي مراجعات في المستشفى

ماعندي الا الله ثــم بناتي

والبيت بدون رجل خووف قلق

والله اني من المغرب اسكر الابواب كلها خوف

هالدنيا مافيها امان الله يكفينا شرها

اوقات ننام بدون عشا

نحتاج شي من البقالة او نبي نروح طوارئ سعود مانلقى ,والله اني افوت مواعيد المستشفى وتحاليلي بسبة ماعندي احد يوديني

وصعبه الواحد يطلب الناس كل فترة

الجيران واللي حولهم حاولو يكون في القصيم بس بدون فائدة

والله مافرحت بتخرجه ماعندي غيره

عشت 9 شهور خوف وتعب لحالي انا وبناتي

يجينا خميس اربعا

قلت ان شاء الله يتخرج ويرجع لي

بس تفاجأت انه بيروح للرياض

سوى اوراق من المحكمة واخذ تقارير من المستشفى اني مريضة

بس ماصار شي

الكل يقوله بعد سنة

ياربي وش يصبرني سنة

بعيش سنة خوف وتعب

فياليت الجااااااااااااااااااااااااد واللي يقدر يساعد

بس هو اللي يراسلني ع الخاص

اما لغير الغرض هذا

فا لا احلل ولا ابيح له

تكفوووووووووووووووووووووووووووووووووووووووووووووون

اتمنى عدم حذف اونقل موضوعي لاهميته القصوى

[نورالايمان]

الله يفرج همك ويعينك ويعطيك الصحه والعافيه

[محب المسجد 1]

الله يفرج همك اكثري من الاستغفار وسترينا عجبا

[مسكين قلبي كم يعاني]

اسال الله لك تفرج همك

[احبك يابريد]

الله يكوون بعووونكـ

لا له الا انت سبحانك اني كنت من الظالمين,,,

[ونـاسه]

كآن الله في عونكم يااختي ..
إصبري واحتسبي الأجر من الله .. وصدقيني سيلطف الله بحالكم
والله سبحانه مايخلق خلق ويضيعه.. كلن رزقه بيجيه ,..

يآاختي لآ تنسي قيامك لله في الثلث الأخير من الليل واطلبي
ماتشائين فسقف الارزاق مفتوح مع الله .. أكثر من الدعاء
ووالله انها تفرج لكم فرجاً عظيما ,..

وربما يرزق بناتك بأزوآج شباب يكونوا لك كالابناء وأكثر ,..

أسأل الله العلي العظيم ان يعينكم ويسهل لكم أموركم ,..

[مخروشة بريده]

يالله ياكًريم انك تفرج همه ويشفيك ويعافيك

[تميمي عنقري]

اختي ام عبدالله الله يكون بعونك ويسهل دربك

بس انا من وجهت نظري تكتبين معروض وتجيبين تقارير من المستشفى انك فيك نوع من الامراض وتدخلين على الامير .
والامير فيصل مايقصر يدخلون عليه الناس واذا تحبين استفسر كيف القدره على الدخول له ابشري

[قائد المجد]

لاتنسين ان تلجأين الى سبحانه وتعالى
واكثري من الاستغفار
لاتنسين ترديد
لا اله الا انت سبحانك اني كنت من الظالمين
استغفر الله اللذي لا اله الا هو الحي القيوم واتوب اليه
وسترين عجبا باذن الله
وما خاب من لجأ لله سبحانه...

[أبتسامتي ماركه]

[صوت البحر]

يستطيع ان يذهب للمحكمة ويستخرج ورقة بإن الابن هو الابن الوحيد لكم وتحتاجين مراجعات في المستشفى بعد ذلك يتم رفع هذا الطلب الى وزارة الداخلية وبعون الله ينقل اليكم للحاجة الماسة الى ذلك

[مراسل بريدة ستي]

اقتباس المشاركة الأساسية كتبها صوت البحر يستطيع ان يذهب للمحكمة ويستخرج ورقة بإن الابن هو الابن الوحيد لكم وتحتاجين مراجعات في المستشفى بعد ذلك يتم رفع هذا الطلب الى وزارة الداخلية وبعون الله ينقل اليكم للحاجة الماسة الى ذلك

وهذا المتعارف عليه

[متفائله في زمن اليأس]

الله يكون بعونك أختي ويفرج لكم يارب
سؤالي أختي ماتقدرون تنقلون معه لمين يفرجه الله اعتقد حل وسط

[عزتي في شموخي]

الله يسهل امرك

ياليت الواسطه تتدخل بهذا الامر لحاجه القسوه

وان شالله ربي يسهل عليك