[فيتـامين]

السلام عليكم ورحمة الله وبركاته‘

غِبت طويلاً، وعُدت عليلاً، بهمٍ ارقني، كأنها اختي، وليست بأختي، لكن اخوها هو أخي، واغلى من الأخ.
اقولها بالعامية، منتأياً عن الفُصحى، فما جِئت خطيِباً، جئتكم وابحث عن حلٍ للمشكلة هذي:


جاني وما كان على طبيعته، الرجال مهموم اسولف عليه بالمباريات يهرج لي باسعار الطاولات، اقول
له حضرت اليوم للجامعة، يقول لي بس والله ما كنت مشتهي الاكل.
قلت يا فلان وش سالفتك، انت يا تحب، ولا تحب، او انك تحب...
قال مع نفسك، تعرف مالي بالسواليف ذي الله يهديك، لكن هي سالفة بسيطة.
كان وده يتكلم بس ماش الرجال متردد ويبي من يجزمه، لزّمت عليه يعلمني بالسالفة لعلي احصل حل.
وياليتني ما سألته، قال لي:

انه يشك بتصرفات اخته من زمان، كانت ملامح انها بوية وحركات بنات المدارس واضحة عليها،
يقول اجيبها من المدرسة اشم معها ريحة عطر، وجوالها ابن امه يلمسه، مقفل برقم سري ومدري ايش.
وذاك اليوم كانت رايحة للمدرسة واخذت جوالها من دولابها وكان مقفل لولا اني وديته لمحل وفك
لي قفله، دخلت ادور بالاستوديو ما حصلت شي دخلت الواتس اول شي حصلته رقم مكتوب عنده:
حياة الروح، وعلى يلفت انتباهي من بين كل الأسماء كلهن دخلته وياليتني ما دخلته.
كل اللي فيه محادثة مع خويتها بس كلام كان جدا سيء، ومثلا:

كانت البنت ذيك تقول مواقف مع اختي، واختي توافق تقول ايه اذكرهن (وانتم افهمو)
يقول على طول اول ما جت اختي سحبت الجوال منها، وواجهت اختي بالحقيقة، وقالت اختي:
ان البنت مهددتني انها تنشر رقمي لو ما رديت عليها، وتبي تتصل على امي تكذب علي عندها،
وتتهمني بكلام ما قلته، قلت طيب ليش كاتبه اسمها: حياة الروح؟
قالت انها هي اللي طالبته، وتقول صوري لي الشاشة.

قلت طيب توصل فيك التهديد لاشياء قوية؟
قالت اني قلت لها ان اخوي يشوف المحادثات، قالت ازين حتى اورطك باخوك ويقتنع انك كذا.

العائلة هذي طيبة وما هم راعين مشاكل، ولحد يقول لي ارسلها على مستشار اسري ومدري ايش.
انا ابغى حلول حقات عيال شوارع فهمتوا عليه ^_^
لا بجد، لو رحت مستشار اجتماعي يبي يقول: احتضن اختك، وهدأ من روعها، واربت على كتفها، وخلل اصول شعرها بالماء حتى يجف ومدري ايش : )

عاد قلت له أنا فيه حلول طيبة وتبي تعجبك، دام ذيك رافعه خشمها وتهدد:
1- تغد بالخسيسة ذيك قبل ما تتعشى فيكم، اضبطها بمحادثة صوتية وارسل نسخة منها لاخوها.
2- افتح لك حساب بتويتر وقل انك انت بنت فلان الفلاني وهذا رقم الجوال، وعط الشباب رقم جوالها، لو كان من شات راح يشكون بعض الشباب بالسالفة، بس بتويتر، وحاول انك ما تعطيهم وجه بالبداية بس بعدين عطهم وجه، حتى يجون على وجيههم : )
3- تهديد بسيط بالواتس، يا فلانة بنت فلان تراي شايفتس اليوم وانتي طالعة ^_*
وفيه شرايح الحين بدون اسم، يعني حتى الحين ما خلصن الشرايح اللي من دون اسم : )
يعني خل حياتها رعب : )


