[الخييال]

آخر ما يتصوره العقل من التساهل واللا مبالاة بأرواح المواطنين 
وفي حي الربيع ( غنامه ) وبالقرب من اشارة النقع وبالتحديد  خلف
محطة البنزين التي يتم إزالتها حاليا  جنوب السنيدي والبنك الأهلي 
وفي الشارع الضيق 12 متر الموازي لطريق الشاحنات من الشرق

يوجد ثلاث صهاريج بنزين مستخرجه من الأرض ومتشبعة بالبنزين المكتوم
وقابلة للإنفجار بأي لحظة لا قدر الله كفيل بإحداث كارثة فحرارة الشمس
والألعاب النارية للأطفال الذين لا يدركون خطر هذا الكمين ووجودها بهذا
الشكل داخل الحي يطرح ألف تسائل عن غياب أو تساهل الرقابة من الجميع
بلديه ودفاع مدني وأمن

!!!!!!!!




وإليكم الصور

[عبدالله98]

بالعكس وين لاتساهل من الجهات الرقابية!!!

اصلاً هم ما يردون انه في صهارج بحيكم
لو يدرون كان شالهون

لكن الغلط منك انت

طيب يوم انك تكتب بالمنتدى
وش تبي يسون لك الاعضاء

تبي احد الاعضاء يستاجر لك ونش
و يروح يشيلهن؟؟

ياخي دق عليهم و هم يدبرونك!

[الخييال]

اقتباس المشاركة الأساسية كتبها عبدالله98 بالعكس وين لاتساهل من الجهات الرقابية!!! اصلاً هم ما يردون انه في صهارج بحيكم لو يدرون كان شالهون لكن الغلط منك انت طيب يوم انك تكتب بالمنتدى وش تبي يسون لك الاعضاء تبي احد الاعضاء يستاجر لك ونش و يروح يشيلهن؟؟ ياخي دق عليهم و هم يدبرونك!

مراحب اخ عبدالله
أنت ترى انه ماله داعي هالموضوع ! وقفت على هالموضوع ههههه
وهل كنت تعلم انه تم البلاغ أم لا ،
وتقول أصلا ما يدرون ! بالله واش ذابحنا غير انهم ما يدرون ؟
والقصد من الموضوع تحذير أصحاب المنازل القريبة منها وأصحاب الحي
فالخطر قائم ولا زال .
وعل وعسى أن يصل إلى المسئولين بالدفاع المدني والبلدية ويباشرون
إزالة الخطر . فالمصلحة العامة أهم من المصلحة الخاصة

[عبدالله98]

اقتباس المشاركة الأساسية كتبها الخييال مراحب اخ عبدالله أنت ترى انه ماله داعي هالموضوع ! وقفت على هالموضوع ههههه وهل كنت تعلم انه تم البلاغ أم لا ، وتقول أصلا ما يدرون ! بالله واش ذابحنا غير انهم ما يدرون ؟ والقصد من الموضوع تحذير أصحاب المنازل القريبة منها وأصحاب الحي فالخطر قائم ولا زال . وعل وعسى أن يصل إلى المسئولين بالدفاع المدني والبلدية ويباشرون إزالة الخطر . فالمصلحة العامة أهم من المصلحة الخاصة

لا تعليق..!!
الخطا ما يدرا من وين
منكم ولا من الدفاع المدني

[omms20]

الشكوى لله بس

[الخييال]

لا زال الوضع كما هو ،
.
.
.
.
.
للرفع

[ابو العرب]

لا حول ولا قوة الا بالله

[manedl]

ياخيي أعتبرني مسئول بالدفاع المدني ومطنش ولاعلى بالي وإذا صارت كارثه قال هذي مسئولية البلديه !!!
ياخيي إعتبرني مسئول بالبلديه ومضيع الأمانه ولاعلى بالي وإذا صارت كارثه قلت تم إشعار المالك بضرورة نقلهم والمالك ماإستجاب وتم تحرير المخالفه بحقه !!!!
ياخي إعتبرني عمدة الحي ورفعت للجهات المعنيه ولا إستجابوا كإنهم يقولون أنت وش دخلك خلك بحالك !!!
أفضل حي بلغ أهل الحي بإلطلوع من منازلهم في يوم معين وأحرقهن خلهم يعرفون إن الله حق
نعنبو بليسهم ضاعت الطاسه إستدار الراس ماندري من حنا بيده ماندري من المسئول عن هالمشاكل اللي تصير
الله لايحلل من ضيع الأمانه الله لايحللهم

