[شبَ شيبي]

> شب شيبي في شعراتي
وانا للحين في شبابي <

^ فاضت القريحه من بركات شيبي


المهم ما ازيد عليكم

ابي مستشفى يعالج الشيب.؟ والسعر؟
وهل فيه احد مجرب ولا صار اي مشاكل.؟
وش يعطونكم حبوب ولا وش .؟
وهل يتساقط الشعر بوقت المعالجه .؟




شب شيبي

[همـس الرحيـل]

..


مالتس إلا تصبغين بس اكييييد بعيداً عن اللون الأسود لانه مايجوز
وإذا ع الشيب ابو ثلاث سنوات يطلع به

نصيحه لا تقطعينهن ترى يزودن :١١٣:
ولا يضيق صدرك

موفقه يارب ~

[شبَ شيبي]

اقتباس المشاركة الأساسية كتبها همـس الرحيـل .. مالتس إلا تصبغين بس اكييييد بعيداً عن اللون الأسود لانه مايجوز وإذا ع الشيب ابو ثلاث سنوات يطلع به نصيحه لا تقطعينهن ترى يزودن ولا يضيق صدرك موفقه يارب ~

اذبحين ولا اصبغ 😭

معالجتوه معالجتوه الله لا يعوق ب شر 😢

[متأملة......]

هههههههههههههههههههههه

اتحدى احد مافيه شيب الحين

[شبَ شيبي]

اقتباس المشاركة الأساسية كتبها متأملة...... هههههههههههههههههههههه اتحدى احد مافيه شيب الحين

انا شيبي موب معقول موب وحده ولا ثنتين لااا الابيض اكثر من الاسود 😪😢


ابي مستشفى يعالجوه 😔

[شبَ شيبي]

👵👵👵👵👵👵👵👵👵👵👵👵👵👵👵👵

[إنكسار الظل]

.. انتي مثلي .. انا الشعر الابيض اكثر من الاسود ثلاث ارباعه ابيض ..

.. بس انا جاء فجئه اول اسود عادي وفجئه انغسل غسل ..

مالقيت اي شي يبعده غير الصبغات .. مالنا غيرها وش نسوي ..

حتى الحنا مانفع يصير كانه لمبه برتقالي ..

الله يعين ..

[شبَ شيبي]

اقتباس المشاركة الأساسية كتبها إنكسار الظل .. انتي مثلي .. انا الشعر الابيض اكثر من الاسود ثلاث ارباعه ابيض .. .. بس انا جاء فجئه اول اسود عادي وفجئه انغسل غسل .. مالقيت اي شي يبعده غير الصبغات .. مالنا غيرها وش نسوي .. حتى الحنا مانفع يصير كانه لمبه برتقالي .. الله يعين ..

لااااااا مستحييييل اصبغغ
اولا \ انا وحده اموت ع شي اسموه حنا و على ريحة الحنا
يعني مستحيل اصبغ

ثانيا \ شعري موب ناعم قوه ف لييش اتعبوه بالصبغات وهالكيمايات

ثالثا \ انا للحين صغيره عمري بالطعشات توي ع الصبغات واخرابيط

وان شالله نلقى من يفيدنا

[بكرا أحلى]

هالحين الاطفال شب فيهم الشيب الله يكفينا الشر مالك الا صبغات طبيعيه

[شبَ شيبي]

اقتباس المشاركة الأساسية كتبها بكرا أحلى هالحين الاطفال شب فيهم الشيب الله يكفينا الشر مالك الا صبغات طبيعيه

لا فيه شي اسموه معالجه
لان الشيب ينتج عن نقص فيتامين بس وشو الفيتامين مادري

[رباه فرجك]

اقتباس المشاركة الأساسية كتبها شبَ شيبي لا فيه شي اسموه معالجه لان الشيب ينتج عن نقص فيتامين بس وشو الفيتامين مادري

روحي للمستشفى اسأليهم عن النقص وعلمينا ,,,,,,,

[بنت ابو راشد]

انا من الثانوي فيني شيب وتعودت اصبغه بنفسي دورت كل شي ما فاااد
في حجر الحنا تحطينه مع الحنا يطلع الشعر لوون واحد ويجلس شهر كامل
طبعا غامق انا جربه حلو مو شين بس انا ما احب الحنا

[شبَ شيبي]

اقتباس المشاركة الأساسية كتبها بنت ابو راشد انا من الثانوي فيني شيب وتعودت اصبغه بنفسي دورت كل شي ما فاااد في حجر الحنا تحطينه مع الحنا يطلع الشعر لوون واحد ويجلس شهر كامل طبعا غامق انا جربه حلو مو شين بس انا ما احب الحنا

شولوه تهلكين شعرتس بالصبغات ترا والله ما يصلح

حجر حنا < كذا اسموه

[ساكن البال]

الشيب وقار