ادري كلامي كثير بس ماعرف اختصر واتمنى من المشرف ما يحذفه والله العظيم يا سالفة خويي حقيقيه

[إختناق روح ! ~]

انا فتاة واللي اعرفه عن الفتيات اللي يسون علآقات ثنتينهن بأتم الرضا

والحل من البنت نفسه إن اقتنعت ان اللي تسوي غلط بينتهي كل شيء

الله كلن يهديه ويسهل لهم التوبه يارب
وإعقل إن وإيآهه آجل بتفضحون البنت هه
عيب عليكم

[فيتـامين]

اقتباس انا فتاة واللي اعرفه عن الفتيات اللي يسون علآقات ثنتينهن بأتم الرضا

عشان تسذا قلت دخول الفتيات مهم لانتسن انتن اطلاعتسن اكثر على الحادثة هذي

الله يجزاتس خير ياختي ويوفقتس ان شاء الله
انا قلت لخويي قلت معليش بس ان البويه الله يمحقها تهدد اختك ذي قويه والله

وتراي حتى الحين انتظر ردودكم
وترا السالفة ما تسذبت بحرف منها نقلتها من خويي حرف حرف وجبتها لكم
وما ضنتي انه يبي يتسذب على اخته
الله يستر علينا وعليكم يارب

[ياحسافة]

فيه واحد عاقل يروح لصديقة ويكشف له اسرار اخته ..؟؟؟ الله لايبلانا
وفيه واحد عاقل صديقة يشكي له ويجي يكتب في منتدى ..؟؟؟؟؟ الله لايبلانا

نصيحتي لك اطلب حذف الموضوع ، وبالنسبة لحلولك كلها خطأ ..

[فيتـامين]

اقتباس المشاركة الأساسية كتبها ياحسافة فيه واحد عاقل يروح لصديقة ويكشف له اسرار اخته ..؟؟؟ الله لايبلانا وفيه واحد عاقل صديقة يشكي له ويجي يكتب في منتدى ..؟؟؟؟؟ الله لايبلانا نصيحتي لك اطلب حذف الموضوع ، وبالنسبة لحلولك كلها خطأ ..

هذا ماهو خويي يا بعد تسبيدتي
هذا اخوي اللي ما جابته امي
والله اني خابره وحنا صغارين قبل ما ندرس كنا مع بعض
يعلمني باللي ما يعلم فيه اخوه
عاد الغريب سبحان الله صرنا متشابهين انا وياه بكل شي
حتى بالوجه والله اننا متشابهين هههههه

بالنسبه تقول هذي اسرار
ياخوي السالفه تصير اسرار يوم تصير تعرفني
لكن لا تعرفني ولا اعرفك وانا حطيت المشكله ابحث عن حلول وياليت اللي عنده حل يعطيني اياه
الله يجزاكم خير

[عبيد الضلع]

جزاك الله خير
بالتوفيق للجميع اراجوا منكم دعاء لامي بشفاء العاجل

[سعودي نت]

قال تعالى{ يا أيها الذين آمنوا لا تسألوا عن أشياء إن تبد لكم تسؤكم } .
لماذا الاخ العزيز يتجسس على أخته ولم يستر على بنت الناس الثانية فضح بها عندك وانت فضحته هو واخته بالمنتدى
أخي العزيز من خلق الانسان والأخطاء موجوده والذنوب موجوده وهذه مشكله إجتماعية ناقشتها الوزارة لكن كما قالت الاخت البوية اذا لم تجد قبول من البنت لم تكلمها عموما الله يستر عليها وهي يأاخي ماوقفت على البنات شف العيال رح لشارع النهضه تجد شخص عمره بالثلاثين معه بزر عمره 17 سنه ويقول ولد خالتي ولد عمتي هذه المشاكل كثرت بسبب قلة الوازع الديني.
غيروا مابأنفسكم يغير الله مابكم
وحلولك

