صرافة الراجحي ... اكلت 1000 ريال مني ؟؟ وش اسوي ؟؟

سليل المجد · 07-06-2005, 12:41 AM

يا جماعة الخير

صرافات الراجحي اسوا صرافات بكل ما تعنيه الكلمة من معنى @@
فقد اكل عليها الدهر وشرب !!

ويصرف منها كل يوم امئات بل الوف الناس ولا صيانه ولا يحزنون

في احد الأيام ذهب لاحد تلك الصرافات الهرمة
وطلبت 1000ريال

انتظرت فاذا بالشاشة تقول خذ النقود ؟؟
انتظرت !!

انتظرت؟؟

وين الدراهم ؟؟

طق طق طق ( مافيش حاجه بس ما اسمع الا طقطقة )

يا الصرافه وين الدراهم ؟؟؟ وين ؟؟

ما فيش ؟؟

ايه انا قلت اكيد ان الصرافه عطلانه ولا فيه شيْ
بعد ما طلعت الورقه

اذا بي اتفاجأ بان الآلف ريال مخصومة من حسابي ؟؟

طيب وين القريشات ؟؟؟

حاولت اسحب مافيش الصرافه عطلانه

ما اقول الا لاحول ولا قوة الا بالله والله يخلف علي

المهم اتصلت على الراجحي بالرقم المجاني وبعد جهد جهيد رد الموظف وبعد عدة تحويلات
قالوا لي انتظر 24 ساعة وراح يرجع لحسابك بعد 72 ساعة مارجع شي
اتصلت مره ثانيه
قالوا رح للبنك وسو مطالبه بالمبلغ رحت للبنك وانتم عارفين مدى الحفاوه والتكريم الي
يلقاها
عملاء البنك على اعلى المستويات طبعا بالسالب ؟؟

من الطرافه ان موظف البنك قال لي ما عندنا اوراق للمطالبه قصدي النموذج ونبي نطلب لك طلبيه من احد الفروع تعالى باسر ( بكره )
جينا بكره

سوينا المطالبه

والحين لي اسبوعين ولا شفنا شي

وش رايكم ياجماعه وش اسوي ؟؟
ولا راحت علي (1000 ريال ؟؟

ولا

ولد_الصفراء · 07-06-2005, 01:00 AM

لاتخاف راح ترجع بس انت متاكد انه ماطلعت هذا اهم شي اكيد صرافة التخصصي دايم تولف

سليل المجد · 07-06-2005, 01:13 AM

الظاهر مهب رجعات القريشات ؟؟
الصرافه الهدره صرافة محطة الرواف عند المحاكم .

ومشكور يا ولد الصفراء على شعورك .

القناص · 07-06-2005, 01:23 AM

طالع في هذا الرابط :

ولا تظن إني سأبث فيك اليأس من إسترجاع
مالك ... لأن هذا حقك

http://www.buraydahcity.net/vb/showthread.php?t=45560

شكرا لك

المحايد26 · 07-06-2005, 01:35 AM

أبشر بطول سلامة سترجع لك أموالك لقد حصل لي مثل ماحصل لك سيتم إسترداد المبلغ لكن راجعهم

سليل المجد · 07-06-2005, 01:34 AM

بئس البنك يالراجحي !!

أكار شوكولانا · 07-06-2005, 01:37 AM

لاتخاف اذالم تصرف لك الماكينه سيعود لك مالك

انا صارت معي وراجعت كشف الحساب لقيته المبلغ معاد الى الرصيد

آسر · 07-06-2005, 01:57 AM

حصلت معي هذه القصة ..

وسحبت مني 700 ريال ..

عندما كنت في بريدتكم الميمونة ..

وما أعرف اسم الصرافة ولا الشارع لأني لست من أهل بريدة ..

لكن المراد هي اللي قدام الأستاذ للكمبيوتر .. لأني شاري لي تسم غريض منهم ..

فذهبت إلى البنك .. وأعطاني الموظف ورقة .. وبعد 72 ساعة .. الفلوس في الصرافة ..

مدري يمكن يحبونن ..

<< وش عليه ياحسرة ..

لكن لا تخاف .. ماضاع حق وراه مطالب .. هههههههههه

ومثل ما قال المحيميد بسواليف .. الحقوق .. تبي حلوق .. طال عمرك !!

والله يوفقك وترجع لك الألف .. لاتنسى تعشينا إذا رجعت ههههههههههه

al7nooooon · 07-06-2005, 02:26 AM

طيب راجعهم ثانية !! خلاص تروح مرة وبس راجعهم وشف وش يقولولن!!