[الخييال]

اقتباس المشاركة الأساسية كتبها manedl ياخيي أعتبرني مسئول بالدفاع المدني ومطنش ولاعلى بالي وإذا صارت كارثه قال هذي مسئولية البلديه !!! ياخيي إعتبرني مسئول بالبلديه ومضيع الأمانه ولاعلى بالي وإذا صارت كارثه قلت تم إشعار المالك بضرورة نقلهم والمالك ماإستجاب وتم تحرير المخالفه بحقه !!!! ياخي إعتبرني عمدة الحي ورفعت للجهات المعنيه ولا إستجابوا كإنهم يقولون أنت وش دخلك خلك بحالك !!! أفضل حي بلغ أهل الحي بإلطلوع من منازلهم في يوم معين وأحرقهن خلهم يعرفون إن الله حق نعنبو بليسهم ضاعت الطاسه إستدار الراس ماندري من حنا بيده ماندري من المسئول عن هالمشاكل اللي تصير الله لايحلل من ضيع الأمانه الله لايحللهم

اي والله ضايعة الطاسه ، والحل أجمع سكان الحي ونروح نجر مدير الدفاع المدني باذنه ، ونوقفه عليهن يشوف على الواقع المخالفات الكبيره ، اللي مو طرطعان وخرابيط ، هذي بمثابة قنابل لو انفجرت لا قدر الله ،

الله لا يوفق المتسترين ...

[الصريح الفصيح]

ينتظرون تصير كارثة ربعنا مايفيد بهم الا ضربة علشان يصحون
اخوي الشق اكبر من الرقعة
فساد مالي واداري كبير في دوائرنا الحكومية والقطاع الخاص آمن العقوبة
الحل بسيط علبتين بخاخ أخضر فاتح وعبارة
( الى متى هذا الآهمال الخزانات ستنفجر والمسئولية ستطالكم )
التوقيع / مواطن آمين

[الخييال]

اقتباس المشاركة الأساسية كتبها الصريح الفصيح ينتظرون تصير كارثة ربعنا مايفيد بهم الا ضربة علشان يصحون اخوي الشق اكبر من الرقعة فساد مالي واداري كبير في دوائرنا الحكومية والقطاع الخاص آمن العقوبة الحل بسيط علبتين بخاخ أخضر فاتح وعبارة ( الى متى هذا الآهمال الخزانات ستنفجر والمسئولية ستطالكم ) التوقيع / مواطن آمين

الله يكفينا شر الكوارث ، ومن هذا المنبر ( بريده ستي) أنا متأكد أنه تم اطلاع من له يد في التستر أو له دور في الإستجابة للنداء ، ونحمله معنا المسئولية وأن يتقي الله
في العباد ويساهم برفع الضرر .
فرائحة البنزيم تفوح منها ، وعداد الكهرباء لا يبعد مترين خلفها من الجنوب ،
أين قوانين الدفاع المدني والبلدية والكهرباء و. . و .
لماذا يختفون ويتجاهلون بعض المخالفات الكبيرة ويعطلون البعض لأشياء لا تذكر !!

شاكرا لجميع من اهتم بالموضوع وشارك بكلمة حق تجاهه .

[محمد بن بريده]

هل تم الإبلاغ
إذا بلغتوا ولا فاد إستمروا وبالتناوب بإزعاجهم حتى يزيلوهن

[عبدالرحمن الشايع]

،

أعوذ بالله وش هالأستهتار ..!
وكل جهه تتكل على الجهه الثانيةة !

+ تميز للموضوع ليراه من له صله بهذه المهزله !

[الخييال]

شاكر اهتمامك أخ عبدالرحمن
ولك مني ومن الجميع التقدير والدعاء لك بالتوفيق ..