[احسك روحي]

السلام عليكم
انقل لكم معانات احدى قريباتي مع محل ارليت تجهيز الحفلات في الرس مع مسؤلته تدعى غدي..
اتركها لكم تروي معاناتها
طلبتني بتاريخ 4-10-1433
ارسم لها على 30 طاولة متر بمتر عشان زواج بتاريخ خمسة يعني من بكرا..
اولا ماتتفاهم معاك ترسل لك وحده من معاوناتها تتفاهم معاك
وكل ماتسألينها عن التفاصيل تقول مدري مدري. .. اذا اتصلتي عليها تقول خلاص سوي الي تبين ونتفاهم اذا خلصتي شغل. .انا بحكم ان البنت تمون شوي علينا قلت اعتمد كلامها مايحتاج فاتورة بيننا. .شريت لها الاغراض ورحت لها تسع الصباح واشتغلت لها الى وحدة بالليل خلصت 16 طاولة. ... طبعا هالوقت سكرت جوالها ع اساس انها نايمة. .. بنفس يوم الزواج الصباح تكلمني تقول.كم حسابك قلت 3300 قالت. .ماراح اعطيك الا 1500 تبينهم والا لا. .. كلمة مني كلمة منها قلت نهاية.الموضوع ابي.فلوسي. .قالت العصر نتفاهم. .. صبرت عليها ودقت امي العصر تبي تتفاهم بهدوء معاها البنت ترد بكل بجاحة تقول : الطاولات استعملتهممم واذا خلص الزواج بصبغهم بوية ويالله اثبتي ان بنتك مشتغلة. ....قالت لها امي الفلوس بالليل تجي. ..قالت انا مشغولة كلموني تسع ونص. ..صبرنا عليها وعلى اسلوبها الخايس. .. ندق تسع ونص مقفلة جوالهاإا. . الى وحدة. ..وادق تعطيني مشغول. .بتلت ادق لين اظطرت ترد. ... تقول.هاه نعم. ..قلت شوفي تهربتي لين قلتي بس. . بس تراي ما احللك بفلوسي. .. قالت : اقووول كولي *** .. وتراك ماتطولين الناس الي اكبر منك وفلوس والله ماتشوفين ولا هللة. . ..



طبعا الى يومكم مادفعت وانا اتحسب الله عليها ليل نهار صدق غلطتي اني وثقت بناس ماتخاف ربها بس اقولكم عشان ماحد يكرر الي سويته ويتعامل مع الانسانه وينسرق مثلي

[ام الشيخ]

ياعمري حاجة تقهر صراحة
الله ينتقم لك منها

[دربك تدله !]

و عليكم السلام

نصيحه الوقت نادر تحصل شخص ثقه ! ياتاخذ يدفع المبلغ أو اذا معاك اثبات قال تبي المبلغ أو روح اشتك ؟
الافضل يكون تعاملك ب اوراق

الله يهديها ، وإذا كان لك حق ما اخذتيه بالدنيا تاخذيه بالآخره

[زوم20]

صراحه انتي بعد غلطانه وعفواًعلى هذه الكلمه
المفروض فيه بينك وبينها فواتير علشان تعرفين الي لك وعليك.
المبلغ مو بسيط 3300 هذا مو اخذ فاتوره الا اخذ عقد بعد
نصيحه لك دائما سجلي وقيدي ما بينك وبين الناس حتى لو هو اقرب الناس لك.وأسألي امجرب
الله يعوض عليك وما راح تتوفق هذه المرأه فيها .

[عبدالعزيز إبراهيم]

شكلك حاره يا بنت الناس والمفروض لا تتعبي نفسك من اولها كان عليس الاتفاق ولو بدون فواتير كم يكلف لو طلبنا كذا ولو زيادة كذا كم وهذا افضل الحلول وحتى لو كان عن طريق فلان او فلانه الي اوله شرط اخره نور يا بابا.... وبعد الوحده المرسله لك اذا قالت بعدين وكررت كلامها قولي الله يعدي عنك الباب يوسع جمل اشوف غيرك من الاول

ملاحظة موضوعك طويل ومتعب عشان يفهم

[ام بشري]

ماتخاف من ربها حسبي الله عليها

[عبدالله الرقيعي]

اولاً : الله يعوضك خير مما سرق منك وأن يرده اليك
ثانيا : هذا درس لك بهالبلغ الي راح أن لاتثقين بالاخرين المجهولين . وبنفس الوقت لايؤثر هذا الموقف بمن تثقين بهم او القريبين إاليك
ثالثا : ارسلي لها رسالة خوفيها بالله عز وجل . لعل وعسى تخاف وتعود تراجع نفسه

كثيرة اساليب الانتقام ولكن ماأجمل أن نشتكي إلى الله سبحانه نِعم المولى ونِعم النصير
اللهم انصر كل من ظُلم

[سليمان الرياعي]

درس لك ولغيرك ..
ولا يلدغ المؤمن من جحر مرتين !!

اي واحد يكون له مثل هالموقف بعد سماع هالخبر معناه انه شخص بليد لانه ماستفاد من الدرس !!

فوضي امرك لله !!
وشهري فيها بالمنتديات لانه لو اشتكيتي ماعندك اثبات عليها ..

[تاج توج]

اسمحيلي اانت غلطت ......المفروض اي شخص تتعاملين معه ع طول بفاتورة ....الناس الحين مو مثل أول مافيه ثقة ولا أمان .....الحين مافيه الا حقي حقي ونفسي ونفسي بس

[عباير]

والله قد جربت مثل گذا لاگان اللي سويته دعيت عليه وحسبي الله وگفآ
*عن أذنگ صاحبة الموضوع/

عبدالعزيز إبراهيم
حرم عليگ ليش تقول الموضوع طويل وماهو مفهوم
إذا أنت مالگ خلق تقرآوتفهم
لاتگتب گذا البنت ماللومه لو ماصاغت الموضوع عدل
من زود القهر اللي به وجعلگ ماتحس ب حرقته^

الله يعوضگ يااأختي

[شهر اغسطس]

الله لا يوفقها

حرام ومال حرام

[سمارت2]

الله يعووضك يااختي

انا والله صارت لي سالفه مشابه لك وكله عشان الثقه

راحت علي 2000 ريال لكن الله لايسامحه لادنيا ولااخره

[عبدالله]

هالأشكال لايصلح التعامل مهم بالثقة بل يكون فيه اتفاق ومكتوب ومايتم احضاره من أغراض فعن طريق الفواتير
وبهذه الطريقة إذا لم يتم أخذ الحق بالتي هي أحسن فيكون عن طريق الجهات المختصة.......

[ذرة غلا]

الله يعوضك الخير يارب
وهي حسبي الله عليها