 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
 |
|
|
أدوات الموضوع | طريقة العرض |
|
|
28-03-2005, 01:55 AM
|
#1 |
|
عـضـو
تاريخ التسجيل: Mar 2005
المشاركات: 826
|
??????????????????????????????????
ام صويلح وام الدحمي ...
-------------------------------------------------------------------------------- ام صويلح:لا اله الا الله ... صويلح .. صويلح .. يالله ياوليدي قم للصلاه يالله طلعو .. صويلح : ياربييييييييييييييييييه اففففففف.. خلين انام ... توي نايم وتصحينن .. اعوذ بالله .. ام صويلح : ياوليدي تعوذ من ابليس وقم يالله ( الصلاه خير من النوم ) .. وه ياربيه يالله .. صويلح :اعوذ بالله خلاص خلاص .. انا ناوي اصلي خلاص يكفي .. ( انما الاعمال بالنيات ) يمه .. ام صويلح : خزاك بس اقول تفسر على كيفك .. قم بس عطيناك وجه .. صويلح : افففففف طيب طيب .. ام صويلح : ابو صويلح يالله الله يعافيك الصلاه .. ابو صويلح : زين زين .. ام صويلح : فلت سجيجيدته .. وصلت . صويلح : نام وهو ساجد بالمسجد وفشل ابوه عند الناس . ابو صويلح : وهو راجع للبيت .. اعوذ بالله فشلتنا عند الناس كبر قريح وتنام بالصلاه .. صويلح .: مانمت يبه خاشع الله يهديك . ام صويلح : وش بكم لجه . ابو صويلح : فشلنا ولدتس ذا . صويلح : نام باالصاله . ابوصويلح : رجع ينام بفراشه . ام صويلح : طاقتن تسبده ام الدحمي تبي تفطر عنده اليوم .. عزمت روحه على الفطور . طلع النور .. ام صويلح : يالله صباح خير ....اصبحنا واصبح الملك لله ... دخلت المطبخ وزينت الفطور لأبو صويلح ..همن راحت تقوم صويلح ..... صويلح .ز صويلح .. صويلح : اففففف من ذا العجوز بذتنا .. نعم .. ام صويلح : يالله خزاك طلع النور وانت ماقمت ابوك قاعد يفطر بالصاله .. صويلح : اقول ترانا الخميس لا تلجين راسي مابه لا دراسه ولا صلاه جمعه خير.. ام صويلح : قم افطر مع ابوك .. صويلح : وانا عمري افطرت مع ابوي الخميس. ام صويلح : وبعد الفطور الله يعافيك رح جب لي تميس وفول من الفوال تبي تجي ام الدحمي تفطر عندي .. صويلح : اعوذ بالله .. طيرتي النوم .. ام صويلح : زين دام النوم طار اجل يالله قم وافطر مع ابوك .. صويلح:ماابي افطر غصب هو .. ابو صويلح : صويلح صويلح .. يناديه بصوت عالي صويلح : سم سم ( ايقاللي قايم من زمان ) يركض لأبوه . ابو صويلح: يالله وانا ابوك افطر .. ام صويلح : شالت الفطور وراحت تسبع المواعين .. ابو صويلح : ام صويلح ام صويلح .. اكوي شماغي الله يعافيتس ابطلع عقب شوي ام صويلح : سم سم .. ام صويلح : قضت من المطبخ وابو صويلح طلع وصويلح جاب التميس ورجع ينام .. ام صويلح ك راحت تغير كرتته .. وتعطر عشان ام الدحمي .