اقتباس 1- تغد بالخسيسة ذيك قبل ما تتعشى فيكم، اضبطها بمحادثة صوتية وارسل نسخة منها لاخوها. 2- افتح لك حساب بتويتر وقل انك انت بنت فلان الفلاني وهذا رقم الجوال، وعط الشباب رقم جوالها، لو كان من شات راح يشكون بعض الشباب بالسالفة، بس بتويتر، وحاول انك ما تعطيهم وجه بالبداية بس بعدين عطهم وجه، حتى يجون على وجيههم : ) 3- تهديد بسيط بالواتس، يا فلانة بنت فلان تراي شايفتس اليوم وانتي طالعة ^_*

حلولك كلها عدائية وزدت الطين بله انت شخص حلولك غير عقلانية

[فيتـامين]

اقتباس المشاركة الأساسية كتبها سعودي نت قال تعالى{ يا أيها الذين آمنوا لا تسألوا عن أشياء إن تبد لكم تسؤكم } . لماذا الاخ العزيز يتجسس على أخته ولم يستر على بنت الناس الثانية فضح بها عندك وانت فضحته هو واخته بالمنتدى أخي العزيز من خلق الانسان والأخطاء موجوده والذنوب موجوده وهذه مشكله إجتماعية ناقشتها الوزارة لكن كما قالت الاخت البوية اذا لم تجد قبول من البنت لم تكلمها عموما الله يستر عليها وهي يأاخي ماوقفت على البنات شف العيال رح لشارع النهضه تجد شخص عمره بالثلاثين معه بزر عمره 17 سنه ويقول ولد خالتي ولد عمتي هذه المشاكل كثرت بسبب قلة الوازع الديني. غيروا مابأنفسكم يغير الله مابكم وحلولك حلولك كلها عدائية وزدت الطين بله انت شخص حلولك غير عقلانية

يا زينك انت وهرجك يا شيخ
خشمك خشمك يالذيب

يا بعد تسبدي يا بعد تسبدي
خويي يابعدي شاك باخته وتصرفاتها شاك فيها بشكل يعني ما يمكن يصير فيه حسن ظن وتسذا
وبعدين تدري انه ازين شي يلحق المشكلة هذي قبل ما تكبر
لانها يمكن تكبر

وبعدين هو تهمه اخته اكثر من بنت الناس
بنت الناس بالطقاق اهم شي اخته
وبعدين وين المشكله يوم الاخو يقول لاخوه مدري ليش مكبرين السالفه
ياخي تشوف خويي ذا
انا اذكر خواته وهن صغار وكبرنا وكبرو وصارن يتغطن خواته
وش اسوي لكم اذا انتم ماجربتو الخوي الصحيحي

[فيتـامين]

اقتباس المشاركة الأساسية كتبها عبيد الضلع جزاك الله خير بالتوفيق للجميع اراجوا منكم دعاء لامي بشفاء العاجل

يالله يارب ياللي تقدر على كل شي
ياللي بيدك كل شي
يارب تشفي ام عبيد

ويا عبيد وانا اخوك تصدق عن امك
وتصدق
وتصدق
وشف وانا اخوك حقين البلديه وناسن كثيرين تبي تحصلهم فقرا
ولا تنسى تطمنا على امك ان شاء الله

[ورد الربيع]

الحل بالاقناع ان هذا السلوك خطأ وارسال رسائل تثقيفية لانو بعض البنات تصير على وجهها فتدرعم بأي شي ماعندها مشكلة....
وان حصل يعجل تزويجها زين ...هههه لو تدري عني كان تخنقني !!!
واما حلولك فانتبه لاينفذها ...الله يصلح قلوبهن ويردهن للصواب

[فيتـامين]

اقتباس المشاركة الأساسية كتبها ورد الربيع الحل بالاقناع ان هذا السلوك خطأ وارسال رسائل تثقيفية لانو بعض البنات تصير على وجهها فتدرعم بأي شي ماعندها مشكلة.... وان حصل يعجل تزويجها زين ...هههه لو تدري عني كان تخنقني !!! واما حلولك فانتبه لاينفذها ...الله يصلح قلوبهن ويردهن للصواب

