[الرادو]

جلست أسولف أنا وشاب عزوبي ... على وشك يعرس


يعني بالعربي ( يدور )



قلت بشر عساك لقيت ؟؟



قال لا والله أدور .. تخبر لي ؟؟



قلت وش رأيك في بنت فلان ؟



قال والنعم بس على ما أسمع من خواتي إنها



مدلعه



ولا هي براعية بيت



البنت لصارت مدلعه



ولا هي براعية بيت



اغسل يدك منها


ماش ما تجوز لي .... وما والله أخذها لو كانت ملكة جمال



أنا رجال أبي واحدة تدلعن بالليل وتحوف لي السنبوسة بالنهار




وعقبها لو تبي رموش عيوني




( مزرتهن واحده واحده .. وصفيتهن بجنب بعض .. وقدمتهن لها بصحن )





عاد تبون الصراحه




والله أعذره



هالشاب أنا أعرفه ماشاء الله عليه




( هبة ريح )




سنع



رجل بمعنى الكلمه



شقردي



يبرد تسبدك الصراحه




يعني لا أحد يقول هذا يتشرط وما ادري أيش وعساه يلقى واحدةٍ تضفه




إلا الحق حق ولا يزعلون مني البنيات




لأن 80 % من بنات هالجيل




تدخل بيت زوجها وهي ما تعرف تصلح ولا القهوه وشلون بالقرصان والمطازيز




طبعاً الذنب ذنب الأم رضت ولا انرضت




صحيح حنا في زمن الترف ... وزمن الشغالتين والثلاث بالبيت الواحد




بس ولو





ياختي ما يمنع إن الأم تدرب بناتها على السنع خاصة بالمطبخ




أما تدخل بيت زوجها ما تعرف كوعها من بوعها هذي مصيبه





تسدح و تبطح على الجلاكسيات و الآيبادات




ومسلسل كوري ابو ( 500 حلقه ) ومسلسل ( تركي أبو 2000 حلقه )




وتعالي ياميري جيبي لي العشاء بغرفتي .. وتعالي ياميري خوذي صحون الغداء




معلقةِ هالسماعات بأذانها وتقل بكابينة طياره



فهذا يا ميمتي ماراح يجيب نتيجه




على تسذا والله إن يموت الرجل ما ذاق العيشه يا ويلي




وصدق هالشاب




لو كانت ملكة جمال الدنيا




فالدلال و الجمال والأناقه والدلع .... سيملها الرجل ( ثلاث شهور بالكثير )




وبعدين !!




الرجل عما قريب جداً... سيبحث ما وراء ذلك الجمال وتلك الأناقه شاءت أم أبت






........................



حكمه اليوم



أضن أنها قد ترضي الكثير من الرجال ... وقد أخسر بها الكثير من شريحة النساء



لكن تجرعوها فهي الحقيقة



في الماضي


أكبر هم يقض مضجع الرجل قبل الزواج ( كيف سيربي أبنائه )





أما اليوم



فالرجل يفكر ألف مره قبل الزواج أتدرون لماذا ؟؟


لأن تربية الزوجة أصعب بألف مره من تربية الأبناء


ولم العجب ؟؟؟ أليست الأم مدرسه ؟؟






دمتم بخير

[حربي عابر دربي]

البنات في الغالب تتغير بعد الزواج وانت وحظك

[إغتيال الفرحة]

بالله !!
كذا تفكيركم يالرجال ؟
عمري ماتزوجت أجل .

[متى يحل السلام؟؟؟]

أعرف وحده ماتعرف تسوي الشاهي بعد ماتزوجت تعلمت من الكتب والنت
تسوي سفرة مد النظر فيها مالذ وطــــــاب

ليش بعض الرجال بس يفكرون ببطونهم متى يرتقي فكرهم ؟

[حربي عابر دربي]

اقتباس المشاركة الأساسية كتبها متى يحل السلام؟؟؟ ليش بعض الرجال بس يفكرون ببطونهم متى يرتقي فكرهم ؟

هذولا الله يسلمك اسمهم عجول تسمين

[تهاني...]

اقتباس تدخل بيت زوجها وهي ما تعرف تصلح ولا القهوه وشلون بالقرصان والمطازيز

شباب هالوقت ياكلون القرصان والمطازيز ماخبرناه الله يعين اللي تزوج اللي يحبهن .!!

