 |
|
|
|
|
|
|
20-01-2013, 09:51 PM
|
#1 |
|
عـضـو
تاريخ التسجيل: Jul 2009
البلد: من عاصمة القصيم بريـــــــــــــــــــــــــــــــــدة
المشاركات: 3,173
|
جبتلكم علوم النفود الكبير وعن الذيب ؟؟!!
 يالله مسهم بالخير حي الله الغالين أعضاء وزوار منتدانا الغالي . حبيت أضع بين أيديكم رحلتي المتواضعة للنفود الكبير وتذكرت أبيات للشاعر ابونعيم عن الشمال يقول فيها نهوى الشمال ودايم فيها نرقب .... خص ليا صارة طعوسه نديـــــه عقب المطر تكثر بها اللــــــب ..... أتصير خيرات أرضها لك جلـيه ((وسلامتكم)) وكانت الانطلاقة يوم السبت30/2/1434هـ من بريدة – الأجفر – تربة حائل – جبلة النفود – الحيانية – بعدها تم الدخول للنفود الكبير بالأتجاه لقليب السبيعي- هجرة الظوي – هجرة رطيان – هجرة نقذه - هجرة حفر النفود – هجرة الرديفة – جبة – العليم – عذفاء – الرمثيات – الحيانية – جبلة – تربة – الزبيرة – البعيثة – قبة – أبا الورود – الأسياح – بريدة وقطعنا مسافة تقريباً 1700كم . ((وكانوا أعضاء الرحلة)) ((الأمير أبوسامي – أبوعلي – الشاعر أبونعيم – محدثكم الطرس ممدوح)) ((وانتم عارفين الحرص على الرفقة الطيبه اللي ترفع الراس شرواكم وكما قال الشاعر ابونعيم)) أشفق وأطالع راعي الطيب بالعيـــــن ..... وآخذ وصاف الجود ولاأحد إحتكرها ومرافق اللي لأظلم الليل يضويـــــــن ..... يضفي على دنيــاي قولــــة قمرهـــا إحرص على الطيب ورافق هل اللين ..... اللي على الرفقه يقوم بعبرهــــــــــــا رفقة هل المعروف دايم عناويــــــــن ..... وإعرف ترى العنوان بان بسطرهـــا مقيولتن قبلي منول وهالحيـــــــــــــن ..... مالك ومال اللي قليل ثمرهـــــــــــــــا رافق هل النخوات جلاية البيـــــــــن ..... محزمك بالشدات حزت خطرهـــــــــا اللي على درب المناعير ماشيـــــــن ..... اللي تقود الجيش لأظلم سفرهــــــــــــا وجنب دروب أهل الشجر والثعابيـن ..... أنصحك لاتمشي وجنب لأثرهـــــــــــا مالك ومال اللي مسمين غاويــــــــن ..... هــذي نصــيحة يالـفتى وإعتــبرهــــــا ((ومحشومين عن البيتين الأخيرات)) وآسف على الإطالة واعذروني على القصور يالغالين ونبداء معكم الرحلة بسم الله مشينا من بريدة بالأتجاه للأجفر  وصلنا مفرق الأجفر  أبشركم الحمدلله وصلنا الأجفر واخذ من الملحمة لحيمة حاشي صغير توه مذبوح    وبعدها توجهنا لتربة حائل مع مفرق قرية المياه بين الأجفر والخوير   الحمدلله وصلنا لتربة  بعد تربة تم التوجه للحيانية    وجلسنا بين جبلة والحيانية لإنتظار بقية الربع وتم نصب الخيمة   تم تصليح القهوة والشاهي وجهزنا الفاكهة تفضلوا يالربع حتى يجهز الغداء وهذا ابوسامي يقهوينا الله يجزاه خير وهذا مقطع فيديو       تفضلوا يالربع على الميسور واعذرونا على القصور الله محيكم  لطفاً ياحلوين عدم الرد حتى يكتمل الموضوع آخر من قام بالتعديل ممدوح الطرس; بتاريخ 20-01-2013 الساعة 10:04 PM. |
|
|
|
20-01-2013, 11:24 PM
|
#2 |
|
عـضـو
تاريخ التسجيل: Jul 2009
البلد: من عاصمة القصيم بريـــــــــــــــــــــــــــــــــدة
المشاركات: 3,173
|
