[. : بدون اسم : .]

بسم الله الرحمن الرحيم


كيف ترفع حرارة ادارة المنتدى والمشرفين..بدون غازولين

السلام عليكم ورحمة الله وبركاته

عزيزي العضـو اللي مخربها اللي وده يرفــع ضغــط الإدارة والمشرفيــن... يتبـع التعليمــات التاليــه وسيجـد نفســه


مطــرود مع التحيه

ماعليك الا انك تسيخ اذانك وتفتح معي كويس .. وانا اظمن لك كل شي مع قطع الغيار ,,
وكــل شي موضـح بالأمثــله لتسهيــل استخـدامهــا:

1) أدخــل اي منتدى واكتب أي موضــوع مال امه دخــل في هالمنتدى >> الموضوع في وادي والمنتدى في وادي,,
مثال >> اكتب موضوع رياضي في المنتدى الإســلامي,,
ويفضــل لو تكتـب عليه (( ارجــوا التثبيـت )) يكون لها طعم احسن ,,

--------------

2) خـذ لك موضـوع توه جـديد من أي منتدى >>> انسخـه واكتبـه بإسمك مره ثانيه في نفس المنتدى ,,
ويفضــل تكتب عليـه ((( فكــره جديــده )))
<< هنا المشــرف يـدوخ.... مايدري وين المكـرر عشــان يحــذفه >>

--------------

3) لا تشارك في أي منتدى ولا ترد على أحد .. وبعدين أطلب من الإدارة تحطك عضو فعال وكل يوم أرسل تظلّم
إذا ماعطوك وجه ؟؟
<< صدقني اذا ماقالوا لك اقلب وجهك ... اضمن لك بيرقونك إلى (عضـو غثــه) >>

--------------

4) اكتب موضوع في منتدى الشكـاوي والإقتراحــات (( الفزعــه ياشباب )) >> طبعـا بيجيك المشرف طاير
واكتب في الموضوع (( واحــد صفــر )) وجبمها صـوره واحــد يضحــك ,,
>> في هـذي اضمــن لك البــوز يجي على خشـتك وانت توك تكتب الموضوع >>

--------------

5) شكّك في أي موضوع يـطرح في المنتدى .. في كل موضوع قل (( كأني شايفه في منتدى ثاني))

<< خلي العالم تــفهم أنه مسروق>>

--------------

6) ادخل على أي موضوع مثبت ... وأكتب عليه للرفع,,

<< في هـذي احسن لك تطلع بشويش بكرامتك قبل مايمزعونك >>

--------------

7) حاول ترد على المواضيع القديــــــمه >> طلع الغبار >> والجديده خلها تنزل
<< كذا تقلب القسم حقه فوق تحت >>

--------------

8) شوف لك مشرف أو مشرفه وتلزق فيه.........كل يوم إرسله رسائل خاصه تقـول له

وش رايك في ذاك الموضــوع... احـس انه ماصــل احذفه تكفى ,, ولا ذاك الموضـوع رهيـب ثبته تكفى ,,

<< هنا المشـرف يكره اليوم اللي خلـوه فيه مشــرف >>

--------------

9) دقق في إملاءات المشرفين... ورد عليهم فقط لتصحيح الإملاء ولا تجيب طاري الموضوع,,,

--------------

وعندما تصـل حالة تهـورك إلى درجــة الغليــان فما عليك سوى :

10) عند تعيين أي مشرف جـديد ... أبدا تكلم عن الواسطة وأنه ما يستاهل ولمح أن الإدارة ما عندها سالفة ,,
>> هــذي تغنيــك عن كل الوســائل اللي راحــت
والله يموتون قهر

--------------



لا تزعلون يا أحبابي المشرفين
ياخوفي أني أنا ألي أنطرد وأروح فيها

هع هع هع هع هع هع

مع تحيات كيبوردي الخاص

اخوكم:

. : بدون اسم : .
:D

[الشايب]

هع هع هع هع هع هع هع هع هع
:D

[الهدبه]

يع يع يع يع يع

هههههههههههههههههههههه

[الإعصار]

بالنسبة لي أنا عادي جدا وأتشرف بوجودك




لكن بعد الطرد والهوشة :D :D :D :D :D :D :D



ألف شكرا لك

شوف مدحت يتحمل أو لا

[الكشخة]

وع الوعااااااات






ههههههههههههههههههههههه

[هذا أنـا ... !]

والله افكاااااااااار جهنميه ... مع ان عليه القدم

[سراج الخير]

حلوه

مدحت ما يدخل إلا مره بالاسبوع وهو طاير

[. : بدون اسم : .]

ياهلا والله باشباب

----------------------
الشايب

وش الضحك يادافع البلى تخيل هو يضحك بدون اسنون==>> هههههههههه

واشكرك على مرورك

-----------------------------
الهدبة

والله الضحكات سارت موضه وش الضحك يا كافي وانت ياقلك رئيس عصابة=>>.......

---------------------------------------------------

الاعصار

يا هلا والله بمشرفنا الغالي==>> اتمصلح

اشكرك على الرد

--------------------------------------------

الكشخة

قايلكم الله يكفينا شر الضحكات الى والله ماتدري وين الله حاطة

شكلي ابحط موضوع عن الضحك
واشكرك على الضحكة

------------------------------

الحنون

ماعليك زوود يابعدي

وماشفت شي
تحيتي لك

------------------------

سراج الخير

يا هلا والله

انت الحلو يا غالي

وش المطلوب من مدحت ؟؟



ولردود بقية=>> ههههههههه




مع تحيات كيبوردي الخاص

[الوافي]

كح كح وش هالغبار
ههههههههههههه

[. : بدون اسم : .]

سلامات اخوي الوافي

بك ربو راح لقرب مستشفى يعطوونك بخاخ بف باف وشراب

قايلك لاعمرك تقرب لشايب تراه مغبر والغبار يثير الحساسية

طيب وشولة تدخل الموضوع وتكح وتنخم وتطلع تو بغيت ازلق عساك المووووووووووت مع تحيااات شلة الموووت

و كيبوردي الخاص

. : بدون اسم : .

[الوافي]

إلا والله الغبار من الموضوع لإن ماعندكم مواضيع أنت وشلة الهدبة بديتوا تحرثون بالتراث والإرشيف عسى تلقون شيء ينفع بعدين اللي زلقت به عند الباب هذي سعابيل الهدبة من كثر ما يدور بالملفات القديمة .

[. : بدون اسم : .]

يا هدر ياسطل اقول بغيت ازلق يقول زلقت من سعابيل الهدبة


اقول بعدين الهدبة مايسعبل مهب وسخ مثل شلتكم

الى يسعبل الشايب الى عندكم


مع تحيات كيبوردي الخاص

[الوافي]

بشروا عسى لقيتوا شي بالارشيف

[الشايب]

اقتباس المشاركة الأصليّة كتبت بواسطة الوافي 2002 إلا والله الغبار من الموضوع لإن ماعندكم مواضيع أنت وشلة الهدبة بديتوا تحرثون بالتراث والإرشيف عسى تلقون شيء ينفع بعدين اللي زلقت به عند الباب هذي سعابيل الهدبة من كثر ما يدور بالملفات القديمة .

مثل ما تسوي بي