[نالا]

اللي اعرف من الشباب من اقاربي مايبون السنعه وست البيت
مايبون الا المغروره المدلعه

لو قلنا فلانه طباخه قال مابي طباخه ابي زوجه
وبنظرهم البنت السنعه اللي تعرف تطبخ هذي وحده كبيره بعمر امه ومايبيها






شي ثاني

الشباب الحين ماصاروا يخطبون البنات
البنت صارت هي اللي تدور لها ع زوج

البيوت مليانه بنات والشباب عازفين عن الزواج
لأن بعضهم اكتفى بالبعض الآخر الله يهديهم يارب

[نالا]

اخي الفاضل / صحيح انه ليس سبب رئيسي للعزوف
لكن احد الاسباب المؤدية للعزوف
وان تزوجوا تبدأ المشاكل بالشذوذ وتنتهي بالطلاق


وصحيح انه نادر لكني اراه بدأ يزيد عند الشباب حتى الصغار ربي يحفظهم
وخوفنا من المستقبل ان ينتشر
ومسألة الشكل او المظاهر لا اقيس عليها ابدا
اعلم بأن احدهم شكله اقرب الى الالتزام من غيره ومع ذلك ذنبه اكبر واعظم


ربي يصلح الاحوال ويهدي شباب المسلمين لكل خير

بورك فيك ونفع بك

[حبق]

اقتباس المشاركة الأساسية كتبها نالا اخي الفاضل / صحيح انه ليس سبب رئيسي للعزوف لكن احد الاسباب المؤدية للعزوف وان تزوجوا تبدأ المشاكل بالشذوذ وتنتهي بالطلاق وصحيح انه نادر لكني اراه بدأ يزيد عند الشباب حتى الصغار ربي يحفظهم وخوفنا من المستقبل ان ينتشر ومسألة الشكل او المظاهر لا اقيس عليها ابدا اعلم بأن احدهم شكله اقرب الى الالتزام من غيره ومع ذلك ذنبه اكبر واعظم ربي يصلح الاحوال ويهدي شباب المسلمين لكل خير بورك فيك ونفع بك

ممكن توضحين النقطة هاذي الصراحة مافهمت لو تكرمتي اللي باللون الأحمر

[نالا]

اقتباس المشاركة الأساسية كتبها حبق ممكن توضحين النقطة هاذي الصراحة مافهمت لو تكرمتي اللي باللون الأحمر

المقياس الحقيقي ليس بالمظاهر فربما مظهر احدهم اقرب للإلتزام من مظهر غيره
ويفعل ذنبا اكبر من ذنب ذلك الذي مظهره قد لايعجب الآخرين اما بلباسه او اخلاقه

..

[إغتيال الفرحة]

اقتباس المشاركة الأساسية كتبها نالا اخي الفاضل / صحيح انه ليس سبب رئيسي للعزوف لكن احد الاسباب المؤدية للعزوف وان تزوجوا تبدأ المشاكل بالشذوذ وتنتهي بالطلاق وصحيح انه نادر لكني اراه بدأ يزيد عند الشباب حتى الصغار ربي يحفظهم وخوفنا من المستقبل ان ينتشر ومسألة الشكل او المظاهر لا اقيس عليها ابدا اعلم بأن احدهم شكله اقرب الى الالتزام من غيره ومع ذلك ذنبه اكبر واعظم ربي يصلح الاحوال ويهدي شباب المسلمين لكل خير بورك فيك ونفع بك

نالا ، أنتِ تحكين عن مجتمعنا وواقعنا !!
سلامات والله .. هذا شيء ضئيل وضئيل جدًا خصوصًا البنات

اووما شذوذ وطلاق !!!! كبيرة الصدق .

[نالا]

اقتباس المشاركة الأساسية كتبها إغتيال الفرحة نالا ، أنتِ تحكين عن مجتمعنا وواقعنا !! سلامات والله .. هذا شيء ضئيل وضئيل جدًا خصوصًا البنات اووما شذوذ وطلاق !!!! كبيرة الصدق .

اي اذا كان الزوج صاحب علاقة محرمة مع شباب مثله
بالتأكيد سيكون مآل زواجه الى الطلاق

اعلم بأن هذا ضئيل الآن في مجتمعنا
ولكن خوفنا ان ينتشر مع تقدم الزمن

[جيهان]

أجــــــــل 80% من وين الأحصائيه..؟؟؟؟؟؟

لاتعمم

قل المجتمع اللي حولي وأقاربي اما تعمم
لا..!

[الشيهانهـ]

الرجل اذا بغى وحده سنعه وتعرف تطبخ موب معناته يهمه بطنه
بس هو يقول خويي ذيب ماشاء الله عليه وشقردي يعني يبي
وحده تبيض وجهه عند الرجال اذا عزم مايبي سحبله

واللي تقول اقاربي مايبون السنعه يبون الدلوعه وشم ذولا اولاه هههههه
شكلهم راعين بنات المذن خخخخ

عالعموم يرجع كل هذا لتربية الام والمثل يقول ( لبغيت.... أسال عن امه)
اللي يطول بعمر امي على عمل صالح