[غزال وان]

السلام عليكم ورحمة الله وبركاته

منطقة القصيم منطقة مشهورة اغلب السياح سواء من داخل المملكة او خارجها اما ان يقصدوها او يمروا بها للوصل لمنطقة اخرى مثل اوقات الحج والاجازات وموسم التمور.

ولها سمعة واسعة في أي مكان الكل يعرفها .

تحتوي على عدة مداخل تربطها بالطرق السريعة .
اذا نظرنا الى بعض المناطق او المحافظات تحتوي على مداخل تعريفية بالمنطقة او المحافظة المقصودة , الا ان منطقة القصيم مهملة المداخل التعريفية الجميلة التي تخبرك وتشعرك انك دخلت او مررت بمنطقة القصيم المعروفة مع الأسف الشديد . من ناحية اخرى نشاهد محافظات المنطقة تحتوي على مداخل جميلة توضح المحافظة المقصودة .

على سبيل المثال :
وانت متجه للقصيم قادم من الرياض تحصل في اللوحة القصيم 99ك بعده تقريبا ام سدرة 17ك ثم بريدة 68ك عنيزة 65 تقريبا . ما فيه لافته (القصيم ترحب بكم) تكون عند ام سدرة لأنها بداية المنطقة.

والا لا يالقصمان منب مزدي بكلامي وش رايكم الموضوع مهممممممممممممممم؟؟؟؟؟

[عيسى مسعد]

,,,,,,,,,,,,,,,,

[متأملة......]

اترك اللوحات شف مداخل المدن الثانية اشجار وثيل وشي يفتح النفس
ومداخل بريدة صنادق وورش........كنك داخل هجرة

[غزال وان]

شكرا . نبيهم يسون أي مداخل بس اهم شيء تفتح النفس
والله نتفشل اذا جاءنا زوار يقولون مانحس اننا داخلين القصيم الا لمين ندخل بريدة

[عبدالله]

اتصل بالجهة المختصة إذا أنت صادق

[عادل المهدي]

منطقة القصيم جميلة ورائعة وهناك مناطق تحس وانت فيها بأنك في الريف الاوروبي .
ولكن فعلا مداخل مدينة بريدة تحتاج الى نظرة
.

[متأملة......]

يالمهدي ماكانك زودتها حبتين

[عادل المهدي]

اقتباس المشاركة الأساسية كتبها متأملة...... يالمهدي ماكانك زودتها حبتين

اختي متأملة ....
هذا هو انطباعي عن القصيم ولم ازد عما اشعر به وما رأيته من جمال بالقصيم ولكن ..
انا طفت وزرت كل مناطق القصيم وادلك على الطريق الواصل بين طريق ( الرياض - القصيم ) وطريق الملك فيصل من امام المطار وانظري على جانبيه روووعة وخاصة في الربيع وهناك ايضا الكثير

[torki]

عاد تصدق مدخل ( سدير ) أزين من مدخل بريدة .... فعلاً اول ما تدخل بريدة ورش ومحلات مطابخ وحداده
الي يشوف المدخل يقول مدينة صناعية

[الوائلي]

اقتباس المشاركة الأساسية كتبها torki عاد تصدق مدخل ( سدير ) أزين من مدخل بريدة .... فعلاً اول ما تدخل بريدة ورش ومحلات مطابخ وحداده الي يشوف المدخل يقول مدينة صناعية

ههههههههههه اانت يا اما حاقد ولا عديم ذوق انتم تشوفون مدخل المجمعة على يسارك مقبرة ولا يمينك مجمع تصريف المجاري وين الزين به

مدخل بريدة من جمه سريع القصيم الرياض من افضل المداخل اشجار وكباري وجبال منظر بديع

[نجمة الليل،،،]

اهم شي مدخل بريده طريق الرياض السريع كساره وغبار وعشش ورعيان وبعارين وناس مادري وشلون متجمعين تقل داخلين قريه قسم اني افشل

[الوائلي]

اقتباس المشاركة الأساسية كتبها نجمة الليل،،، اهم شي مدخل بريده طريق الرياض السريع كساره وغبار وعشش ورعيان وبعارين وناس مادري وشلون متجمعين تقل داخلين قريه قسم اني افشل

وين الكساره فيه

خشم علي وجبال ومناظر بديعه واودية

الرعيان والبعارين وش فيهن هؤلاء مكملات الطبيعة

احسن من يكون حمير على الشارع زي معظم المدن

[مستر نفر]

ياعزيزي الطاسه ضايعه
المدخل الجنوبي يعدلونه (بالقطاره) فما بالك المداخل الثانية
يعني لاتستعجل ووسع صدرك
فيه ناس اساسا مايهمهم مصلحة المنطقه بشكل عام

[ورد الربيع]

مدخل بريدة للقادم مِـــنْ الرياض يجيب الكآبة .....