ابوالقعقاع · 07-06-2005, 03:13 AM

أخي هرهور عللللللللللللهم( بتشديد اللام)24ساعه كل ماصرت فاضي ....الصنف ذا مايمشي الاكذا . الهاتف المصرفي.والفرع. واشوا ان المكينه تبعهم والاكان يتعلثون بالمقاصه.. ولاتستعجلون ياجماعه .... البديل قرب ان شاالله لو انه يبي يركز على المقيمين والحوالات السريعة

التويجري · 07-06-2005, 05:09 AM

راح ترجع لك بس طول بالك شوي انا مرة من المراير جيت اتنيذخ على الصرافة

جيت اتذيهن وقلت له افتحي اثمتس وقولي ااااااااااءءءءءءءءءء <<<< (يبي يدخل البطاقة)
بعدين قلت الله لايهينتس ابي مية ريال قالت تف عليك خذ هذي مية ريال قلت هونت منب ماخذه قالت خذ والا اشفطه قلت ياحليلتس تهددين بعد اشفطيه والله العظيم لاروح من ثاني يوم وانشب بحلق عزيز الراجحي الين يصرف لي مليون بدل فاقد <<< يسمع ببطاقة الاحوال

المهم انه زرطته وطلعت لي ورقة الخصم من الحساب قلت هين اوريتس واروح من بكرا للفرع قالوا لازم تسوي مطالبة للصراف قلت نسوي وماله

المهم رصون اسبوع بعدين رجعت المية

وهاذي القصة حقيقية وانا قد قمت بذلك لاعرف كيف يتعامل الصراف مع النقود التي لم يستلمها الصارف حيث انه يبتلعها ويسقطها بصندوق خاص يعرفه الذي يقوم بفتح هذه المكينة والتعامل معها

عدنا والعود أحمد،،،

زييييييييييييطة..!!

وليد الربدي · 07-06-2005, 07:53 AM

هلا اخوي انا اشتغل بمؤسسة النقد بادارة التفتيش البنكي وادارتنا هي المسؤولة عن مثل هالشغلات

شوف يالحبيب خلك من البنك روح لفرع مؤسسة النقد في بريدة بتحصّل عندهم نموذج للصراف عبيه وسلمهم اياه والا افكسه لهالرقم 014662865

واذا تبغى تكلم ادارة التفتيش في الرياض كلمهم على 014662440

والمؤسسة راح تتفاهم مع البنك لكن ترا طول بالك يعني المسالة تاخذ لها وقت لكن انت بنفس الوقت كلم البنك وشوف اللي يرجع فلوسك الاول

واتمنى لو اني في الرياض على راس العمل كان اخذت اوراقك وخلصتك لكن اعذرنا

تحياتي

المتيم · 07-06-2005, 10:47 AM

الله يعينك على ابو رااااااااااجحي
المشكلة أنه هالحين مشغولين كل وقت يعني مهب فاضين لمشكلتك..........................!!!
الله يعوضك.....

سليل المجد · 08-06-2005, 01:50 AM

اشكر جميع الأخوة على تفاعلهم
وبالاخص الأخ ابو خالد وليد الربدي على مشورته اخاف اشتكيهم على مؤسسة النقد ويطينونه معي ابصبر لين اشوف لعل القريشات يجن بدون شكاوي .

07-06-2005, 12:41 AM	#1
سليل المجد عـضـو تاريخ التسجيل: Oct 2003 البلد: بريدة الغاليــــــة المشاركات: 1,796	صرافة الراجحي ... اكلت 1000 ريال مني ؟؟ وش اسوي ؟؟ يا جماعة الخير صرافات الراجحي اسوا صرافات بكل ما تعنيه الكلمة من معنى @@ فقد اكل عليها الدهر وشرب !! ويصرف منها كل يوم امئات بل الوف الناس ولا صيانه ولا يحزنون في احد الأيام ذهب لاحد تلك الصرافات الهرمة وطلبت 1000ريال انتظرت فاذا بالشاشة تقول خذ النقود ؟؟ انتظرت !! انتظرت؟؟ وين الدراهم ؟؟ طق طق طق ( مافيش حاجه بس ما اسمع الا طقطقة ) يا الصرافه وين الدراهم ؟؟؟ وين ؟؟ ما فيش ؟؟ ايه انا قلت اكيد ان الصرافه عطلانه ولا فيه شيْ بعد ما طلعت الورقه اذا بي اتفاجأ بان الآلف ريال مخصومة من حسابي ؟؟ طيب وين القريشات ؟؟؟ حاولت اسحب مافيش الصرافه عطلانه ما اقول الا لاحول ولا قوة الا بالله والله يخلف علي المهم اتصلت على الراجحي بالرقم المجاني وبعد جهد جهيد رد الموظف وبعد عدة تحويلات قالوا لي انتظر 24 ساعة وراح يرجع لحسابك بعد 72 ساعة مارجع شي اتصلت مره ثانيه قالوا رح للبنك وسو مطالبه بالمبلغ رحت للبنك وانتم عارفين مدى الحفاوه والتكريم الي يلقاها عملاء البنك على اعلى المستويات طبعا بالسالب ؟؟ من الطرافه ان موظف البنك قال لي ما عندنا اوراق للمطالبه قصدي النموذج ونبي نطلب لك طلبيه من احد الفروع تعالى باسر ( بكره ) جينا بكره سوينا المطالبه والحين لي اسبوعين ولا شفنا شي وش رايكم ياجماعه وش اسوي ؟؟ ولا راحت علي (1000 ريال ؟؟ ولا __________________ قد يكون وراء الباب الموصد أبواب مفتوحه ..

