[@@ الفارس @@]

بسم الله الرحمن الرحيم

كم سمعنا بالقصيم والبتحديد بريدة من جمال ارضهاء وطيبة أهلها وكانت منيه زيارتها وسبحان الله دارت الايام والسنين وهاهوا الزمن يعود ليكون لي بداية دراسة في جامعة القصيم العام القادم ..

وانظممت اليكم لأتعرف بكم وبمنطقتكم ليزداد حبي بكم اكثر واكثر .. اطرح الموضوع اتمنى الاجابة والمشاركة من جميع الاخوان والاخوات وفقكم الله ..

من حيث طبيعة العيش في بريدة وشكلها ولونها وتوفر الخدمات بها من اماكن ترفيه و مستشفيات وطرق وغيرها

ودي اعرف كل شيء قبل الزيارة لها ...

وهل قريب من الجامعة سكن شقق مفروشة باسعار معقولة ويليت اقدر اتواصل مع اصحاب الشقق

وكذلك طبيعة الدارسة بالجامعة .. لن اطيل عليكم ولكن ساستمر معكم باستفساراتي مستقبلاَ

وفقكم الله الي طريق الخير وجمعنا واياكم بخير..

[محمد الله يحفظك]

يسر الله امرك والجميع

[@@ الفارس @@]

الله يجزاك خير

نبى فزعتكم بالمعلومات

[المطيري11]

حياك الله اخوي..

اتمنى من الاعضاء افادتك..

[@@ الفارس @@]

الله يحييك اخي الكريم

[مراسل بريدة ستي]

والله عندنا منتجعات حلوهـ

مثل خب الجطيلي والمعلم الكبير بيت الجن

عندك الدعيسه

عندكـ المريدسيه تشبه هولند الى حد كبير

عندك خضيراء بس احرص اشد الحرص انك تدخله بالنهار

لانك لو تدخل بالليل عادي ماتطلع ..

[عبدالله98]

يا هلا و يامرحبا بك بين اخوانك
شوف يا طويل العمر
المستشفيات:
1-مستشفى بريدة المركزي
الموقع: خلف الخبيب
2-مستشفى التخصصي
------------------------
أماكن ترفيهيه:
عندك:
1-النخيل مول
2-العثيم مول
3-ملاهي الاسرة
3-جرين لاند>>>>على طريق عنيزة
--------------------------
و عني لك اضافة
اذا جيت لبريدة
روح
للصباخ - رواق - الغماس - المليداء...اّلخ
هاذي اماكن فيها مزارع زورها و صدقني راح تنبسط ان شاء الله
-------------------------
بالنسبة للشقق و طبيعة الدراسة في الجامعة
معليش ما اقدر افيدك
------------------------
وش غيره...
اذا تبي شى لا تستحي حنا موجودين

[صاحبة السموو]

اقتباس المشاركة الأساسية كتبها مراسل بريدة ستي والله عندنا منتجعات حلوهـ مثل خب الجطيلي والمعلم الكبير بيت الجن عندك الدعيسه عندكـ المريدسيه تشبه هولند الى حد كبير عندك خضيراء بس احرص اشد الحرص انك تدخله بالنهار لانك لو تدخل بالليل عادي ماتطلع ..

ههههههههههههههههههههههههههههه
انت شكلك ناااوي تخوووف الولد

[@@ الفارس @@]

مشكور اخي عبدالله

بس المهم هو الي ما افتني فية الا وهو الشقق والجامعة

ابي ارقام الشقق المفروشة

[الوزير الفدرالي]

السلام عليكم

لاتخاف اخوي كل شي متووووفر شقق قريبه من الجامعه يمكن 700 متر وانت بالجامعه ..

وفيه ببريده طب وتخير ,, بكل مكان .. والارقام والله مااعرف لكن تبي تتيسر امورك ان شاء الله


وفقنا الله واياك

[@@ الفارس @@]

اقتباس المشاركة الأساسية كتبها الوزير الفدرالي السلام عليكم لاتخاف اخوي كل شي متووووفر شقق قريبه من الجامعه يمكن 700 متر وانت بالجامعه .. وفيه ببريده طب وتخير ,, بكل مكان .. والارقام والله مااعرف لكن تبي تتيسر امورك ان شاء الله وفقنا الله واياك

الله يجزاك خير

بس ودي اعرف ارقام للشقق اكلمهم الحين لو قدرت

[عبدالله98]

ولله ياخوي
مادري وش اقولك..
ودي افيدك و بقوة
لكن شوف حصلت هالدليل
بموقع الامانة
http://www.qassim.gov.sa/AR/BURAIDAH...s/default.aspx
فيه كل شى من قطاعات صحية + تعليمية+ فنادق و استراحات.....اّلخ

ان شاء الله انك تستفيد

الا ما قلت لنا انت من وين؟؟

[حمد الصالح]

أخوي الفارس ..

جامعة القصيم لها عدة فروع ، وأنت ما حددت الفرع بالضبط حتى نقدر نفيدك.

الطب والهندسة والعلوم والحاسب هذي موجودة في المليداء .. 10-15 كيلو عن بريدة.
أما الأقسام الشرعية والاجتماعية واللغة العربية فمكانها داخل بريدة وبالتحديد أقصى جنوب بريدة.

[@@ الفارس @@]

اقتباس المشاركة الأساسية كتبها حمد الصالح أخوي الفارس .. جامعة القصيم لها عدة فروع ، وأنت ما حددت الفرع بالضبط حتى نقدر نفيدك. الطب والهندسة والعلوم والحاسب هذي موجودة في المليداء .. 10-15 كيلو عن بريدة. أما الأقسام الشرعية والاجتماعية واللغة العربية فمكانها داخل بريدة وبالتحديد أقصى جنوب بريدة.

كلية خدمة المجتمع وين اخوي


الله يوفقك