وفي الليل خلينا العشاء خفيف وصلحناه بالطاجن ومكوناته نقاقن دجاج وقرع وبطاطس وكوسة مع قرصان بدال الخبز ياسلام سلم       وهذا فيديو للطاجن لكن الجو بارد واضطرينا نسخن الماء  أصبحنا واصبح الملك لله وهذي لحظة طلوع الشمس    تفضلوا الله يحيكم القهوه والحليب والكليجاء جاهز    بعد الفطور توجهنا للحيانية للتزود بالبانزين والماء لان دخولنا للنفود من عندها بتجاه مارد السبيعي تقريباً 55كم كلاها صحراء لكن قبل نمشي جازلي عرق الإرطى سبحان الله الخالق طالع من الأرض وراجع ثانية     لطفاً ياحلوين عدم الرد حتى يكتمل الموضوع
|
|
|
|
|
20-01-2013, 11:28 PM
|
#3 |
|
عـضـو
تاريخ التسجيل: Jul 2009
البلد: من عاصمة القصيم بريـــــــــــــــــــــــــــــــــدة
المشاركات: 3,173
|
وهذا قصر الحيانية القديم  وبعد انتظار الربع حتى يكون دخولنا جميع وهذي هي الطرق اللي نتنقل فيها بين الهجر والموارد    الربيع بس تشوفه بالمذاري ويقع بين الحينية ومارد السبيعي         ابشركم الحمدلله وصلنا مارد السبيعي وهاذي الاحداثية     لطفاً ياحلوين عدم الرد حتى يكتمل الموضوع |
|
|
|
|
21-01-2013, 12:01 AM
|
#4 |
|
عـضـو
تاريخ التسجيل: Jul 2009
البلد: من عاصمة القصيم بريـــــــــــــــــــــــــــــــــدة
المشاركات: 3,173
|
وبعدها تم الأنطلاق لهجرة الظوي وارطيان وتبعد تقريباً 40 كم  وتغدينا على عجاله لان الوقت ضيقوابشركم الحمدلله وصلنا لظوي وهذي الاحداثية   وبعدها توجهنا لرطيان التي تبعد عنها قرابة 500 م وهذه الاحداثية وتم الصعود لها وهي اكبر من الظوي فيها مدرسة   وسمية رطيان على كلام واحد من اهلها كان على جال البير شجرة ارطاة وهذي صورة للبيل لكن الأن حطو مكين لرفع الماء للخزان  وهذي صورة للمقبرة  وبعدها اتفقنا ان نتجه لهجرة نقذه وتبعد عن رطيان حوالي 20كم لكن الوقت داهمنا وقلنا خلها بكرا وهذا مكان النوم  تفضلوا يالربع القهوة والشاهي جاهزات تبون دله بهيل او بدون هيل وشاهي بسكر او بدون سكر او زنجبيل كلش موجود الحمدلله على النعمة ويجعلنا من الشاكرين  تفضلوا يالربع على الميسور واعذرونا على القصور   أصبحنا واصبح الملك لله تفضلوا يالربع القهوة والحليب جاهز الله محيكم لكن الماء جامد وهذا ابوعلي وابوسامي يوقولون شوفو الثلج   الله يعطيك العافية يالشاعر    بعد القهوة والفطور تم التوجه لهجرة نقذه    لطفاً ياحلوين عدم الرد حتى يكتمل الموضوع |
|
|
|
|
21-01-2013, 12:19 AM
|
#5 |
|
عـضـو
تاريخ التسجيل: Jul 2009
البلد: من عاصمة القصيم بريـــــــــــــــــــــــــــــــــدة
المشاركات: 3,173
|
وحنا متجهين لنقذه وقبل ناصلها تقريباً 5كم عثرت على جرة قلت يالربع عندي جرة تشبه جرة الذيب  ابشركم وصلنا الحمدلله نقذة وتم التوجه لبيت ابوزاهي جزاه الله خير الجزاء على الضيافة ولزمو علينا بالغداء هو واولاده والله رجال شرواكم وسألناه عن جرة الذيب قال البارح ذبحه واحد من الجماعة عند غنمه وقلنا له وينه قال تلقونه على الغضاة بعدها كيلو عنا وبعد الخروج منه تم التوجه للذيب      بعد ذلك تم التوجه لحفر النفود ويبعد علن نقذه تقريباً 95كم وجازلي درب البل وانتم كرامة من وعورة الارض صارت جوادهن مثل سكة كرا