ز تبي تجيه طلعت وكنست الحوش ورشته وطلعت الفرشه وسوت الشويهي وراحت تلبس .. ام الدحمي : على توقيت جرينتش .. طقت الباب . . ماشاء الله مواعيده مضبوطه .. ام صويلح تدربت مع الدرج .. هلا هلا هلا والله حياتس الله اسفرت وانورت .. ام الدحمي : اعوذ بالله صكن راسي من هالشمس وراتس مافتحتيلي بسرعه ... ام صويلح : بعد شينتن نفستس . ام الدحمي : وش اخباركم وش علومكم وش اخبار ابوكم وصويلح .. ام صويلح : يسلمون عليتس ام الدحمي :الله يسلمتس ويسلمهم .. ام صويلح : راحت تجيب الفطور والشويهي .. حطته وبدو ياكلون .. عاد مع الفطور تحلى السواليف والحش بالعالم .. ام الدحمي : دريتي عن بنت موضي ماشاء الله خطبت .. ام صويلح : ماشاء الله صدز من مين ..؟ ام الدحمي : عزيز ولد ام عزيز .. ام صويلح: ماشاء الله الله يتمم لهم .. ام الدحمي ودريتي بعد عن بنت عاشه .. ام صويلح وشو بعد ام الدحمي : ياعردزي تبي تسافر هي ورجله ويبي يخلون بنيتهم مع عاشه .. واخزياه مايستحون يستانسون وامهم مبتلشه ببنيتهم ... ام صويلح : الله يهنيهم .. ام الدحمي : وش بتس وش هالبرود ماتنقهرين اذا شفتي الناس تسذا.. ام صويلح : وش علينا منهم .. الله يهديتس .. شوفي تبي تحتسين بالناس وش سوو وش جابو ووش قالوا الله يعافيتس اسكتي اخذو كل اجرتس.. ام الدحمي : اعوذ بالله ياام صويلح .. انتي دايم تسذا ما تبردين التسبد زي ام سلطان .. والله ياهي تبرد التسبد .. تجيبين له سالفه تجيب لتس اربع .. ام صويلح اقول ابروح اجيب زود فول قضى .. ام الدحمي : اقعدي بس خلين اكمل لتس السالفه ام صويلح اي سالفه ماشاء الله عليتس على 4 شوارع .. ام الدحمي : اعوذ بالله بسم الله علي اعوذ بالله من شر ما خلق .... اشوني قايلتن اذكاري قبل لا اطلع من داري.. ام صويلح : صكه راسه من كثر سواليف ام الدحمي .. رن جوال ام الدحمي .. ام الدحمي : اهوه فيدي هو اللي يرن ... تعرفين له ياام صويلح .. ام صويلح ايه ولا بعد التنكلوجيا كله اعرف له الله يسلم صويلح .. ام الدحمي : اهوه . الو .. الدحمي يالله يمه انا عند الباب.. ام الدحمي الله يهديك تو ماحلت الجلسه مع خالتك ام صويلح .. وه بس ..منك الدحمي اقول بس انا عند الباب يالله ام الدحمي : اعوذ بالله زين زين .. خوذي يخيتي صكي فيدي مااعرف له .. ام صويلح وش يقول الدحمي.. ام الدحمي يقول اطلعي ام صويلح وبإبتسامه عريضه : صـــــــــــــــــدز ام الدحمي ايه وراتس فكيتي كشرتس يوم جيت اروح .. هــــــــــــاه ... ام صويلح لا ابد بس ضاق صدري .. ام الدحمي ايه ابد ابد .. باين .. ام صويلح يالله مع السلامه نشوفتس على خير ام الدحمي مع السلامه وطخ تصبخ بالباب .. ام صويلح ظفت الفطور وراحت طلعت اللحم من الفريزر للغدا وراحت وغفت له شوي .. ترررررررن تررررررررن .. رن التلفون .... صويلح شين طع على طول ..... الو .. ام الدحمي اقول ياملغك لا عمرك ترد .. وين امك .. صويلح مهب يواطن ام الدحمي ابدددددد .. اعوذ بالله انتي وش تبين تراتس لجيتينا توتس طالعه من عندنا وش تبين .. ام الدحمي : اقول بس اهوه عطن امك صويلح : امي نايمه ادوختي