[القنزهـ]

السلام عليكم ورحمة الله ..

طبعا قبل يومين رحنا انا والعيال لمطعم الطازج الساعه 12 بالليل تقريباً ..

المهم طلبنا وحنا نتعشىُ ونشوف العالم بجنبا بدت تقوم وتراكض ،،

يوم درينا ويدخل تحتنا جرذي

وشيل وحط تحت الطاولة ومير يدخل منداخل بالمطبخ عند العمال ،

ولا ندري وش صار عليه ، يعني باتسر ان جاكم جرذي مطبوخ عند الطازج لا تستغربون

.. طبعاً صورنا فيديو وهو يدخل للمطبخ ، بس مآعرف انزل مقاطع بذا

[عمدة نجد]

كل المطاعم خايسة والرقابة عليهم صفر .

[أروى عبدالله]

.
و عليك السلام ’

ما المغزى !!
سعة للصدر أمْ توّد إخبارنا بعدم نظافة المطعم ؟
.
الغريب البعض يذهب للمطعم لا لِ يأكل
بل ليبحث عنْ أي غلط يصدر من المطعم ’
على أساس بيوتكم حتى الذباب لا يدخله ..
.
كان الله في عوّن المطاعم النظيفة

[القنزهـ]

اقتباس المشاركة الأساسية كتبها أروى عبدالله . و عليك السلام ’ ما المغزى !! سعة للصدر أمْ توّد إخبارنا بعدم نظافة المطعم ؟ . الغريب البعض يذهب للمطعم لا لِ يأكل بل ليبحث عنْ أي غلط يصدر من المطعم ’ على أساس بيوتكم حتى الذباب لا يدخله .. . كان الله في عوّن المطاعم النظيفة

^^

انا مهب أول مره أكل من مطاعم ! ولا رحت للمطعم علشان أدور غلط أو بلا أو جلا !!

ولكن شي عجيب أني ابدخل مطعم وانا أكل ألقى جرذي أكبر من يدي !!!

ولا علشان أننا تعودنا هالأخبار صرت حتى لو أقول لقيت ديناصور تاكيّ بزاوية المطعم يصير الوضع عادي يعني ..

الله يهديتس مير ..

[أروى عبدالله]

اقتباس المشاركة الأساسية كتبها القنزهـ ^^ انا مهب أول مره أكل من مطاعم ! ولا رحت للمطعم علشان أدور غلط أو بلا أو جلا !! ولكن شي عجيب أني ابدخل مطعم وانا أكل ألقى جرذي أكبر من يدي !!! ولا علشان أننا تعودنا هالأخبار صرت حتى لو أقول لقيت ديناصور تاكيّ بزاوية المطعم يصير الوضع عادي يعني .. الله يهديتس مير ..

الحين فهمت الموضوع إنه فكاهيّ ’
لإنه أغلب المواضيع بلاويّ للمطاعم النظيفة !
و ردي كان عام ليس مخصوص لك

[عُيُوْنِ الْقَصِيْمِ]

شئ عادي هههههه

الجراذي بكل مكان حتى في البيوت تحصله

بس مطعم الطازج والله انه افضل مطعم وكذا مره طلبت منه والحمد لله ماهن اي اضرار

[سكرووب بريده]

وش شوله تروووح
دجاجه 12 ربيال واحمه وريال خبر
ولا كيلو رز اطلق شي
بلا مطعم بلاى هك

[عزتي في شموخي]

لا من جد انتبهو من المطاعم

حصلت تجربه معاي

قمت اشك باكل اي مطعم

[غريبه كيف ينساني]

اقول لايكثر بس
مافي احسن وازين من طبخ البيت

[شحيبر]

طبعاً البنات وكما هو معروف لا يؤيدن الموظوع

فالمطاعم من الاشياء الرئيسيه في حياتهن

يعني تاكل جرذي ولا تطبخ لك عشى بالبيت\

ماتن الامهات الاولات

[xox--2011]

شي عادي الجرذي تعودناء عليه بلبيت صار مثل الذباب ههههههه

[أم أسامه 1]

جزاك الله خير

[سفير الحنان]

مطعم الطازج في بريدة تاريخ 15-7-1433 - وجود جرذي بين طاولات الطعام اعزكم الله http://t.co/XHsWC0A7
وساخه لاتبرير لها !!!

[قلم البرادعي]

صورة عاجلة جدا لصحة البيئة

هذه الجراذي تستزرع - أعزكم الله -

في مجاري الصرف


لا تقبل [ الرشوة ] تعمل بإخلاص

وليس لديها أنصاف حلول ولا تفاوض

الأمر خطير .. ولا يكفي معه تسكير محل

هذا اللي صادته الكام


الله يستر ...