[الــنــهــيــم]

.


.


.


بسم الله الرحمن الرحيم ..

حيّ الله الربع كلهم !

هالمرّة .. أبكتب بالعامي .. خل نجدد شوي ..

ليش .. اذا واحد من الناس .. لعب فيه الشيطان .. وخلاه يدحدر شوي ...

و خلاه يحلق لحيته مثلاً .. نجي نصد عنه ؟!

ليش .. نعامله بجفاء ؟!

ليش .. اذا شفناه مقبل .. كشرنا بوجهه !!

والله كــذا .. يا جماعة الخير .. يبي يدحدر زود ..

يبي .. يكره ماضيه السالف .. اللي عاشه بين الملتزمين ..

وما فيها شك .. ان المحبة لهذا الشخص .. تقل .. وربما [ تزول جذرياً ] ..

لكن حااااااول .. بقدر المستطاع .. انك ما تظهر هالشي ..

لانه .. يبي يدمر اخوك ..

اضحك معه .. امزح .. واذا حصل .. تمسك ايديته .. على جنب .. وتقوله .. باسلوب حنيّن ..

يابوفلان .. يا حبيلك .. وراك تسذا .. خربته .. (( والله تأثر فيه وااااااااااااجد .. ))

لكن اللي يحصل الان .. ولانعمم ..

اذا انتكس واحد ..

خلاص .. سهجوه ربعه .. ورفقاه .. واذا شافوه كشروا وصدوا عنه ..

وبدوا ما يتصلون عليه .. ولا يمرونه ..

وهو الان .. بأشد الحاااااااجه لهم ..

كلنا يا جماعة .. عندنا معاصي .. كلنا عندنا ذنوب ..

وربما .. هالمنتكس هذا .. درجته عند الله أعلى منك ..

فتكــفون يا أحبـــــــــــاب ..

خلونا دايم مبتسمين .. ومنشرحه صدورنا ..

مع العربجي .. مع المنتكس .. مع المطوع .. مع الهندي .. مع البنقالي ..

حتى ياخوي ما تنفر الناس عنك .. وعن دين الله قبل هذا ..

واحتسب الاجـــــــــــــــــــــر ..

وتلقى الخير عند ربك ..

يالله .. اشوفكم على خير ..

بمان الله ..

[ولـد الــديــرة]

ربما الفعل والكلام هذا يحصل في مدينة بريده

ولم ألحظه في مدينة أخرى

مشكور يالنهيم على الملاحظة

[الــنــهــيــم]

اقتباس المشاركة الأساسية كتبها ولـد الــديــرة ربما الفعل والكلام هذا يحصل في مدينة بريده ولم ألحظه في مدينة أخرى مشكور يالنهيم على الملاحظة

صدقت ..

أهل بريدة لديهم حساسية زائدة في مثل هذه المواضيع .

شكراً لك .

[برجس]

احسنت
كلام طيب وموفق

هذا والله ما اصنعه مع من اراى عليه تقصير او اخطاء
تجدني اضاحكه واحنو عليه
وبعض المرات اربت على كتفيه
<<< وش عنده الشيخ الوقور؟!!

احبتي الكرام ..

الله الله بالرفق باخوانكم
فوالله انهم على خير مهما ظهر منهم خطأ او وقعوا في معصيه
قابلوهم بوجه بشوش صبوح غير مكفهر
وصدقون يبون يرجعون بحول الله وقوته
بس انتم اصبروا عليهم شوي
وادعوا لهم

[الــنــهــيــم]

اقتباس المشاركة الأساسية كتبها برجس احسنت كلام طيب وموفق هذا والله ما اصنعه مع من اراى عليه تقصير او اخطاء تجدني اضاحكه واحنو عليه وبعض المرات اربت على كتفيه <<< وش عنده الشيخ الوقور؟!! احبتي الكرام .. الله الله بالرفق باخوانكم فوالله انهم على خير مهما ظهر منهم خطأ او وقعوا في معصيه قابلوهم بوجه بشوش صبوح غير مكفهر وصدقون يبون يرجعون بحول الله وقوته بس انتم اصبروا عليهم شوي وادعوا لهم

ماشاءالله عليك يا برجس ..

أنت تحمل قلباً لا كالقلوب ..

شكراً لك .