ماشاء الله  وحنى متجهين للحفر واجهتنا صعوبة بالصعود ولا صعدن السيرات حتى تم تفريغ بعض من الكفرات وهذا المكان الوعر  وبعد الصعود تم التوجه لحفر النفود لكن صار بانزين سيارتي يالله يوصلني حفر النفود وبعده عنا قرابة 50كم قلنا خلونا ننام قبل الغروب ازيلنا ونعين من الله خير ولصار بكرا يحلها ربك وشوفو جمال الغروب سبحان الله       تفضلوا يالربع الله محيكم على القهوة    لطفاً ياحلوين عدم الرد حتى يكتمل الموضوع آخر من قام بالتعديل ممدوح الطرس; بتاريخ 21-01-2013 الساعة 12:45 AM. |
|
|
|
|
21-01-2013, 01:28 AM
|
#6 |
|
عـضـو
تاريخ التسجيل: Jul 2009
البلد: من عاصمة القصيم بريـــــــــــــــــــــــــــــــــدة
المشاركات: 3,173
|
أصبحنا واصبح الملك لله قمنا الصبحية واثر كلش جامد اشد من امس زجاج وحديد السيارات والأرض والعفش والماء مانستفيد منه حتى خروج الشمس ولازم قبل الليل تدخل ليات الماء علشان ميتجمدن         تفضلوا يالربع القهوة جاهزة هذا ابونعيم يقهوينا الله يجزاه خير    حركنا بعدها لحفر النفود وابشركم وصلنا لرفيقنا ابومناور رجال شرواكم وهو ساكن لحاله على المارد الله يجزاه خير ضيفان الله يبارك بماله وعياله وسألناه عن ايهم اقرب العليم او جبة قال جبة تقريباً 85كم والعليم حول 100كم وهذي احداثية حفر النفود   لقلت للعيال خلنا نروي من المارد لكن وجدنا المفاجأة ماصب الماء قلت لبوعلي شكلة فيه شيء من الداخل مسكر لكن صار الماء متجمد  وبعد ماغلقنا الماء تم التوجه لبيت ابومناور ومن ثم توجهنا لجبة لأن كانت الخطة التوجه لحفر النفود وبعدها العليم لكن لزم نتجة لجبة وبعد قطع تقريباً 35كم اقطعة سيارتي  وتم سحبها لكن الأرض وعره وبعد الأتفاق قال الشاعر انا ادخل لجبة واجيب بانزين قلت اجل انا اصلح الغداء على بال تجي ان شاء الله   لطفاً ياحلوين عدم الرد حتى يكتمل الموضوع |
|
|
|
|
21-01-2013, 01:37 AM
|
#7 |
|
عـضـو
تاريخ التسجيل: Jul 2009
البلد: من عاصمة القصيم بريـــــــــــــــــــــــــــــــــدة
المشاركات: 3,173
|
وهذي مداعبه معها سبحان الله الخالق
 جلس الشاعر قرابة ساعتين ونصف لان المسافه ليست بالسهولة وهذا ابوعلي يترقب ويراسل ابونعيم واقبرنا انه جاء المنقذ بعد الله  هذا المقذ ابونعيم  جزت الغداء على عجالة  وهذا ابوسامي الشقردي يعبي السيارة بانزين  بعدها توجهنا لجبة لكن مرينا الر ديفة لأن الخط يمر فيها وتبداء منها رادمية قرابة 45كم حتى السريع سكاكا - حائل    شوفو وشلون يرعن بعارين اهل النفود من وعورة الأرض  هذي الرديفة وهذي احداثيتها وابشركم بياصلهم الكهرباء     وصلنا الحمدلله جبة وعبينا بانزين واخذنا بعض الأغراض وتم التوجه للعليم ويبعد عنها تقريباً 110كم وهذي احداثيتها   وصلنا مفرق العليم لكن ياجماعة لأحد يدخل معه لأنه تحت الإنشاء المدخل اللي مزبوط هو بعد 20 كم تجيك المحطة ولش فيها   لطفاً ياحلوين عدم الرد حتى يكتمل الموضوع آخر من قام بالتعديل ممدوح الطرس; بتاريخ 21-01-2013 الساعة 01:43 AM. |
|
|
|
|
21-01-2013, 02:00 AM
|
#8 |
|
عـضـو
تاريخ التسجيل: Jul 2009
البلد: من عاصمة القصيم بريـــــــــــــــــــــــــــــــــدة
