دحيّم الأحول .. سيره ذاتيه من بداية العلاقه .. حتى موته بإذن الله !

مدمن شاهي · 07-07-2006, 01:40 AM

سلام علاكم

وش لونكم ياجماعة الخير .. ؟

أولاً : أعذروني أن شفتوا في موضوعي هذا بعض الحروف مُكرره ... لأنه البارح ( أنكبّ ) الشاهي على الكيبورد ... وصارت بعض الحروف ماتمشي إلا بالدفّ والعين الحمرا .. وماأقدر أفكّ بين الحرف والحرف اللي بعده إلا بمساعده من الأخت : مُدمنة شاهي .. والأخ الأصـــــــــــغر للمُدمن : سويلم !

خامساً : نظراً لطلب البعض من المُزعجين .. قصدي الإخوه على الرسائل الخاصه بالحديث عن طويل الشوارب وكثير السوابق وعظيم المصايب ( دحيّم الأحول ) وتفنيد حياته المُعجزه على أهل الحاره .. لأني دايم أطريه بالخير .. قصدي بالشر في مواضيعي .. وعشان كذا أستغربوا وش هالعلاقه الوطيده الغريبه بيننا << حلوه الوطيده هذي !

دحيّم الأحول ...

آدمي .. بنيّة مجرم قليل خاتمه .. !

أرجوكم لا أحد يقعد يشغلني .. ويقول أستغفر

!

من عاش شاف .. ومن شاف مات قهر !

يعني تصوّروا .. البنت اللي كنت ناويه أزرفها .. قصدي أخطفها .. قصدي أتزوجها من أهلها بنت بن رويسان الأجرب.. يجي من وراي دحيّم هو وعيونه وياخذها " بارده مبرّده " .. لا .. ويروح هو واياها للشرقيه ويجلس معها على الهاف موون .. ويدق علي من جوّاله .. ويقول .. يامُدمن ( تصدق بغيت أغرق في البحر وانقذتني حرمتي ! )

.. ياليتكم غرقتم وفكيتونا بعد من شرّكم بعد !

لا نبعد عن الموضوع .. ثم ماندري عن أنفسنا إلا وانا متعلّقين على جسر البحرين .. هاللي مايمتلي إلا يوم الأربعاء بعد العصر .. ويوم الجمعه بعد العشاء ... شي غريب .. والمعنى في بطن الشاعر !

دحيّم الأحول ..

صديق قديم .. درست أنا واياه في الإبتدائي .. كان من طبعه أن يسرق كل شي .. حتى النعول - الله يكرمكم - اللي عليه سارقها من مسجد الحاره اللي جنبنا .. لأنه مايقدر يسرق نعال من مسجد حارتنا .. لأن كل واحد عارف نعاله صح ! .. حتى إمام حارتنا كان يلبس نعال كبار مقاس 34 لونها بني على أسود .. اليمنى منها منقطع طرفها .. واليسرى فيها أربعة مسامير صغار من كثر الخرز !

كنت أنا واياه نروح المدرسه سوى ونجي منها سوى .. وكان يخاوينا مجموعه من عيال الحاره .. وكنا نتقاسم اللقمه من كثر المحبه والصداقه !

كانت المدرسه مليئه بالمواقف المضحكه والمحزنه والمبكيه .. !

كان دحيّم يتميّز بِحول في عينه اليسرى ... يعني لما يبغى يقرا كتاب تلقاه ( حاذف الكتاب ) كلّه يمين

!

ولما يركب معنا في السياره .. مايجلس إلا يسار .. ولما يمشي معنا دايم يمشي يسار .. حتى في فريق الحاره .. مايبغى إلا جناح أيسر .. عشان يشوف الفريق من يمينه ! .. الله لايبلانا بس !

مره حطيناه حارس مرمى .. وجاته الكوره من يسار ودخلت هدف ومادرى عن الهدف إلا لما شاف الفريق المُقابل فرحانين !

كان يُعاني من اضطرابات جسديه في العاتق الأيمن للظهر .. يعني لما يجلس قدّامي أشوفه يهزّ كان في جلسة طرب !

دحيّم الأحول .. تدرجت في الدراسه أنا واياه للمرحله المتوسطه ... وماقدر يتخرّج منها إلا بالدف وحبّة الخشوم .. !