راسه بالسواليف. ام الدحمي : خزاك تراي خالك تخلخلت عظامك .. صويلح اقول بس قوليلي وش تبي وانا اوصله له .. ام الدحمي : سواليف حريم يالخكري .. عطن امك بس .. صويلح : يمـــــــــه ام الدحمي تبيس على التلفون .. ام صويلح : زين زين .. ام صويلح هلا والله ام الدحمي اسمعي بسرررعه اخر خبر .. ام صويلح : بقلبه الله يلجتس .. ام صويلح .. وشو .. قولي ام الدحمي : به عرس عقب باتسر ووصلتن البطاقات ارسلي صويلح ياخذ بطاقتس ام صويلح : ام صويلح ما تحب العروس وصجتهن .. ام صويلح : ماابي بطاقتي مانيب رايحه .. ام الدحمي : اقطعي واخسي الا انشاء الله انتس تبي تروحين قبلي بعد .. ام صويلح تدري ان ام الدحمي تبي تصج راسه الين ماتروح معه فقالت طيب على طول .. ام الدحمي يالله ترسلين صويلح والا ارسل الدحمي .. ام صويلح لا خلاص ابرسل صويلح للبقاله وبالطريق يمركم ياخذه.. ام الدحمي : صــــــــار . ام صويلح لازم تتجهز للعرس . ام الدحمي طلبت له كوفيره خصيصا من الرياض تجيه عشان العرس |
|
|
28-03-2005, 02:35 AM
|
#2 |
|
عـضـو
تاريخ التسجيل: Feb 2002
المشاركات: 260
|
شكر طلع غبااااااااار
|
|
|
|
28-03-2005, 12:45 PM
|
#3 |
|
عـضـو
تاريخ التسجيل: Aug 2003
البلد: الارض الخضراء
المشاركات: 1,115
|
الف شكر على هذه الاسطوره
لك مني الدعاء بالمزيد من الصحه والعافيه
__________________
يامخترع الفياجرا .. يا سيدي المخترع العظيم .. يامن صنعت بلسماً قضي على مواجع الكهولة !! وأيقظ الفحولة !! أما لديك بلسماً يعيد في أمتنا الرجولة !! ------------ غازي القصيبي .. |
|
|
|
28-03-2005, 12:58 PM
|
#4 |
|
عـضـو
تاريخ التسجيل: Feb 2005
البلد: بريده
المشاركات: 736
|
هههههههههههههههه
حلوووووووووووه الله يعينك يا صويلح
__________________
  |
|
|
|
28-03-2005, 02:31 PM
|
#5 |
|
عـضـو
تاريخ التسجيل: Dec 2004
المشاركات: 33
|
جزاك الله خير ..
جميل جداً هذا الأسلوب . |
|
|
|
28-03-2005, 03:14 PM
|
#6 |
|
عـضـو
تاريخ التسجيل: Mar 2005
المشاركات: 826
|
اشكر لكم انتم ........
|
|
|
|
28-03-2005, 03:23 PM
|
#7 |
|
عـضـو
تاريخ التسجيل: Jan 2004
المشاركات: 14
|
أعجبني اسلوبك ............. وننتظر المزيد إلى الأمام
اسلوب قصصي رااااااااائع |
|
|
|
28-03-2005, 03:32 PM
|
#8 |
|
عـضـو
تاريخ التسجيل: Jan 2005
المشاركات: 132
|
الله يعينك يا صويلح!!!!!!!!
أعجبني اسلوبك ............. وننتظر المزيد إلى الأمام باذن
__________________
|
|
|
|
28-03-2005, 04:29 PM
|
#9 |
|
عـضـو
تاريخ التسجيل: Aug 2004
البلد: الفايزية
المشاركات: 1,157
|
كل شيء جميل في المنتدى خصوصاً عندما يكون من مثلك
ولكنه يكون أجمل عندما يكون في مكانه اعتقد أن مكان هذا الموضوع منتدى الطرائف
__________________
شبكة الأفضل الدعوية
|
|
|
|
| الإشارات المرجعية |
|
|
النمط المتشعب