07-06-2005, 01:13 AM	#3
سليل المجد عـضـو تاريخ التسجيل: Oct 2003 البلد: بريدة الغاليــــــة المشاركات: 1,796	الظاهر مهب رجعات القريشات ؟؟ الصرافه الهدره صرافة محطة الرواف عند المحاكم . ومشكور يا ولد الصفراء على شعورك . __________________ قد يكون وراء الباب الموصد أبواب مفتوحه ..

07-06-2005, 01:23 AM	#4
القناص عـضـو تاريخ التسجيل: Sep 2001 البلد: أرض العلماء !! المشاركات: 1,199	تعليق طالع في هذا الرابط : ولا تظن إني سأبث فيك اليأس من إسترجاع مالك ... لأن هذا حقك http://www.buraydahcity.net/vb/showthread.php?t=45560 شكرا لك __________________ أبوياسر .. أهلاً بكم ..

07-06-2005, 01:35 AM	#5
المحايد26 عـضـو تاريخ التسجيل: Apr 2005 المشاركات: 738	أبشر أبشر بطول سلامة سترجع لك أموالك لقد حصل لي مثل ماحصل لك سيتم إسترداد المبلغ لكن راجعهم

07-06-2005, 01:34 AM	#6
سليل المجد عـضـو تاريخ التسجيل: Oct 2003 البلد: بريدة الغاليــــــة المشاركات: 1,796	بئس البنك يالراجحي !! __________________ قد يكون وراء الباب الموصد أبواب مفتوحه ..

07-06-2005, 01:00 AM	#2
ولد_الصفراء عـضـو تاريخ التسجيل: Sep 2002 البلد: بريــــــــدة المشاركات: 3,533	لاتخاف راح ترجع بس انت متاكد انه ماطلعت هذا اهم شي اكيد صرافة التخصصي دايم تولف

07-06-2005, 01:37 AM	#7
أكار شوكولانا عـضـو تاريخ التسجيل: Feb 2005 البلد: بريده المشاركات: 736	لاتخاف اذالم تصرف لك الماكينه سيعود لك مالك انا صارت معي وراجعت كشف الحساب لقيته المبلغ معاد الى الرصيد __________________

07-06-2005, 01:57 AM	#8
آسر عـضـو تاريخ التسجيل: Sep 2003 المشاركات: 1,739	حصلت معي هذه القصة .. وسحبت مني 700 ريال .. عندما كنت في بريدتكم الميمونة .. وما أعرف اسم الصرافة ولا الشارع لأني لست من أهل بريدة .. لكن المراد هي اللي قدام الأستاذ للكمبيوتر .. لأني شاري لي تسم غريض منهم .. فذهبت إلى البنك .. وأعطاني الموظف ورقة .. وبعد 72 ساعة .. الفلوس في الصرافة .. مدري يمكن يحبونن .. << وش عليه ياحسرة .. لكن لا تخاف .. ماضاع حق وراه مطالب .. هههههههههه ومثل ما قال المحيميد بسواليف .. الحقوق .. تبي حلوق .. طال عمرك !! والله يوفقك وترجع لك الألف .. لاتنسى تعشينا إذا رجعت ههههههههههه __________________ ××××××××× هـــذا التــوقـيــــع :::: إهـــداء مـن أســتـــاذنـــا ( الرزيـــن ) وفـــقــــه الله ::::

