[torki]

يا جماعة الخير
شي يقهر اشارة المقبرة امتداد شارع القناة اليوم
في ذروة الزحمة الفلاش حق ساهر الي في الاشارة ما ارتاح
والله صاد ناس لا تعرف و لا تفقه النظام في الاشاراة وخاصة كبار السن واهل القراء
الي جايين يتبضعون لعيالهم للعيد
بدون ارشاد وتوجيه من المسؤولين

لا حولا ولاقوة الا بالله
والله ما راح تشوفون خير من دعوات هالمساكين

[دكتوراهل بريدة]

مانقول الا

حسبي الله ونعم الوكيل

حسبي الله ونعم الوكيل

حسبي الله ونعم الوكيل

[maram11]

أحسن خلهم يضبطون الوضع . والي ماتعلم يتعلم

[ابـو طلال]

طيب حبيت أبشركم وأنت اولهم ياتروك ... ممكن أقولك أن فلاشات أشارة المقبره كلها تجربه مو صدق بس تدريب للمواطنين ..؟ وبعد العيد يبداء فلاشات ساهر الحقيقة للمخالفات .

[السهم 11 القاتل]

الى الان تشغيل تجريبي مخالفات لا تسجل والوعد بعد العيد على كلام المزيني

[التيجان]

ياليت يحطون بكل متر ساهر وبكل اشارة عشر كاميرات..............نساء ترملن واطفال تيتموا ومصلين ماتوا
بسبب مراهقين وحشاشين...............حسبي الله عليهم.......خسرت الف ريال وجننت اجل لو خسرت اعز مخلوق عندك وش تسوي

تعودون بعدين على الهدوء

[مواطن شبة مغترب]

اقتباس المشاركة الأساسية كتبها التيجان ياليت يحطون بكل متر ساهر وبكل اشارة عشر كاميرات..............نساء ترملن واطفال تيتموا ومصلين ماتوا بسبب مراهقين وحشاشين...............حسبي الله عليهم.......خسرت الف ريال وجننت اجل لو خسرت اعز مخلوق عندك وش تسوي تعودون بعدين على الهدوء

كلام سليم ومنطقي 100%

[زي العسل]

اقتباس المشاركة الأساسية كتبها التيجان ياليت يحطون بكل متر ساهر وبكل اشارة عشر كاميرات..............نساء ترملن واطفال تيتموا ومصلين ماتوا بسبب مراهقين وحشاشين...............حسبي الله عليهم.......خسرت الف ريال وجننت اجل لو خسرت اعز مخلوق عندك وش تسوي تعودون بعدين على الهدوء

والله انك صادق

[عايش بهمي]

صحيح كلامك اخوي
كيف يطبقون نظام يجهله الكثير من الناس بدون توعية وتثقيف .اقل شي لازم يصير فيه منشورات تشرح آلية عمل ساهر عند الاشارة وغيرها
بالنسبة للأخوات اللي يقولن احسن ويأيدن هالنظام السارق حبيت أقول ان الشيبان والناس العاقلين هم اكثر ناس تسديدا لساهر
لكن الشباب المتهورين عندهم حيل كثيرة تفكهم من المخلفات رغم تجاوزاتهم

[مواطن شبة مغترب]

اقتباس المشاركة الأساسية كتبها عايش بهمي صحيح كلامك اخوي كيف يطبقون نظام يجهله الكثير من الناس بدون توعية وتثقيف .اقل شي لازم يصير فيه منشورات تشرح آلية عمل ساهر عند الاشارة وغيرها بالنسبة للأخوات اللي يقولن احسن ويأيدن هالنظام السارق حبيت أقول ان الشيبان والناس العاقلين هم اكثر ناس تسديدا لساهر لكن الشباب المتهورين عندهم حيل كثيرة تفكهم من المخلفات رغم تجاوزاتهم

من يوم طلع ساهر وأنتم تتفلسفون بحجة عدم وجود توعية وتثقيف ،،، ساهر له الآن تقريباً 3 سنوات ، المفروض يكون عندكم دبلوم توعية وتثقيف

[عايش بهمي]

اقتباس المشاركة الأساسية كتبها مواطن شبة مغترب من يوم طلع ساهر وأنتم تتفلسفون بحجة عدم وجود توعية وتثقيف ،،، ساهر له الآن تقريباً 3 سنوات ، المفروض يكون عندكم دبلوم توعية وتثقيف

ثلاث سنوات ولا ثلاثين سنة هذا ماهو مبرر، كيف تطبق نظام بدون توعية ،وبعدين اي دبلوم وأي خرطي اللي تقوله عنه ، لو ابسألك عن بعض أنظمة ساهر بتقعد تحك راسك مسوي تعرف كل شي، ياشيخ ماشجع على الفساد الا المطبلين واللي لهم مصلحة من وراه
الله يرحم حالنا

[أبورامي]

تصريح مدير المرور اضغط هنا

[الأميرالحزين]

الله اكبر الله يبشرك بلخير نبي بكل مترين ساهر او ساهرين وفوق كل ايشاره خمس كمرات

[❤.. Ťạġħřęęḋ]

سؤال ودي اعرف جوابهـ..؟!
<يمكن ماله دخل بالمووضوع..


اللي معه حاله طارئه ومتعدي حد السرعه .. تلقطه ساهر..؟!


..