[أبو رياض]

السلام عليكم ورحمة الله وبركاته ..


تحية طيبة وبعد ..


في الجنوب من مدينة بريدة وتحديداً في الحي الـذي يقع غربــاً من مصـرف الراجحي
المـوجـود بطـريق عنـيزة وأنـت باتجــاه جامعة القصــيم ..


كانت لنا هناكـ قصـة
.
.
.
.
.
.
.
طبعاً أنا من سكان ذلك الحـي الراقـي >>> حقدوا بعض ناس :D

في أغلب الليالي إن لم تكن كل ليلة ..

تتكرر أمامي جريمة ..

كان بودي لو أحضرت لكم صوراً لمسرح هذه الجريمة ..

لنجمع معاً على من تقع المسؤلية ..

حيث أن المسؤول ليس شخصاً واحـداً !!

لعلي لا أطيل عليكم بفلسفتي ولأدخل بالموضوع مباشرة ..

ولكن !!

بعد أن أخلع ثوب اللغةالعربية وأرتدي قميص لغتنا المفهومة العامية >>> حقت بريماكس..




كان يوم جمعه خرجت >>> ولا فاصخين ثوب العربية خلاص أمزح ..

كنت طالع مع بعض الزملاء وكان يوم جمعه ..

المهم وأنا راجع للبيت كانت الساعة 11,30 م تقريباً ..

المهم أول مادخلت للحـي الـراقي إلا والله ذاك الغبار تقل الي جانا أمس .. صيغة مبالغة

وش السالفة ياولـد ..

والله العظيم لو تشوفون الي شفته ..

كان تقولون أبد ماحنا بوسط حـي ..

يمكن بالدائري لا بالدائري مايسوون كذا .. بالمقطوع لا لا .. بأشهر أماكن التفحيط بالرياض يمكن ولو إني ماني مقتـنع ..


تفحيط مهوب لم جادة أبد ..

والمشكلة إنك تدور وتلفت وين المرور.. وين الشرطة... وين الدفاع المدني .. وين أي سيارة للأمن ..

والله تقل قاعدين بالربع الخالي ..

وتتصل وتبلغ .. يمكن مشغولين بأمور ثانية .. يمكن عندهم مهمة .. يمكن .. يمكن
وتقعد تعذر وتلعب على نفسك ..

وفي الأخير تتصل .. وتتفاجأ بالرد ..

كم رقم اللوحة ..

ياأخي أي لوحة أقولك مستلمين الشباب وتفحيط وتقولي لوحة ..

الحين أعلمكم ليشششش ؟؟

طبعاً مسلسل التفحيط عندنا اعتدنا عليه كل ليلة ..

بل إني آخذ معي بطاطس ليز وببسي وأقعد أتابع ..

بس أنتظر الحلقة الأخيرة من هالمسلسل الي كلنا ننتظرها ..

وشكلها بتطول ..

في يوم من الأيام كالعادة المسلسل يشتغل والجريمة تمارس ..

قعدت أدور شوي داخل الحـي ..

بغية أن تمر دورية ولو رايح لحادث بالخضر ولا قصيعا ..

أو حتى يكون منتهي دوامه وراجع على سيارته المدنية وعليه البدله
بس نشعر بأمان شوي ...

يوم بلغ الإحباط فيني أشده ..

إلا والله أشوف ذاك الجيب من بعيد لمحت شيء من بعيد فوق التنده ..

دوريات .. دوريات .. دوريات

الله أكبر ..

بدأ يقترب أكثر ..

لاتخافون تظنون أبقول جيب بلدية ولا دفاع مدني ..

لا جيب دوريات فعلاً ..

لكن لو تهج على سيكل أتحداه يلحقك ..

الحمدلله أهم شيء جاء ..

كبست لراعي الجيب الدوريات ..

ماوقف ماأدري خايف ولا ملحوق ولا ... سبحان الله ..

ومن أول السالميةإلى آخره وأنا وراه وتكبيس وأشارات .. عيا يوقف ..

صرنا تقل فيلم أمريكي ..