07-06-2005, 02:26 AM	#9
al7nooooon عـضـو تاريخ التسجيل: Aug 2003 البلد: يحول ياللي ماله [بريد5]..! المشاركات: 3,881	طيب راجعهم ثانية !! خلاص تروح مرة وبس راجعهم وشف وش يقولولن!! __________________ °•.?.:GooD ByE:.?.•°

07-06-2005, 03:13 AM	#10
ابوالقعقاع عـضـو تاريخ التسجيل: Jun 2005 البلد: مؤقتابين رحم امي ورحم التراب المشاركات: 343	أخي هرهور عللللللللللللهم( بتشديد اللام)24ساعه كل ماصرت فاضي ....الصنف ذا مايمشي الاكذا . الهاتف المصرفي.والفرع. واشوا ان المكينه تبعهم والاكان يتعلثون بالمقاصه.. ولاتستعجلون ياجماعه .... البديل قرب ان شاالله لو انه يبي يركز على المقيمين والحوالات السريعة

07-06-2005, 05:09 AM	#11
التويجري عـضـو تاريخ التسجيل: Dec 2004 البلد: قلب أمي المشاركات: 3,189	راح ترجع لك بس طول بالك شوي انا مرة من المراير جيت اتنيذخ على الصرافة جيت اتذيهن وقلت له افتحي اثمتس وقولي ااااااااااءءءءءءءءءء <<<< (يبي يدخل البطاقة) بعدين قلت الله لايهينتس ابي مية ريال قالت تف عليك خذ هذي مية ريال قلت هونت منب ماخذه قالت خذ والا اشفطه قلت ياحليلتس تهددين بعد اشفطيه والله العظيم لاروح من ثاني يوم وانشب بحلق عزيز الراجحي الين يصرف لي مليون بدل فاقد <<< يسمع ببطاقة الاحوال المهم انه زرطته وطلعت لي ورقة الخصم من الحساب قلت هين اوريتس واروح من بكرا للفرع قالوا لازم تسوي مطالبة للصراف قلت نسوي وماله المهم رصون اسبوع بعدين رجعت المية وهاذي القصة حقيقية وانا قد قمت بذلك لاعرف كيف يتعامل الصراف مع النقود التي لم يستلمها الصارف حيث انه يبتلعها ويسقطها بصندوق خاص يعرفه الذي يقوم بفتح هذه المكينة والتعامل معها عدنا والعود أحمد،،، زييييييييييييطة..!! __________________ آخر من قام بالتعديل التويجري; بتاريخ 07-06-2005 الساعة 05:16 AM.

07-06-2005, 07:53 AM	#12
وليد الربدي عـضـو تاريخ التسجيل: Sep 2004 البلد: Denver - USA المشاركات: 40	هلا اخوي انا اشتغل بمؤسسة النقد بادارة التفتيش البنكي وادارتنا هي المسؤولة عن مثل هالشغلات شوف يالحبيب خلك من البنك روح لفرع مؤسسة النقد في بريدة بتحصّل عندهم نموذج للصراف عبيه وسلمهم اياه والا افكسه لهالرقم 014662865 واذا تبغى تكلم ادارة التفتيش في الرياض كلمهم على 014662440 والمؤسسة راح تتفاهم مع البنك لكن ترا طول بالك يعني المسالة تاخذ لها وقت لكن انت بنفس الوقت كلم البنك وشوف اللي يرجع فلوسك الاول واتمنى لو اني في الرياض على راس العمل كان اخذت اوراقك وخلصتك لكن اعذرنا تحياتي __________________ wrebdi@yahoo.com

07-06-2005, 10:47 AM	#13
المتيم عـضـو تاريخ التسجيل: Apr 2005 المشاركات: 185	الله يعينك على ابو رااااااااااجحي المشكلة أنه هالحين مشغولين كل وقت يعني مهب فاضين لمشكلتك..........................!!! الله يعوضك..... __________________ علمتني الحياة أن الكلمات الصادقة.........ليست دااااائما جميلة وأن الكلمات الجميلة .......ليست دائما صادقة :)

08-06-2005, 01:50 AM	#14
سليل المجد عـضـو تاريخ التسجيل: Oct 2003 البلد: بريدة الغاليــــــة المشاركات: 1,796	اشكر جميع الأخوة على تفاعلهم وبالاخص الأخ ابو خالد وليد الربدي على مشورته اخاف اشتكيهم على مؤسسة النقد ويطينونه معي ابصبر لين اشوف لعل القريشات يجن بدون شكاوي . __________________ قد يكون وراء الباب الموصد أبواب مفتوحه ..