 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
| عرض نتائج التصويت: ما رأيكم في القصة ؟ | |||
| ممتازة |
   
|
1 | 25.00% |
| جيدة |
  
|
0 | 0% |
| لا بأس |
  
|
3 | 75.00% |
| المصوتون: 4. التصويت مغلق | |||
 |
|
|
أدوات الموضوع | طريقة العرض |
|
|
22-06-2006, 01:41 AM
|
#1 |
|
عـضـو
تاريخ التسجيل: Jun 2006
البلد: بريدة
المشاركات: 114
|
مجلس ابو وليد للقصص !!!!!!!!!!!!!!!!
نبدأ اول القصص مع قصة فيصل ومهـــا : ــ قصة حقيقية تتحدث عن الحب الحقيقي وضريبته من المشاكل التي يعاني منها العاشق والمعشوق
ضاحي ابو ناصر: يالله ياعيال ...يالله نتعمر عمرة الوداع ورانا درب للكويت...وودي اواصل ... ام ناصر: يالله يامها قومي يسد نوم ...قومي ساعديني على الاغراض مها وهي على فراشها: يمه مالي خلق ابي انام شوي ......تو الناس لاحقين ابو ناصر: مها يابوج متى بتخلين نوم الظهر هذا اللي يتعب الجسم ؟....قومي يالله عاوني امج وفي المغرب تجهزت العائله الكويتيه اللي كانت في زياره للاراضي الطاهره ........وفي طريقها للكويت...... الطريق كان طويل ...وقطعوه بالسوالف والضحك ..... مرت الساعات ثقال وحس ابو ناصر انه تعبان خصوصا انه ماعنده ولد كبير يسوق عنه....لكنه ضغط على روحه علشان عياله اللي اشتاقوا لديرتهم واصدقائهم... الساعه 1 في الليل ..... ام ناصر: مها روحي ورى عند الاغراض وسوي صمون وجبن لاخوانج والله مافيني حيل مها: خليهم يولون توهم ماكلين شيبس وبيبسي ابوناصر: أي والله روحي سويلي انا بعد مشتهي صمونه وجبن من ايدج مها: خلاص زين.... بس عشانك سوت مها لاخوانها وابوها الصمون ونامت ورى بالسوبرمان صارت الساعه 3 وابو ناصر ينعس بشده وماهو قادر يشوف الطريق والعيال كلهم ناموا ....حس الدنيا ظلمه جدامه .... انحرف عن الطريق ومالت السياره حاول انه يسيطر على الموقف وداس على البنزين بقوه وكان هالشي مو من صالحه لانه فقد السيطره وانقلبت السياره عدة مرات ..........وكان حادث مأساوي مضت ثلاث ساعات وكان الشارع فاضي ....ابوناصر وام ناصر والولد الصغير اللي كان بحضن امه على طول توفوا اما الاولاد الاثنين الباقين فكانت حالتهم خطيره ....ومها كانت بغيبوبه والله العالم بحالتها .... مرت سياره من مكان الحادث كان شاب وهو اللي بلغ عن الحادث وشاف مها على بعد خمس امتار من مكان الحادث وكانت جنطة الملابس الكبيره على رجولها ...حاول هذا الشاب انه يساعدها ورفع الجنطه عنها .....فيها نبض ...وصلت سيارات الاسعاف.....لكن متأخره وماتو الولدين وهو في سيارة الاسعاف الجزء الاول : وعت "مها" بنفسها بعد غيبوبه دامت اسبوعين لقت اجهزه التنفس حولها والشاش مغطي جسمها وهي في قلبها تقول :"ياربي شصار؟ كل عظمه بجسمي تعورني !