[✿برايداويهـ✿]

ابي اعرف بعدين مع الشباب الي مايخافون ربهم السرقه عندهم صارت سهله السالفه حصلت لنا الخميس الساعه 3 الفجر كنا طالعين من استراحه طلعنا الساعه 3 اخوي وقف عند الصرافه الي عند محطة الدبيخي على طريق المدينه الي عند محل اوف ستار سحب فلوس وخلص لما جاء بيمشي فيه سياره تكبس له وقف ع الشارع العام جاء صاحب السياره كان فيها 4شباب نزلو اثنيين يركضون لسيارتنا ووووووووربي لولا ان اخوي مشى ولا كان رحنا فخبر كانا كل هذى علشان يسرقون معقوله وصلت فيهم يتعدون ع اصحاب السيارات وش خلو للاجانب اجل مانشره عليهم والله موقف مستحيل انساااااااااه

[الناعسه]

لاحول ولاقوة الا باالله

شيكغو مو القصيم
بس بقولك شيء ترى ناس غربين جايين القصيم وكابين هناء

يعني الي سوى هاالشيء مو من ربعنا

[✿برايداويهـ✿]

اقتباس المشاركة الأساسية كتبها الناعسه لاحول ولاقوة الا باالله شيكغو مو ببريده بس بقولك شيء ترى ناس غربين جايين لبريده وكابين هناء يعني الي سوى هاالشيء مو من ربعنا

لا والله من ربعنا الحين صارت السرقه شي عادي عندهم

[دربك تدله !]

اقتباس المشاركة الأساسية كتبها الناعسه ل بس بقولك شيء ترى ناس غربين جايين القصيم وكابين هناء يعني الي سوى هاالشيء مو من ربعنا

آجل مو من ربعنا !
اكبر عصابة سرقه مسكوها بالقصيم كلهم من عوائل بريده


الحمد لله على سلامتكم ، الوقت الواحد يحرص يقفل ابواب السياره سوا وقف عند اشاره او اي مكان خصوصاً بالليل

[الناعسه]

اقتباس المشاركة الأساسية كتبها دربك تدله ! آجل مو من ربعنا ! اكبر عصابة سرقه مسكوها بالقصيم كلهم من عوائل بريده الحمد لله على سلامتكم ، الوقت الواحد يحرص يقفل ابواب السياره سوا وقف عند اشاره او اي مكان خصوصاً بالليل

..اول ششيء معروفين استغفر الله العظيم والله يهديهم

ولاتعمم ع شباب القصيم فيهم الخير

[اسد بريدة]

اقتباس المشاركة الأساسية كتبها دربك تدله ! آجل مو من ربعنا ! اكبر عصابة سرقه مسكوها بالقصيم كلهم من عوائل بريده الحمد لله على سلامتكم ، الوقت الواحد يحرص يقفل ابواب السياره سوا وقف عند اشاره او اي مكان خصوصاً بالليل

لا وش تقفل الحبه

وين عايشين اكثر الحوادث من تقفيل الحبه لو قدر الله صدم او انحرقت السيارة من قوة الروعة بينسى ان الحبه مقفوله مثل سالفة واحد من رفقاي مات بوسط السيارة ورفقاوه طلعو لان حباتهم مفتوحه الا هو ماطلع , لان الروعه شينه تنسى كل شي , وانحرق ومات الله يرحمه قبل سنه

[الناعسه]

بسم الله عليك الله الله باالعصفر روعه لاتنسى

[✿برايداويهـ✿]

ههههههههه لاتوصين الوالده ماقصرت قسم ررررعب

[؟؟ابراهيم؟؟]

حسبي الله ونعم الوكيل

[دُرر مضيئة]

من أمن العقوبة أساء الادب

الحمدالله عدت على خير وربي حفظكم

الله الله بالاوراد حصنو انفسكم ياناس

[✿برايداويهـ✿]

اقتباس المشاركة الأساسية كتبها دُرر مضيئة من أمن العقوبة أساء الادب الحمدالله عدت على خير وربي حفظكم الله الله بالاوراد حصنو انفسكم ياناس

اي والله الحمدلله ربيً ستررررر

[سراب@]

الحمدلله على سلامتكم
الله يهاديك خوفتين قسم با الله رعب

[✿برايداويهـ✿]

اقتباس المشاركة الأساسية كتبها سراب@ الحمدلله على سلامتكم الله يهاديك خوفتين قسم با الله رعب

ربي يسسسسسسسلمگ

[عُيُوْنِ الْقَصِيْمِ]

هذولاء عاطلين عن العمل

كيف تبونهم يعيشون مثل الناس

وظفوهم وظفوهم بدال ماتوظفون الاجانب

حسبي الله عليكم يالمسؤلين

والحمد لله على سلامتكم