[درع القصيم]

السلام عليكم ورحمه الله وبركاته :
بإختصار ياأخوان ويا أخوات الحين إذا الواحد كتب له موضوع ولا مقال وتعب عليه ونزله في الواتس أب مثلاً <<< من يضمن حقوقه كا كاتب .. أقصد من السهل أنه يحصل موضوعه منسوخ ومحطوط بأحد المنتديات أو بمكان ثاني بالإنترنت <<<< والمشكله مهب في ذي ، المشكله أنك لو تكتب لك موضوع وتنزله في الواتس . تحصل الشخص المستقبل للبردكاست فوراً يشيك عليه بالقوقل حته يتأكد أنه مقصوص أو منقول ولا لا ،، وإذا حصل نفس الموضوع منسوخ بالنت على طول يتهم راعيه بالنقل والكذب .. وأنه يدعي تملك المقال ،،،
وش الحل يا جماعه ؟؟؟؟

[اخت اخوها]

يعطيك الف عافيه
اختيار اكثر من راائع
ودي لروحك.

[روسان]

اكتب شي ينفع غيرك ولا يضرك واللي تخاف عليه اكتبه في الأماكن اللي تحفظ لك حقوقك

وأرسل ما تريد كيفما تشاء

وللمعلومية أغلب الناس مايقرأ وخصوصاً المقالات الطويلة !!!!

شكراً لطرحك

[درع القصيم]

اقتباس المشاركة الأساسية كتبها روسان اكتب شي ينفع غيرك ولا يضرك واللي تخاف عليه اكتبه في الأماكن اللي تحفظ لك حقوقك وأرسل ما تريد كيفما تشاء وللمعلومية أغلب الناس مايقرأ وخصوصاً المقالات الطويلة !!!! شكراً لطرحك

أشكرك أخي ..

[حربي عابر دربي]

الله يعلم

اذا عندك حقوق ملكية افضل واذا لا فهو عمل تؤجر عليه باذن الله

بالتوفيق

[درع القصيم]

اقتباس المشاركة الأساسية كتبها حربي عابر دربي الله يعلم اذا عندك حقوق ملكية افضل واذا لا فهو عمل تؤجر عليه باذن الله بالتوفيق

أشكرك أخي

[O X Y G E N]

اقعد يالدويش .. هه .. اجل كل محادثاتكم بالواتس أب ( اثباتات وحلوف ) أنا الي كاتب وهو يرد أثبتلي ..

بعدين مع أني ماعرفكم وماقد شفت مقالاتكم .. بس يبدو أنك ناقل بعض المقالات

ومعذور صديقك لأن الكاتب المميز مايكتب ( يا أخوان ويا أخوات ) ..

وشكل صديقك يتفاجئ بكلمات ركيكة جداً مايقولها الي يدرس بخامس ابتدائي ( ج ) ..

وفجأة تلصق له مقال بانورامي .. فالأنسان بيحكم عقله .. كيف قبل يومين كاتب كذا واليوم كذا ..

[مسلهم]

اكتب شي فيه اجر وثواب
حتى ينقل في كل مكان ويكون صدقه جاريه لك ولمن نقله
ولا تهمك الحقوق ربك يعرفها زين

[درع القصيم]

اقتباس المشاركة الأساسية كتبها مسلهم اكتب شي فيه اجر وثواب حتى ينقل في كل مكان ويكون صدقه جاريه لك ولمن نقله ولا تهمك الحقوق ربك يعرفها زين

نعم طبعاً لا أمانع إذا كانما كتبته موضوعه يتعلق بالدين والعضه ،،
لكن إذا كانت مقالات تتحدث عن أمور إجتماعيه مثلاً

[نبراس القصيم]

في الواتس آب اعتقد مافيه شيء أسمه حفظ حقوق

فأكتب ما تؤجر عليه وتركه يمضي بين الناس

[درع القصيم]

اقتباس المشاركة الأساسية كتبها نبراس القصيم في الواتس آب اعتقد مافيه شيء أسمه حفظ حقوق فأكتب ما تؤجر عليه وتركه يمضي بين الناس

يبدو أن هذا هو الأفضل

أشكرك ،،،

[فــ ـهـ ــد]

بعالم النت مافي حقوق ربك يعين

شكرا لك

[درع القصيم]

اقتباس المشاركة الأساسية كتبها فــ ـهـ ــد بعالم النت مافي حقوق ربك يعين شكرا لك

طولت الغيبه فهد وين الناس فاقدينك لنا فتره عساه خير إن شاء الله

أسعدني مرورك شكراً لك ،،

[بنت بلادن]

,

المشكلة < الطامة >

أن القـارىء المحترم تـحـور < لرجل أخـضر > وأصبح كـاتـب

وهذا هوالــ < تضــخم >

دمتم
,
,