وين اهلي؟؟" ولما التفتت يمين لقت حرمه بجنبها كانت مها ودها تكلم بس الكلام ماهو قادر يطلع منها ... سبقتها الحرمه وقالت : الحمدلله على سلامتك يابنتي انا فاطمه وبنتعرف على بعض اكثر لما تلطلعين بالسلامه انشالله ... في هذه الاثناء دخلت الممرضه المصريه : الحمدلله على السلامه يا مها ايه الجمال ده الله الله اليوم وشك منور تطالعها مها ونظراتها كلها تقول شالسالفه حاولت تنطق تكلمت وبصعوبه : سستر ..وين اهلي...؟؟؟ الممرضه والحيره بوجهها وعلامات الارتباك باينه عليها : هم اهلك !!!حيكونوا بخير طبعا ؟؟انتي خايفه ليه؟ تكلمت الحرمه اللي كانت قاعده : يابنتي يامها انتي عارفه ان الحادث اللي صار لكم مو سهل وهلك مثل حالتك مها: يعني شنو؟ اهلي فيهم شي شصار بالضبط وانا اللحين وين؟ "كانت مها في قمة توترها" فاطمه: انتي اللحين في الرياض ... مها:وشجابني للرياض ؟ اذكر ان الحادث صار في منطقه بعيده عن الرياض !!!! زين وين اهلي وين امي وابوي واخواني فاطمه: قلتلك اهلك مثل حالتك صدقيني وانشالله تشوفينيهم بس مو ألحين مها : ومتى اقدر اشوفهم؟ فاطمه: لما تتحسن حالتك وتبقي اقوى من كذا ؟ مها: زين منو انتي ؟ فاطمه:قلتلك انا اسمي فاطمه اخت فيصل الشاب اللي جابك لحد هنا واذا تبغين.....أي شي اطلبيه مني واعتبريني زي اختك مها: انتي متأكده ان اهلي _سدمافيهم شي .... فاطمه: مها انتي تعبانه الحين ارتاحي خصوصا انك طايحه بغيبوبه من اسبوعين ...ريحي نفسك ولاتفكري كثير سكتت مها وبداخلها خوف كبير بس الالام اللي بجسمها خلتها ماتفكر اكثر الا بنفسها.... خوال مها كانوا كلهم مسافرين لسوريا اصلا هم مجرد ولدين وبنت وعلاقتهم مقطوعه معاهم من زمان لخلافات كبيره بينهم وكان ابوها وحيد امه وابوه اللي ماتوا من زمان يعني ماسأل عنها احد ولا اهتم فيها أي مخلوق، غير فيصل اللي نظر للموضوع نظرة تعاطف مع هالبنت كان فيصل على قد الحال نقدر نقول اقرب للفقر منه للغنى. وهو اللي وداها مستشفى قريب بس المستشفى للاسف كانت امكاناته محدوده بلغ الجهات المختصه وفهمهم ان هو قادر يسفرها للرياض ويدخلها مستشفى خاص ونظرا لان حالتها خطره وماتسمح الانتظار مافكروا كثير ووافقوا بسرعه لان اذا طولوا ممكن تروح فيها البنت، سفرها فيصل للرياض على حسابه الخاص ولما وصل الرياض اخذ سلفه ودخلها مستشفى"دله"الخاص ووقف معها الرجال وقفه مايوقفه احد. بعد اسبوع : كان الحاح مها على الممرضه كبير ...ودايم تسألها عن اهلها ... مها: انتي ليش ماتخليني اروح لاهلي واتطمن عليهم ؟ الممرضه: انتي لسه تعبانه ...تتحسن حالتك انشالله وانا بنفسي حوديكي ليهم مها: سستر انا حاسه بشي مو زين قوليلي اهلي فيهم شي... وفي هذي اللحظه يدخل الدكتور السعودي اللي كان مدين.... الدكتور: الحمدالله على سلامتك يااخت مها ....ابشرك انك اللحين تعديتي مرحلة الخطر وحالتك مستقره مها : دكتور ممكن اعرف شصار لامي وابوي واخواني الدكتور: صح انتي لازم تعرفين عاجلا ام اجلا وان ماعرفتي مني بتعرفين من غيري ــــــــــــــــــــــــــــــــــــــــــــــــــ ـــــ ما رأيكم بالبداية بعدين نجيب التكملة ــــــــــــــــــــــــــــــــــــــــــــــــــ ــــــ
