[ام فيصل 22]

السلام عليكم ورحمة الله وبركاته



خواتي الكريمات


سجلت بالمنتدى عشان ابرء ذمتي والمسلم يحب لاخيه مايحب لنفسه


انا حصلت لي مشكله مع محل دفادف لتنسيق الحفلات وجاني ضغط نفسي من تفشلي امام الضيوف


والسبب من دفادف اضحكو عليه وطاح وجهي اما الضيوف بالوقت الحرج المغرب عند استعدادي لاستقبال ضيوفي بزواج ولدي تفاجات بالاشياء الي طلبتها ماوصلتني مستبدلينها باشياء غير صالحه للاستهلاك البشري مفارش ملوثه دلال ملوثه الطلب غير الطلب الي طلبته


ياخواتي ياخواتي انتبهوو لايضحكون عليكم زي ماضحكو عليه اقسم بررب العزه والجلال اني ماكذب ومعاي العقد والاتفاقيه على عشرين الف وراحت هباء منثورا حسبي الله عليهم ونعم الوكيل حسبي الله عليهم ونعم الوكيل الله يجعل المسؤل يشوفها بنفسه والله لايسامحه ولا يحلله يابنات تخيلو المفارش غير الي طلبتها تخيلو العصير جاي بدون كاسات اخر شي رحت استفزع العيال يجيبون لي كاسات رغم ضروفهم واستقبالهم للضيوف يابنات تخيلو المفارش عليها وسخ وقراطيس شوكولاته من زواج ثاني قاشينها بدون غسيل ومتعفطه في كيس زباله وانتم بكرامه اقسم بالله بغيت انجلط بسببهم وفي الوقت الحرج وماوصلو للقصر الا الساعه تقريبا اربعه والمضيفات ماسوو القهوه الا بعد العشاء وتاخر موب بسيط مرره ووسخ ملابس المضيفات قسم اضحكو عليه الضيوف قالو لي تقولين بعشرين الف وحسب توقعنا وشوف عيوننا مايكلف الفين ريال شي شي شي شي لايصدق واشتكيتهم على وزارة التجاره وراح يطول الموضوع بس انتبهووو من العمااله الغير سعوديات قسم ينصبن علينا يالسعوديات تكفوون خلونا يد وحده ضد العاملات الغير سعوديات وش محرمنا من خير بلدنا وش محرم بلدنا منا ومن تعاوننا مع بعض تكفوون انشرو رسالتي ولكم الاجر والثواب المسلم يحب لاخيه مايحب لنفسه

[لك هاجس الذكرى]

للاسف عندنا تقديس للاجنبي وثقه عمياء فيهم
مع انهم سمعت ان العاملات في المناسبات ياكلون اللي يبي يقدم للضيوف
والناس ساكتين لهم بحكم انهم ضعوف
ولو تقول للاجنبي سو اي شي غير المتفق عليه دبل عليك السعر اضعاف
حنا شعب مغفل للاسف

[ام فيصل 22]

والله ثم والله ثم والله بعد الي حصلي اعترف واقسم بالله اني غبيه وكثير مثلي سعوديات غبيات انضحك عليهن من قبل الاجنبيات لكن انا ام فيصل ماكون بنت رووق اما خذيت حقي وخليتهن عبره لبنات القصيم

[سومي 90]

ههههههه 20 الف تحل مجاعه بالصومال للاسف الاصل بالزواج جمعه الاهل والاصحاب وعشا لكن اللي اشوفه حاليا اسراف وتبذير ترانا اقسم بالله بنحاسب على كل شي لاكن ماقول الا حسبنا الله ونعم ىالوكيل

[torki]

اعرف دفادف - عز المعرفة -

وتأكدي الي صار معك يصير بكثير من المحلات وهذا بسبب أهمال وتعنت بعض العمالة

وياليت بدل ما تكتبي في المنتدى ( كان تواصلتي مع المسئول ( عبدالرحمن ) وانا متأكد الاستاذ عبدالرحمن
راح يعوضك بخير .... عموما انا راح أبلغة بالمشكلة وبأذن الله راح يصحح الي صار

ويضل دفادف أو غيره معرض للأخطاء

دمتي بحفظ الرحمن

[الغلآ~]

حسبي الله ع كل من ضحك ع المسلمين

[عبدالله]

قدمي فيهم شكوى وطالبي بحقك لاتخلين لهم شيئ

[عبدالله الحبيّب]

السعودي ثم السعودي ثم السعودي
لو ادق مشاور ضعف مشاوري بس اشتري من سعودي ابن بلدي
لو ادفع زود مايهمني اهم شي اخدم اقتصاد بلدي
واخذ حاجة مضمون راعيها وهي مضمونه
الله يخلف عليك يا ام فيصل

[الـ،،،ــااهر]

الله يكون بعونك ولازم تكون لهم محاسبه و محاسبه قاسية

[قصيمي حالم]

الله يكون بعونك ..
المفروض تتنبهون من هذه الاشياء

[قصيمي ولي الفخر١]

يعطيك العافيه وماقصررررتي

[الـ،،،ــااهر]

بالتوفيق

[شهبندر]

تقدمي بشكوى ضدهم لوزارة التجارة - الغش التجاري في مبنى الغرفة التجارية قرب قيادة الدوريات

لا تسكتين
ولا تتركين حقك

[محمد الفهيدي]

في كل الأحوال ينبغي دائماً أن لايتم دفع المبلغ كاملاً لبضاعة مشتراة ، أو لخدمات مقدمة ، وإنما يكون دفع مقدماً فقط . لأنه للأسف في حال تقديم كامل المبلغ لذلك ، يدفع للتراخي في عملية تقديم الخدمة ، وهذا يحدث كثيراً عند ( الوافد) خاصة، فهو أول ماتدخل للمحل - أياً كان - يتلقفك بترحاب وإحترام ويسير أمامك في كل زوايا المحل ، وبعد أن تنتهي من ذلك ، وتدفع المبلغ كاملا ًمقابل حجز خدمة أو بضاعة ، ينتابه البرود واللا إهتمام . لتأتي بعد ذلك مرحة المماطلة ، فإذا كنت طالباً لبضاعة يماطلك في خدمة التوصيل أو الإنجاز ، وإذا كانت تقديم خدمة فيسري عليها نفس الأمر ، فهو يعرف أنك لن تستعيد مادفعتة وسترضى بالواقع عندما يتحجج لك بإنظمة الشركة أوالمؤسسة التي تشتري منها البضاعة أو تطلب منها تقديم الخدمات ، ولذلك ينبغي دائماً عدم إنتهاج طريقة الخلاص من هم دفع المبلغ بحجة الصرف أو غيره ، ويجب لجم هؤلاء بما يسوقهم لأداء عملهم وفق المطلوب وذلك من خلال حجز الجزء الأكبر من مبلغ تقديم الخدمة أو البضاعة حتى يقدموا خدماتهم وفق المطلوب ، وإلا إقتصاص ذلك من الثمن ، وسترون النتيجة ، حيث لن ينتهي الإهتمام والإحترام إلا بعد أن ندفع لهم آخر ريال ، وهذا القانون البديل للبلد التي يحدث فيها مثل يحدث لدينا ، وتعيش بطيبة وحسن نية مواطنيها مثلنا طبعاً!!؟؟