[د/ المعتصم]

كلام في قمة الروعة أخي الغالي :

أبا معاذ

لعل ردي أجلعه مطابقاً لموضوعك القمة

تصدق عاد أبو معاذ

والله إنه شيء صعب

أحد إخوياي

كان حليق

وكنت أرسله رسائل بطريقة غير مباشرة

وذات مرة

كثر الشعر على خده

فاستانست :D

وقلت :

يا رب لك الحمد

أخيراً

من بكرى

الرجال

حالق

طبعاً أنا كنت ودي أخقله

والله يا أنا حمقت

حسيت إن كل تعبي وكلامي

راح كذا

طبعاً حاولت قدر المستطاع إني ما أظهر له الجفاء

ولكن الرجال

حس :o

أول ما طلعنا من الجامعة

أثره مرسلي رسالة

يقول فيما معناها :

أنه من الصعب أن يقدم على شيء ثم يرجع عنه



موضوع أكثر من رائع


مشكور حبيب آلبي أبو معاذ

[الــنــهــيــم]

اقتباس المشاركة الأساسية كتبها د/ المعتصم كلام في قمة الروعة أخي الغالي : أبا معاذ لعل ردي أجلعه مطابقاً لموضوعك القمة تصدق عاد أبو معاذ والله إنه شيء صعب أحد إخوياي كان حليق وكنت أرسله رسائل بطريقة غير مباشرة وذات مرة كثر الشعر على خده فاستانست :D وقلت : يا رب لك الحمد أخيراً من بكرى الرجال حالق طبعاً أنا كنت ودي أخقله والله يا أنا حمقت حسيت إن كل تعبي وكلامي راح كذا طبعاً حاولت قدر المستطاع إني ما أظهر له الجفاء ولكن الرجال حس :o أول ما طلعنا من الجامعة أثره مرسلي رسالة يقول فيما معناها : أنه من الصعب أن يقدم على شيء ثم يرجع عنه موضوع أكثر من رائع مشكور حبيب آلبي أبو معاذ

ياهلا بالغالي أبوعبدالرحمن ..

لا يا حبيبي .. جهدك ما نقص منه ذرّه .

كل شي .. مكتوب .. وأجرك يصلك كامل ..

إنما عليك البلاغ ..

وفقنا الله واياك ..

وشكراً على ثناءك وحسن ظنك .

[د . قـصـيـمـي]

\/
\/

موضوع حــلــو ..

تشكر عليه يالغالي ..

الله يهدينا وجميع المسمين ..

77
7

[الــنــهــيــم]

اقتباس المشاركة الأساسية كتبها د . قـصـيـمـي \/ \/ موضوع حــلــو .. تشكر عليه يالغالي .. الله يهدينا وجميع المسمين .. 77 7

أنت أحلى يا ألبي ..

الشكر لك على تعقيبك وتشجيعك ..

والله يهدينا مادام يمدينا ..

[الصارم المسلول]

رائع أخي الغالي النهيم

كلام طيب وموفق

تحياتي

[الــنــهــيــم]

اقتباس المشاركة الأساسية كتبها الصارم المسلول رائع أخي الغالي النهيم كلام طيب وموفق تحياتي

الله يجزاك الجنة يا أخي شكراً لحسن ظنك .

[عبدالملكـ]

كلام جميل عزيزي النهيم

[يساوي]

تمشياً مع نمط الموضوع . .

أنا أشوف بأن الدافع للصد عن حالق اللحية ليس تديناً بحتاً بقدر ما هو شي تعودنا عليه . .

لأن العلماء يتفقون على أن حالق اللحية وحط خط تحت كلمة حالق أقصى ما يمكن القول في حقه أنه مرتكب لصغيرة من صغائر الذنوب على اختلاف أما الأخذ من اللحية فبعضهم يلحقه بالحلق وبعضهم لا.

ليش نصد ونكشر بوجه اللي يحلق لحيته ولا نكشر بوجه اللي أخلاقه شينة.
ليش نحاسب اللي يحلق لحيته ولا نحاسب اللي تفوته صلاة الجماعة؟

وعلى هذا قس

حنا معطين اللحية قدر أكبر من اللازم وتلقى الواحد لا قام ينصح أول ما يقول: ألا يتق الله من يحلق لحيته ! سبحان الله.

صار عنوان الالتزام اللحية بينما تفويت الصلاة ما يعني عندنا شي وسوء الخلق وعقوق الوالدين وقطيعة الرحم مع أن هذي هي أكبر الكبائر وموجودة عن كثير من أصحاب اللحى ومع ذلك نعتبرهم أخيار ما عليهم

أدعوكم يا أعزائي للنظر في هذا الموضوع بتجرد .

يساوي

[المسفهل]

كفانا قول النبي صلى الله عليه وسلم :

( تبسمُك في وجه أخيك صدقه ) ..

والإبتسامه أسرع وأعظم بريد للمحبّه .. ولكسب القلوب ..

بارك الله فيك أخي .. وهذي إبتسامه علشان موضوعك ...