المهم مادري وش الي جاه ويوقف طبعاً صفطت وراه .... أحلى موقف دوريات ..:D

السلام ..
وعليكم السلام..
كيف حالك يالطيب ..
الحمدلله ..
فيه عندنا بالحارة إزعاج كل ليلة وتفحيط ..
طيب عطني رقم لوحةالي يفحط ونوع سيارته..
سم تفضل ح ر م ؟ ؟ ؟


تدرون وش سوى!!





-الرجال أخذ كرتون الفاين واضح إنه إذا تعدان بيجدعه لأن مافيه ألا منديلين بس -
ويسجل رقم اللوحة ..



خلاص ماقصرت ..
شكراً ..



جاء بكرا .. جاء بعده .. جاء بعده .. وبعده وبعده وبعده .. وجريمة كل يوم تكرر ..


لا بل طالت وزادت ..

أصبح المسلسل يجي بالليل ويعاد الظهر .. والله ماقصروا ما ودهم يفوت أحد ..

بدينا نشوف تفحيط بالليل والظهر عند خروج الطلاب ..

ووينك يالمرور ... ماأدري ..


خلصت قصتـنا ومعاناتنا ..
اللي أتمنى إنها تصل إلى المسؤولين ..

وقريباً سوف يبعث خطاب إلى أمير المنطقة لتوضيح المعاناة ..
بعد أن تفاقمت المشكلة ..


لكن على من يقع اللوم !!!؟؟؟

::: ساحة التفحيط :::

حيث أن المكان واحد ..

المسافة بين المطب الصناعي الي قبل الساحة والي بعدها يمكن تكون 700 متر أو أكثر ..

بينما المطبات الأخرى لا تتجاوز 200 متر - أعني داخل الحي -


آمل أن لا يطول بنا الإنتظار فلقد مللنا من المشهد ..
وبدأنا ننام على أصوات العجلات ..


شكراً لكم ..

أبو رياض
الثلاثاء 29-3-1427هـ
1,11 مساءً

[المستشار]

أبو رياض ..
حي السالمية من الأحياء المنسية من جميع الخدمات ..
ليس الأمنية فقط بل كل شي .. حتى من ناحية التنظيم و إعادة الزفلته ..
و الإنارة و كل ما يخطر ببالك ..


إن كانت القارة الإفريقية تسمى القارة المنسية ..
فاسمح لي أن أسمي حيكم حي ّ السالميّة الحي المنسي ..


كل ما أدخله ، أتمنى لو كانت هناك لمسة إبداعية من المسؤلين ..
عن تطوير هذا الحي و جعله كما تفضلت حيا ً رقيا ً ..



كان الله في عونكم ..

[أبو رياض]

اقتباس المشاركة الأساسية كتبها المستشار أبو رياض ..

اقتباس المشاركة الأساسية كتبها المستشار حي السالمية من الأحياء المنسية من جميع الخدمات .. ليس الأمنية فقط بل كل شي .. حتى من ناحية التنظيم و إعادة الزفلته .. و الإنارة و كل ما يخطر ببالك ..

أبو محمد عاااااد لا تحطم !!

ناقصين فضايح ..

اقتباس الحي المنسي ..

قصدك الرومنسي .. إيه وضح يابومحمد وكم مرة قايل لك غير الكيبورد حرف الراء والواو خربان ..:D

اقتباس

اقتباس كل ما أدخله ، أتمنى لو كانت هناك لمسة إبداعية من المسؤلين .. عن تطوير هذا الحي و جعله كما تفضلت حيا ً رقيا ً .. كان الله في عونكم ..

فيه طريقة يمكن تنفع

يا إما نسكن عندنا في الحي واحد مسؤول كبير

أو نغير اسمه إلى الإسكان رقم 15

شكراً لك حبيب ألبي أبو محمد ..

[الذهبي]

الله يعينكم ؟؟؟؟

إلا وراه ما تصور وتتنج دام مع ولدك اللي بالصوره معه كميرا ؟؟؟

[أبو رياض]

اقتباس المشاركة الأساسية كتبها الذهبي إلا وراه ما تصور وتتنج دام مع ولدك اللي بالصوره معه كميرا ؟؟؟

إن شـاء الله إذا جـت أمـه ..

