[شوق العبدالله]

السلام عليكم

الله يعافيكم ويسعدكم

بشتري لأخوي شيئين وابيكم تساعدوني .. ( عمره 18 )
أبغى اعرف محل او محلات تبيع أشمغه زينه ( ياليت تقولون لي افضل نوع )
والله يكرمكم أبغى محل يبيع جزمات كويسه ( الله يكرمكم )

ساكنه ببريده ماصار لي سنه ومااعرف لها زين ( ياليت تساعدوني )

[شموخ3>]

فيه محل الجبر للمﻻبس اتوقع تلقين اللي تبين عنده وكم ميزانيتك على اساس الميزانية يتحدد احسن شماغ فيه شماغ ب50 وشماغ ب700 وفيه جزم 25وجزم ب600

[شوق العبدالله]

ابيه بحدود 200 او 300

وجزاكم الله خير .

[حربي القصيم]

محل التويجري + آسيآ مقـآبل النخيل بلازا
شماغ آنصحك بـ جيفنشي الجديدة سعرهـآ من 280 إلى 300
والجزمات بنفس المحل راح تحصلي

[دفا..]

اولا وقبل كل شي الشاب هو اللي يختار بنفسه ع ذوقه لانك ممكن تختارين بنفسك وتكون غاليه لكن ماتناسب ذوقه




بالنسبه للجزمات فيه محلات الموسى غالي بس انواعها ممتازه حتى عندهم نسائي الموقع بالصفراء بجوار بيتزا هت وموقع ثاني بشارع الخبيب

ومحلات اسيا عندهم شمغ وجزمات شبابي ورجالي بالصفراء شمال سامره

[شهبندر]

فيه شماغ ممتاز اسمه ( قزّاز) بس مالقيته ببريدة

[شموخ3>]

فيه جفنشي مثل ما قال احد الاخوان وفيه دانهيل وفيه البسام نوع زين ب220 والجزم عاد اكيد تعرفين ذوقه اذا كنت بتروحين بنفسك والله اني احس بحيرتك وودي اساعدك بس هذا اللي اقدر عليه والشباب اليوم ما يعجبهم شيء لذا ï»»تنصدمين

[O X Y G E N]

ماشاء الله ، اخوان يتهادون ومفاجئات ، صراحة بادرة جميلة ورائعة وأول مره اشوف كذا .. عقبالي .. نجي للموضوع ..

على فكرة الجفنشي حق الي مالهم اسبوعين فاهم بالموضة ، يعني صراحة شماغ بايخ وأشوف الناس مكثرة منه ، يسمعون بشي اسمه " جفنشي " وأي شي يحطون عليه ستكر ماركة مع الخلف يلبسونه حتى لو كانت " خيشة " .

الزبدة .. افضل شماغ الآن ولايزال يتصدر القائمة ومعمول له مختبرات من نواحي كثيرة أنه مايتغير ولونه ثابت ولو يلبسه سنة قدام يتضح كأنه جديد .. والدراسات تثبت ذلك ..

واكيد طبعا اسمه نادر هذا لأنه لايوجد للشركة فرع ببريدة نهائي ويطلب طلبية عن طريق الشركة .. ولكن اتصلت بالشركة وقالو فيه احتمال نرسل لمحل التويجري الي قبال ( العثيم حالياً ، بركتين سابقاً ) عند دوار النهضة ونعرض عنده .. ولكن مدري هل الآن موجود عند التويجري أو لا ..

سعره 295 .. أسمه كلوب ريفيرا .. اختاري نوع ( سمارت ) مناسب للشباب ..

وهذا الموقع حقهم .. وعلى فكرة عنده غير الشمغ ..

http://clubrivera.com/page/List.aspx?cid=48

وعلى فكرة يعني ترى ممكن تشترين بـ 295 .. عدد ست أشمغة / يعني شوفي اخوك هل هو من النوع الي يهتم في الشماغ وكذا ولا يحب التغيير ..

.. أما بخصوص الاحذية

ترى عاد مو مهمة للشباب بشكل عام ، يعني مو زي النساء الموضوع يحتاج دقة ، ولكن أنا أفضل ماركة ( تومس ) ولكن سمعت بالاونة الآخيرة أنه يدخل ضمن صناعتها .. الخنازير .. والله أعلم .. وايضا الجزمات لها دور في شخصية الشخص ، هل هو رسمي تاخذين جزمات رسمية هل طويل أو قصير و و ...

[شموخ3>]

احس اننا صعبنا عليك الموضوع بدل مانسهله المهم بما انك مالك ببريده الا سنة ياليت تقولين تجربتك بموضوع الأخ محتار "متردد بين القصيم والرياض"