تسذا يعني هي مقتنعه ان اللي سوته صحيح
هي عارفه انه خطا
ورسايل تثقيفيه هذي لا صار خويي لؤي واخته فاطمه وابوهم عماد وجنسيتهم سوريه
بس اذا سعودي هو مطلق واخته هيله وهو فهّاد هذولا ما يقتنعون بالحلول السلميه
الله يجزاتس خير ويوفقتس
وحلولي زينات وطيبات لا تغلطون لو سمحتو

[O X Y G E N]

مشكلة بعض المراهقين اذا كان الوحيد بالبيت ، فتجد منه تصرفات همجية ، واشياء يندم عليها بعدين ، فمثل صديق صاحب الموضوع هذا والله ما أمن عليه ولا بريال خبز ..

واحد يروح يتكلم عند اصدقاه عن تصرفات تحصل بالبيت ومن خواته ، وهو لايعلم أن البنت يعيبها سمعتها ، والثاني يرد عليه بأنه يفضح البنت الثانية ، فجالسين يبدو أنهم فاضين والفاضي يعمل قاضي .. والمشكلة على حساب فتيات لابيدهم أي شي والمجتمع مغلق عليهم الأبواب وقدامهم مستقبل وزواج ومايندرى هالموضوع وين يتوقف ..

أخيراً .. لو يتدخل بالموضوع شخص ناضج ويسحب منكم أنتم أجهزة الجوال والكمبيوتر أنت وصديقك لأنكم وباء على المجتمع ولاتعون الأحداث المستقبلية والأضرار التي ربما تلحقونها وأنتم لاتعلمون ..


هل تعلم أن أخت صديقك لاتدخل الانترنت وتشوف الآن كيف اخوها يفضح بها والناس تتناثر موضوعها وتطرح وهي بداخلها تحس أنها اصبحت قضية .. ومن خلال هالأحساس قد تصاب في صدمات نفسية ..

هل تعلم أن صديقتها الأخرى قد من خلال موضوعك ، الي ربما يشاهد منها وأنت لاتعلم بحكم تفاصيل الأحداث ، تستغله وتمارس الضغط عليها أو ربما تلحق الضرر ،

هل تعلم أنه ربما أحد الأشخاص يعرفك بالمنتدى أو يعرف اسلوبك أو بينكم محادثات ويعرف عائلتك ومن تكون ومن خلال معرفتك يعرف صديقك كونه قريب لك وبالجامعة وتفاصيل القصة واضحة وبكذا يتوصل إلى ان صديقك هذا ( له أخت ) كذا وكذا وكذا ..

أخيراً أخيراً أخيراً ..

عرفت الأسباب عندما اوقفت الشركات الغربية ( البلوتوث ) بالأجهزة الذكية كونها تعتبره سرقة ، وياليت لدينا هذه الأحكام ويتم تنفيذها لاي شخص كائن من كان أن يتدخل بخصوصيات الآخرين سواءاً أخ أو أخت ، فالبيوت أسرار مهما كان ..

الموضوع مخالف وفضايح وأطالب بحذفه

[فيتـامين]

اوكسجين اول ماقريت ردك قلت والنعم فيه
بس بعد ما ختمته قلت انت ثاني اكسيد الكربون
انتي ياشيخ مغنسيوم وصوديوم

والاستشاره عاديه وانا انتظرها بصراحه تهدد ^_^

ولا هنت يا ترد رد صحيحي ولا تقضب الباب مني ناقص انا وجع راس
جبت مشكله يعني تحلونها ماهو تسوي لي المثقف اللي يعنني مفقع الدنيا
واذا عندك اعتراض اعترض على المستشارين الاسريين اللي حاطين مواقع والناس يسالونهم على العام
واللي اعترض على البرامج اللي تبث على الهوا مباشره

[فيتـامين]

بقول شي اللي ماعنده حل يمسك الباب ماني ناقص واللي يغلط يتحمل الغلط
والمحترم بحب على خشمه وراسه

تحترمني = احترمك
والسلام