 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
 |
|
|
أدوات الموضوع | طريقة العرض |
|
|
23-03-2005, 04:03 PM
|
#1 |
|
عـضـو
تاريخ التسجيل: Jan 2002
البلد: سويسرا
المشاركات: 553
|
قالوا قصيمي قلت ربعي هل الطيب
هذه قصيدة للشاعر / دخيل الدخيل...
أعجبتني وأزدت أن أشرككم معي فيها.. يقول..........: قالوا قصيمي قلت ربعي هل الطيب ** نعم قصيمي رافع الراس للعال ماني من اللي يمسك الحبل للسيب ** أو يرخص الشيمة لأبوا فلان بريال أنا قصيمي وآل سـعود المعازيب ** وداري القصيم ديرة الجد والخال ديرة رجال حاشت المجد والطيب ** لعل تسقيها المخاييل همال دار النشامى ناطحين المواجيب ** اللي مراجلهم للأجيال ميثال حنا حمينا الدار غصب بلا طيب ** وتاريخنا المشهور باقي ولا زال ويش قال لك العوني وقوله بنا مصيب ** قال الشرف قال الحقيقة والإكمال ما هيب هرجات تردد كاذيب ** لمتخلفين الناس تنشر بالأقوال جماعتي ربعي رفاع المناسيب ** من روس قوم صوتهم جال وجتال سنايدي إلى جاء للصعب طلاليب ** نطاحة الكايد حسيمين الأفعال قطاعة البيداء على شمخ النيب ** وعلى القدم داسوا مصاعيب وجبال ومن ديرة البصرى على الشام تغريب ** مشوه رجليه وهم باشهب اللال هم ربعي القصمان صقور الشخانيب ** أفخر بسمعتهم مع الناس تنقال مسمين الصلعان عصم الأشانيب ** رجالهم يسوى ثمانين خيال أنصار أخو نوره بوقت الصاعيب ** يوم الزمان اللي به السلب وقتال بأفعالهم نفخر وأعلمك يا ذيب ** أصحى تعذربهم نسميك يا حثال قلته عقب ما شفت هرج الكراعيب ** وشفت الأمور اللي قصيرات وهزال من سله كله حثايل زقاليب ** ما يعرف الصالح من الطالح الضال راسي من الضيقة غدا ابيض من الشيب ** ومن بهم فينا على غير مدلال كانك تسب الدين فالسب به عيب ** والدين شرع الله وهو عز وكمال وكأنك تسب الحق وأمرا لمعازيب ** فقلبك مريض وبك عذاريب وخبال والأمر بالمعروف ما به معاييب ** لا والذي نزل تبارك والأنفال ما يرتضي بالجور حتى الخراعيب ** وطيش الكلام الشين للنفس غربال أشكي على أهل العرف حيثه لنا تثيب ** وعلى الرجال اللي يسمون عقال ودي كلام الحق يلفظ من الجيب ** وراعي الخطا يعدل عن الميل لا مال أنشد عن القصمان شبان ومشيب ** تلقى رجاجيل لهم وزن وثقال اللي يعمرون المساجد بترتيب ** وفيها يقرون العقيدة للأطفال ومنهم قضاة تأخذ الحق وتصيب ** حلالة النشبات في وقت الإشكال ومنهم مناديب ومنهم مناصيب ** تسلحوا بالعلم في كل منوال أولاد علي ما بهم شك أو ريب ** تكرم لحاهم عن غلط كل عذال ستر العذاري الخود بيض الرعابيب ** لاجا نهار فيه عج وزل زال دونه نبيع الروح بليا مطاليب ** ونارد حياض الموت في كل أبو حال لا شالوا العصيان شلنا المحاديب *** دون الشرف نزعل ولا نخاف رجال يا معذربين الناس فيكم عذاريب ** ولو تفهمون العيب ما صرتوا أسفال لساني له حدود سواة المشاذيب ** وأدرك عسير القول وأبحور الأمثال مير أستعيب العيب وأدري المناقيب ** والناس ما بيهم يقولون وش قال يالله يا المعبود يا عالم الغيب ** تدفع شرور الناس عنا والأهوال وصلاة ربي عد رمل العراقيب ** على نبي للثقلين مرسال
__________________
آخر من قام بالتعديل صراع الأمواج; بتاريخ 23-03-2005 الساعة 04:11 PM. |
|
|
24-03-2005, 08:18 AM
|
#2 |
|
عـضـو
تاريخ التسجيل: Feb 2005
المشاركات: 186
|
يعطيك العافية
وداري القصيم : وداري بريدة غصب : اتوقع انه من تعديلك وهكذا يجب صوتهم : صيتهم ماأقول إلا تسلم يالذيب وهذه القصيدة رد على من سب بريدة وقصتها مشهورة وهناك أخطاء تطرقت الى بعضها والبعض الاخر أرجو مراجعته وصح لسانك يالذيب |
|
|
|
24-03-2005, 09:00 AM
|
#3 |
|
Guest
المشاركات: n/a
|
حلوة وقررت أحفظها
تسلم ذخر... |
|
24-03-2005, 09:58 AM
|
#4 |
|
عـضـو
تاريخ التسجيل: Feb 2004
المشاركات: 100
|
اوووووووووووووه ... والله روووعه ..