__________________
إن النبيه من يتعلم الحكمة من القنافذ الحكيمة؛
فيقترب من الآخرين اقتراب من يطلب الدفء ويعطيه، ويكون في نفس الوقت منتبهاً إلى عدم الاقتراب الشديد حتى لا ينغرس شوكهم فيه. ولاينغرس شوكه فيهم |
|
|
22-06-2006, 05:02 AM
|
#2 |
|
عـضـو
تاريخ التسجيل: Feb 2006
البلد: جسدي بأرضي هاهنا لكن روحي في السماء
المشاركات: 166
|
قريت هالقصة قبل 7 شهور تقريبا
بصراااااااااااحة انغثييييييييييت قوة بس خيالية فوق اللازم وبه شوي خرااااااابيط احرقته عليك ماعليش
__________________
.......................... مسكين أيها الوطن: يقررون علينا أن نحفظ صباحاً ( ولي وطنٌ آليتُ ألا أبيعه) . . ويبيعونك مساءً في سوق نفط ســــــــــوداء!! .. .. |
|
|
|
22-06-2006, 06:29 AM
|
#3 |
|
عـضـو
تاريخ التسجيل: Jun 2006
المشاركات: 191
|
ياجماعة تلثموا لأن بصراحة الغبار مضر
القصة قديمة كان بإمكانك أن تقول :كان يامكان في قديم الزمان .
__________________
أخذناه من فم الأسد  مرسي أوي ,,,: 12
|
|
|
|
22-06-2006, 06:38 AM
|
#4 |
|
عـضـو
تاريخ التسجيل: Jun 2006
البلد: تحت الظل
المشاركات: 369
|
لاتعليق
|
|
|
|
22-06-2006, 07:38 PM
|
#5 |
|
عـضـو
تاريخ التسجيل: Mar 2006
البلد: سنـام نجـد (بــريـدة)
المشاركات: 322
|
حبيبي/ خالد2006
مشكور على هيك نقل - - - - - - - - - سبق أن قرأت هذه القصة وكانت تقريباً قبل 7 شهور >><<مثل ماقال - نورس البحر- وكانت بواسطة البلو توث عبارة عن ملاحظة.. وتمت قراءتها قرابة 8-9 ساعات عن طرق الجوال.. وقمت بإرسالها لأحد الشباب عن طريق المحمول وكانت عدد صفحاتها 360ص والقصة حليوة بها حرق أعصاب.. والمعذرة إذاكنا أخطأنا على إضافة هذه المعلومات.. يا خالد2006 دمتم بحفظ الله ورعايته ..
__________________
** النجاح ليس بابا تدخله وإنما سلما تتسلقه ** سبحـان الله وبحمده عـدد خلقـه ورضـا نفسه وزنـة عـرشه ومـداد كلماته . |
|
|
|
22-06-2006, 07:53 PM
|
#6 |
|
عـضـو
تاريخ التسجيل: Aug 2004
البلد: Qassim
المشاركات: 2,842
|
عطنا التكمله حنا في الانتضار ..
__________________
إذَا أَنْتَ لَمْ تَعْشَقْ وَلَمْ تَعْرِفِ الهَوَى*** فَقُمْ واعْتَلِفْ تِبْنَاً فَأَنْتَ حِمَارُ |
|
|
|
22-06-2006, 08:32 PM
|
#7 |
|
عـضـو
تاريخ التسجيل: May 2003
البلد: بريدة
المشاركات: 572
|
هذة القصه أسمها ( بشروه أني أبرحل)
أعتقد أن كاتب القصه كويتي .... وذلك واضح من أسلوبه وتفاصيل عذاب ساره مع سالم وكذلك ماحدث مع ساره مع خالد وغيرها من الواقعيه التى تحدث في أرض الكويت
__________________
هلا وغلا :a |
|
|
|
| الإشارات المرجعية |
|
|
النمط المتشعب
