[اخصائي نفسي]

تحيه طيبه ... وبعد ...
السلام عليكم ورحمة الله وبركاته ..
اوجه هذا النداء الى اصحاب الاستراحات ... نقول لكم شكرا على ما تفعلون من مساعدة المسلمين على لم شملهم وصلة رحمهم واتمنى منكم الاحتساب في ذالك .. انتم تجارتكم اجمل تجاره لو يعمل بها امران عدم الاستغلال والامر الثاني حاجة المسلمين ,, البيوت الكبيره يعلم الجميع للأسف انها من غلاء المعيشه وتفرق الجمع انتهت ... فاصبح الملاذ الامن لصلة الرحم هو الاستراحات ولكن مانراه شيء من الخيال هل من المعقول ان تصل الاسعار لهذا الجشع والطمع امتار قليله بمبالغ خياليه الاعياد لاتعلم كيف الاسعار وصلت الى عشرة الاف ريال في الوجبه ان كانت غداء اوعشاء ويفتخر بها عند اتصالك بصاحب الاستراحه هل انتم تسعون بظنكم للاستثمار بل العكس تسعون لقطيعة الرحم وتعينون عليه .. الناس للناس والكل بالله .. ممكن واحد يقول هذا حلاله ونحن نقول الدنيا لاتدوم لاحد فأجعلوا احتسابكم لجمع الناس واعانتهم على الخير لاتجعلون همكم الدنيا انتم انشاء الله كسابنون امران الاول الدنيا والثاني الاخره .. خير الناس انفعهم للناس ..ان الله اذا احب عبدا استعمله اي في الخير لعل ان الصوره وضحت وشكرا لكل من قرا وتعاون معنا وجزاكم الله خيرا .. ..

[بدر الريف]

حقيقة اسعار الاستراحات خياليه فهي تثقل كاهل المستاجر سواء كان في الاعياد او في مناسبات الافراح نرجو من اصحاب الاستراحات النظر في الموضوع وتخفيف العبء على المستاجر.

[محمد الله يحفظك]

جزاكم الله عنا خير الجزاء ووفقكم لخدمه دينه والجميع.

[دربك تدله !]

و عليكم السلام


استراحه بالايام العاديه ماتجي 300 ريال بالاعياد يوصلها اربع الالف !!
انا مدرى وش فرق العيد أو غيره ..

و غير كذا الان الاستراحه كل فتره ترتفع اول كانت بحدود 500 ريال ، الان صارت من 700 وفوق

[الرحاله العربي]

ماهوب ضروري استراحات
اقعد ببيتي واحفظ فلوسي للأشياء الضروريه

[واثق الخطوات]

ليه مانرجع ايام اول طلعه بالدائري او البر وبس والحمد والشكر

[دم الغـــــزال]

عندي استراحه بس تستاهل لان مشترا الاستراحه غاليه وصيانة و مياه وايت و كهرب و اجار عامل

الي يقول العيد م يختلف وراه سلامات كل شي له موسم السعر يختلف لكثره وطلب الزبون

[ايو حسام]

صدقت يابعدهم الله يجزاك الجنه









قل ااااااااااااااااااااااااااااااااااااااااامين

[حافزاوي]

هذه النصيحه لاتوجه لصاحب الاستراحة ولا للاخ الي مستاجر ليش مانترك الف والدوران ونوجه النصيحة للحريم
الحريم هن سبب غلا كل شي واذا الرجال فيه خير لا يدفع ادري اني صريح بزياده واجي على الجرح لاكن هذي الدنيا

[(فزة خفوق)]

شكرا لك صاحب الموضوع
فعلا كلامك سليم

لكن لي مداخله مع رد

اقتباس المشاركة الأساسية كتبها حافزاوي هذه النصيحه لاتوجه لصاحب الاستراحة ولا للاخ الي مستاجر ليش مانترك الف والدوران ونوجه النصيحة للحريم الحريم هن سبب غلا كل شي واذا الرجال فيه خير لا يدفع ادري اني صريح بزياده واجي على الجرح لاكن هذي الدنيا

رأيك أخوي أحترمه وأقدره ,,
لكن لو فكرت بعقلك شوي مو بجـيـبك لأدركت الفرق ,,
امي وامك وجداتنا ,,
كان الرجل يدخل يالذبيحه عليها ويجمع الحاره غير الأقارب
وتطبخ وتتعب وتكرف ولا يقال لها اقل شي سلمت !
ماتلاحظ انه ظلم بالنسبه للمرأه ؟
الاجتماع لابد منه ,, وصله الارحام واجبه
لكن نجتمع باستراحه وكل يأكل من جيبه وقطيته أحسن ..

[حافزاوي]

اقتباس المشاركة الأساسية كتبها (فزة خفوق) شكرا لك صاحب الموضوع فعلا كلامك سليم لكن لي مداخله مع رد رأيك أخوي أحترمه وأقدره ,, لكن لو فكرت بعقلك شوي مو بجـيـبك لأدركت الفرق ,, امي وامك وجداتنا ,, كان الرجل يدخل يالذبيحه عليها ويجمع الحاره غير الأقارب وتطبخ وتتعب وتكرف ولا يقال لها اقل شي سلمت ! ماتلاحظ انه ظلم بالنسبه للمرأه ؟ الاجتماع لابد منه ,, وصله الارحام واجبه لكن نجتمع باستراحه وكل يأكل من جيبه وقطيته أحسن ..

ياختاه بارك اللة فيك هالحين اكثر الي يجتمعن بالاستراحات الحريم
الرجال كلن مع ربعه الي مشترك معهم باستراحة يعني ينزل المدام ويمشي
ويجي الفجر فاصحاب الاستراحات استغلو هالحريم ورفعو السعر
والا لو هي على الرجال جلسو فوق نفود

[عمر الأحمد]

عمومآ هو موسمهم وطبيعي يبي يتضربون لكن الي يبي آسترآحآت هالوقت والا بالأعيآد

يتحمل

[آي فون]

مرحبأ اخي .


كل شي وله موسم . فشي طبيعي تحصل ارتفاع بالاسعار
ومثل ماذكر الاخ دم الغزال الاستراحة يبي له متابعة من
صيانة وراتب لعامل وكهرب وماء االخ ..
والعيد كله 3 أيام . اذا ماتبي اجار غالي خل عيدكم 7 ولا 8

.

[نايف123]

أنا كنت في السابق اشتكي من غلاء الإستراحات لكن يوم جربت ومسكت إستراحة شاهدت إن الإستراحة تحتاج مصاريف أشد

من البيوت ومنها راتب العامل فاتورة الكهرب تعبئة المياة تزين الخرابات السباكة والكهرباء وغير هذا كذلك شاهدت 80 %

بالمئة من المستاجرين ما يطلعون من الإستراحة الا وشكل الإستراحة وأنتم بكرامة زبالة ووساخة غير معقولة وإزعاج

المستاجرين بالاتصالات عليك وعلى العامل والتفكير ليس على المؤجر فقط إنما كذلك على المستاجرين