[المميز للاعلان]

جرائم التفحيط في كل مكان

لاكن اتصل باليوم عشر مرات ولا رح لم الدوريات وتجي معك سياره ةعلمهم وين المكان

[أبو رياض]

اقتباس المشاركة الأساسية كتبها المميز للاعلان جرائم التفحيط في كل مكان

اقتباس المشاركة الأساسية كتبها المميز للاعلان لاكن اتصل باليوم عشر مرات ولا رح لم الدوريات وتجي معك سياره ةعلمهم وين المكان

يابو فارس
لقد اسمعت لو ناديت حياً وميتاً وكل شيء ..
بس
لاحياة لمن تنادي ..

[وليد التميمي]

هلا والله وغلا بالغالي أبو رياض ..

والله ياأخي الكريم أقترح انك تدور لك أقرب فرصة وتدخل على أحد هالضباط اللي مرتزين بمكاتبهم ..

وبرضه مافيه فايدة لأني مرة دخلت على أحد الضباط أمر اهاوش وأقول وين الدوريات عن هالتفحيط اليومي بحي مشعل ..

قال لي بالحرف الواحد ياخي ماحنب فاضين لمثل هالأمور حنا عندنا قضايا أهم من هالخرابيط ..

عندنا جرائم قتل ومخدرات وخطف وووو ... ألخ ..

عاد نسيت أقول له ياخي كلن عطه حقه موب مركز على شئ ومهمل شئ ..

لأنه بالنهاية التفحيط قد يؤدي إلى القتل العمد ..

ايييييه الله يخلف بس ..

لكن لك مرة أتصل من كبينة على 990

وقل فيه ارهابيين بحي السالمية بسرعة تعالوا ..

والله ما تغمض عين إلا عندك ترليون بحث و600دورية و985من المكافحة و121دفاع مدني و6 مروحيات وثلاثطعش دبابة و36إسعاف ..

[شعبوط]

اقتباس المشاركة الأساسية كتبها قلب الذيب لكن لك مرة أتصل من كبينة على 990 وقل فيه ارهابيين بحي السالمية بسرعة تعالوا .. والله ما تغمض عين إلا عندك ترليون بحث و600دورية و985من المكافحة و121دفاع مدني و6 مروحيات و13 دبابة و36إسعاف ..

حلووووووووووووووووووووووه

[أبو رياض]

اقتباس المشاركة الأساسية كتبها شعبوط حلووووووووووووووووووووووه

هلا شعبوط ..
تبي تودينا بداهيه إنت ..
خلنا ساكتين وعسانا نسلم ..

[أبو رياض]

اقتباس المشاركة الأساسية كتبها قلب الذيب لكن لك مرة أتصل من كبينة على 990

اقتباس المشاركة الأساسية كتبها قلب الذيب وقل فيه ارهابيين بحي السالمية بسرعة تعالوا .. والله ما تغمض عين إلا عندك ترليون بحث و600دورية و985من المكافحة و121دفاع مدني و6 مروحيات وثلاثطعش دبابة و36إسعاف ..

هلا والله ابو ميسم أقول وش علوووم العمارة ما طلع لنا شيء >>>ريحة تضييع سالفة :D

[المحترم]

عندي لك حل بسيييييييييييييييط


وهو إنك تبلغ وتقول


في تجمهرغريب

وانا شاك فيهم...........؟؟

[أبو رياض]

اقتباس المشاركة الأساسية كتبها المحترم عندي لك حل بسيييييييييييييييط

اقتباس المشاركة الأساسية كتبها المحترم وهو إنك تبلغ وتقول في تجمهرغريب وانا شاك فيهم...........؟؟

أهلاً بالمحترم ..

أخاف يقولي جب لي أسمائهم ...

[سليل المجد]

السالمية _____________ غبار ________ ؟؟

عبد الصمد!!