يالمحيميد ... شكلك خبره بذولي ... ان كان هذا .. فابغاك تجيب القصيده ...اللي مطلعه قالت قصيمي قلت فخر ومعزه الله /// الكرم .. والجود ... ومادري وش بعده قالت قصيمي .. قصدها بي تهزا /// مادريت اني بافتخر ......... .. "" ا تكفى جبه لنا آخر من قام بالتعديل الـصـارم; بتاريخ 24-03-2005 الساعة 10:10 AM. |
|
|
|
24-03-2005, 03:11 PM
|
#5 |
|
مجرد عضو ..
تاريخ التسجيل: Nov 2002
البلد: في بريدة دار العز ,,
المشاركات: 5,389
|
وهآنذا ( أتليقف ) وأجيب طلب الأخ الحبيب
الصارم في نشر هذه القصيدة ويقال أنها لشاعر يدعى ( محمـــمد التميمي ) قالت قصيمي قلت فخر ومعزة ****** أهل الكرم والعلم والحلـم والبـاس قالت قصيمي قصدها بي تهزة ****** ماتدري اني بفتخر وارفـع الـراس الحمدلله روسنا دوم رزة ****** اللي خلقنـا بـس نحنـي لـه الـراس صافي نسبنا والحسب فية عزة ****** أصل أصيل وفصل والعرق دسـاس أهل الوفاء والدين صافي منزه ****** عن كل ما شاب العقيدة من أدلاس حنا العقيلات انشدي رجال غزه ****** حنا هل الدنيـا وللديـن حـراس حنا سنايد نجد في كل حزه ****** لا خانت حلـوق الرجاجيـل الأنفـاس حنا اجبال يعجز الريح هزه ****** حنا لنجـد حـزام وعصابـة الـراس نارد حياض المرجلات ونلزه ****** ما نمشي دروب الرذيلـه والأدنـاس من يغلط لسانه علينا نجزه ****** واللي يحقر قـدر الرجاجيـل ينـداس منا العدو تكفيه بالعين خزه ****** يقضي عليه الخوف مع كل هوجـاس من ذكرنا في قلبه تثور نزه ****** من طاري القصمان يبـلاه وسـواس نومه كوابيس وروعه وفزه ****** دقت نواقيس الخطر لـه والأجـراس وان هو لقي له من علينا يوزه ****** هون له الصعبات وابليس خنـاس ما يدري انه للمهالك يدزه ****** عجل علي مبناه يمحـي مـن السـاس يا بنت حنا من نخانا نعزه ****** يأمن بنـا الملهـوف وتهابنـا النـاس مرسولنا للخير دايم نكزه ****** ولصرخـة المحتـاج نرخـي الأكيـاس تاريخنا مجد لبسناه بزه ****** نمشي بوسط السـوق ماندحـم السـاس لك ماتركنا بكاس الأمجاد مزه ****** واجد عليك ومثلك حثالـة الكـاس وش جاب حر الطير لفريخ وزه ****** منهو يساوي جوهر الماس بنحاس لا تحسبين انك لنا مستفزة ****** وش يأخذ البعوض من ريش قرنـاس |
|
|
|
24-03-2005, 03:43 PM
|
#6 |
|
عـضـو
تاريخ التسجيل: Feb 2005
البلد: واحة النجوم
المشاركات: 3,304
|
هلا بيك
قالوا قصيمي قلت ربعي هل الطيب ** نعم قصيمي رافع الراس للعال قالت قصيمي قلت فخر ومعزة ****** أهل الكرم والعلم والحلـم والبـاس هاتان البيتان تكفيان للفخر مشكورين
__________________
(يابني أركب معنا ) .. لم أعد أكتب بمعرف [ أبوفارس الخالدي ] وذلك لوجود من انتحل هذا الاسم في منتديات كثيرة وهو ليس لي مع فائق الود والتحية . |
|
|
|
26-03-2005, 01:27 PM
|
#7 |
|
عـضـو
تاريخ التسجيل: Jan 2002
البلد: سويسرا
المشاركات: 553
|
المحيميد : صح عليك بس ليش معصب
والله مب أنا اللي كاتبه رح للشاعر وقل له
__________________
|
|
|
|
| الإشارات المرجعية |
|
|
النمط المتشعب