المشاركات: 3,173
|
نمنا قبل العليم 5كم تقريباً وبعد القهوة والفطور تم التوجه للعليم وتشاهد جبلين العليم واضحه من بعيد  وصلنا العليم وهذي احداثيته   لكن الحفار وش وصله المكان هذا تراه ياجماعة قبل يطلع الخط السريع حق الجوف لكن اتوقع جايبينه من الجوف قطوعة    بعد العليم تم التوجه لعذفاء وتبعد عن العليم قرابة 115كم وابشركم الحمدلله وصلناها وهخذي احداثيتها   وتم التوقف وتغليق المواتر من المحطة  وهذا الطريق كان ردمية جيته قبل كم سنة لكن يوم جينا لم عذفاء واثره مزفلت ومن عذفاء لسكاك الجوف 150 كم  بعدها تم التوجه لقرية الجبيله على معتقد كذا اسمها قريبة من عذفاء وبعدها مسحية تقريباً 30كم وبعدين تشبك بخط الحيانية وقيصومة فيحان   وبعد المشوار جلسنا نتغداء تفضلوا الله محيكم واعذرونا على القصور الطبخ عجله   وأسف على الإطالة واشكركم على حسن المتابعة ومروركم الذي زاده عطراً وحبيت اذكركم لآتنسون الدعاء لأخواننا المسلمين في الشام ومالي وفي كل مكان اقل القليل نقدمه لهم ركعتين في جوف الليل بالدعاء لهم |
|
|
|
|
21-01-2013, 02:08 AM
|
#9 |
|
عـضـو
تاريخ التسجيل: Feb 2004
البلد: مدينة بريدة
المشاركات: 557
|
والله ضيقت صدري ..
ما وافاكم ربيع أبد ، أو أنتم قاصدين النفود يامال السيل إلا ودي بملقمة اللي غطاها نحاس وين أحصلها .. ــ تقرير رائع بارك الله فيك ــ |
|
|
|
|
23-01-2013, 03:13 PM
|
#10 | |||||||||||||||||||||||
|
عـضـو
تاريخ التسجيل: Jul 2009
البلد: من عاصمة القصيم بريـــــــــــــــــــــــــــــــــدة
المشاركات: 3,173
|
هلا ومسهلا
حي الله رولكس بيض الله وجهك بالطاعة على المرور وماعليك زود وكلامك صحيح ربيعة خفيف الملقمة من حائل تفصيل خاص بقيمة 1200 ريال ولا تحرمنا من الطلة الحلوة |
|||||||||||||||||||||||
|
|
|
|
23-01-2013, 03:59 PM
|
#11 |
|
عـضـو
تاريخ التسجيل: Sep 2011
البلد: بـ بيتنا
المشاركات: 486
|
مشاءلله راعي رحلات
|
|
|
|
|
26-01-2013, 09:48 PM
|
#12 | |||||||||||||||||||||||
|
عـضـو
تاريخ التسجيل: Jul 2009
البلد: من عاصمة القصيم بريـــــــــــــــــــــــــــــــــدة
المشاركات: 3,173
|
هلا ومسهلا
حي الله ابوعلوش بيض الله وجهك بالطاعة على المرور وماعليك زود ولا تحرمنا من الطلة الحلوة |
|||||||||||||||||||||||
|
|
|
|
24-01-2013, 04:32 AM
|
#13 |
|
عـضـو
تاريخ التسجيل: Jun 2009
البلد: كـان ... قـــلــبــه ... موطنـــي !!
المشاركات: 136
|
.. ماشاء الله دائما تقريرك حلو .. وتونس .. ربي يعطيك العافيه ..
.. بس كيف فيه ناس عايشه في هالهجر .. كيف هي حياتهم .. احسها صعبه .. احسهم يفتقرون لاشياء كثيره .. .. الله يعينهم .. تقبل مروري |
|
|
|
|
09-02-2013, 02:40 PM
|
#14 | |||||||||||||||||||||||
|
عـضـو
تاريخ التسجيل: Jul 2009
البلد: من عاصمة القصيم بريـــــــــــــــــــــــــــــــــدة
المشاركات: 3,173
|
اشكرك اختي على المرور المحترم
وابشرك كثير منهم دخلو المدن اللي حولهم لأن الوظايف والمدارس اجبرتهم |
|||||||||||||||||||||||
|
|
|
 |
| الإشارات المرجعية |
|
|
النمط المتشعب
