[شهبندر]

ياجماعة أنا مؤيد بشدة لمقاطعة الدجاج

والبدائل كثير

1- الأسماك وفيه أنواع وأشكال طازج ومجمد وبأسعار متفاوته وفي متناول الجميع.
2- اللحم ( عادي لو تشتري ذبيحة تيس أو هرفي ... الخ أصلاً الأغنام غالية خلقة ).
3- أكلات شعبية مثل الجريش القرصان المرقوق... الخ
4- خبز + زبادي + فول + عدس + حمص ... الخ.
5- بعض مأكولات المطاعم التي لا تحتوي على دجاج مثل الفلافل + المطبق ... الخ
6- المعلبات.
الخلاصة إن فيه بدائل كثيرة ولله الحمد

وجرب يوم يومين لا تاكل ولا تشتري دجاج بداية الأيام كل سمك

والنقطة إلي بتنفعنا إن عيد الأضحى على الأبواب , والناس في العيد ما ياكلون دجاج , بعضهم ياكل لحم الضحايا لمدة 7 أو 8 أيام أو أكثر

تكفون الهمه يا شباب وانشر هالرسالة , لا تصيرون من قوم هونا إلي يحوصون قبل العاير نبغى المقاطعة تنجح ونخلي أهل الدجاج يرخصون غصب عنهم

[الـعـابـر]

المطبق .. اسم يحترمه المعلم فهو رفيق الدرب من التعيين حتى التقاعد
عسى الخطه تنجح بس

[شهبندر]

اقتباس المشاركة الأساسية كتبها من الجماعة المطبق .. اسم يحترمه المعلم فهو رفيق الدرب من التعيين حتى التقاعد عسى الخطه تنجح بس

تنجح الخطة إن شاء الله

بس نحتاج الإرادة والصمله والتصميم

ياخي رمضان كله عايشين بدون دجاج ... شهر كامل

ما نقدر نصبر اسبوعين ؟؟؟؟؟

رح خذ لك كرتون سمك مجمد واتكل على الله وتشوف

ويمكن ننسى الدجاج بعد

[محمد17]

الله يجزاك خير
و يجلعه في موازين حسناتك
يا ناس مثل ما قال الاخ

مقاطعة تامة

يد وحدة
الهمة الهمة

انا لو ارعف للفيس بوك و تويتر كان نشرت لكن ما ارعف لهن

اللي يعرف للفيس بوك و تويتر
ينشر

و ايضا اجزم ان اغلبكم

مسجل في اكثر من منتدى
انشروا تكفووووووون

[محمد17]

نبيها تنتشر على مستوى المملكة
انشرواا

[شهبندر]

بدائل الدجاج:

1- الأسماك وخصوصاً الفيليه وفيه أنواع وأشكال طازج ومجمد وبأسعار متفاوته وفي متناول الجميع.
2- اللحم ( عادي لو تشتري ذبيحة تيس أو هرفي ... الخ أصلاً الأغنام غالية خلقة ).
3- أكلات شعبية مثل الجريش القرصان المرقوق... الخ
4- خبز + زبادي + فول + عدس + حمص ... الخ.
5- بعض مأكولات المطاعم التي لا تحتوي على دجاج مثل الفلافل + المطبق ... الخ
6- المعلبات.
7- الشوربه , المعكرونه , المحشي إيدامات الخضار ... الخ

جرب يوم يومين لا تاكل ولا تشتري دجاج بداية الأيام كل سمك

ونقطة الدعم إلي بتنفعنا هي إن عيد الأضحى على الأبواب , والناس في العيد ما ياكلون دجاج , بعضهم ياكل لحم الضحايا لمدة 7 أو 8 أيام أو أكثر

[أبورامي]

كلام سليم
بارك الله فيك

[جنون فـ×ـي جنون]

وش رايكم في ملصق ( استكر) لسيارهـ

كل واحد يحطه في سيارته كذا تنتشر اكثر للي ما يدرون

وجهة نظر

[عمر الأحمد]

خلونآ نحط يدينآ بيدين بعض ونقآطعهم وش الهبآإل بالسعر ذآ

بصرآحة شي لآ يعقل أبد ,,,

ليتكم بس تجزمون وتقآطعونهم

[ام ركوني]

انا اقول الجبن والخبز احسن

[الارض الطيبه]

انا ابشري دجاج ولا عندي نيه اقاطع

[فيتـامين]

اقتباس المشاركة الأساسية كتبها الارض الطيبه انا ابشري دجاج ولا عندي نيه اقاطع

قوي تعجبني
واضح ان عندك راتب يصك بالخمس الاف
عشان كذا ما همك اسعار الدجاج
وش دعوى عاد تهمك؟! ما هو انت ثري وغني وعندك خير والحمدلله



طيب حبيبي يا قلبي انت اذا ما انت مقاطع
عض لك على كيبورد واسكت

[منصوور]

المتزوجين اذا ذاقو السمك ماراح يرجعون للدجاج
ولاتفوتكم الطحينيه
واللي يبي يستانس لايفوتكم فراخة الحمام اما النجدي اووووووووف
يوحشن ياناس مهبولات برضه للمتزوجين ههههههه
غيرو ياناس خلاص بي باي الدجاج
واللي يبي فراخه صح يعلمن خابرن له اعطيه جوال اللي يبيع
مزرعة الجمعه بالغماس
رخيص وكويس

[شهبندر]

المقاطعه مستمره يا جماعة

اصملوا تكفون