بعد ماتخرّج من دراسته المتوسطه دخّله أبوه في كليه عسكريه ... وتخرج منها برتبة جندي ركن ! .. ولا قدر يكمّل في العسكريه لأنه ( حول ) ولايقدر يواجه الناس والمواطنينننننننن << ماعليش هذي آثار كيبوردي اللي منكبّ عليه شاهي .. يعني لاتشرهون

!

ترك العسكريه وتوظف في كبينة تلفونات وتركها ... ثم صار يبيع خُضار عند المساجد .. ومسكته البلديه أكثر من مره .. بعدها كره ذيك الشغله ... وراح يشتغل في سرق غازات أهل الحاره وحاول يوضّفني معه فيها .. لكني رفضت هالشي .. ماهو لأنه ( حرام ) ولكن لأن الدخل بيكون ضعيف .. ولاتسوى تعبها

!

مرّت الأيام بدواليها .. وفكرت أنا واياه مثل ماذكرت لكم قبل فتره أننا نتزوّج بالخفيه ونعفّ أنفسنا .. وناخذ أنا واياه خوات بالمسيار ... ونسكنهن في شقة ولد " أبو صعفق " .. وكل يوم يجي واحد لعياله .. والثاني يوقّف على الشارع يسبر لخويه الطريق !

وهذا التخطيط كان من راسي .. لقصد أراه .. لأني كنت ناوي على ( بنت بن رويسان الأجرب ) اللي كانت ساكنه قدّام بيتنا .. ودريشتها على الشارع ! .. وحاولت أني أوهمه أني باتزوج معه بالمسيار !

وبِما أن أبو ( بنت بن رويسان ) تاجر ... واحتمال كبير أني أورثه أنا وبنته ( اللي هي زوجتي ) .. لأن مالها إلا أخو مُعاق والثاني كفيف وتعيبان ! .. خطّطّت ودبّرت أموري .. وعزمت على ذيك ( البنت ) .. ولكن خابت الآمال .. وضاعت الأمور ... وسوّاها ( الحول ) !

يجيني سؤال زي العسل ... ويقول .. وش لون ماقدرت تاخذها وانت مخطّطّ عليها ؟

أقول .. واذا كان دحيّم ( مبيّت النيه ) عليها .. وانه مخطّطّ قبلي أنه يقلب الطاوله ويكب الشاهي على راسي .. !

العلم ومافيه ... أن الرجّال خذها من وراي .. وراح للشرقيه .. ودقّ علي من هِناك يقهرني .. ويقول لي بعظمة لسانه جعلها تقطع ( هاه وش رايك ناخذ مسيار ) !

دحيّم الأحول .. ترتيبه الأول والأخير في البيت من العيال .. يعني مافيه إلا هو وامه وابوه .. يعني هو آخر العنقود وهو العود في نفس الوقت

!

أبوه مايتكل عليه في شي إلا في السرق .. ودايم يكون طفران ومايرد راسه إلا ( لي ) !

زميله الخاص والــ v.i.p .. المُدمن لاغير ! :o

ميزته الوحيده اللي أحب أبيّنها لكم أنه رجّال ونيس ووسيع صدر .. ويحب الهبال .. وعشان كذا أنا متمسّك فيه !

لي إجتماع خاص معه كل جمعه الساعه ( الواحد ليلاً ) عشان نتدارس أحوال الحاره وندرس بعض الحلول لتطوير مشاكلها .. ونشوف لنا حلّ مع هالشيبان وقعدتهم عند النخل من الصبح وحتى مغيب الشمس !

سيارته من نوع قديم .. أخاف أقول لكم كم موديل السياره ونوعها وتموتون ضحك .. خلوا الدعوه ستر فيها أحسن !

بالنسبه لصلاته ... فأنا أشهد له بالصلاة << أمش يامطوّع الحاره ! ..

ماتفوته الصلاة في الجماعه ... دايم يلحق على الركعه الثالثه من المغرب والرابعه من العشاء !

يقدّر عصير التفاح لأنه مايرفع الضغط ... ويحب ياكل شاورما بدون دجاج !

حالياً .. عاطل مع مرتبة الشرف !

ومستقبلاً .. يُخطط على غازات ولد بن هبّاس !

يضلّ دحيّم .. رفيق عِشره .. وياحلالاته يوم يموت وآخذ بنت بن رويسان !

سلام علاكم !

[ مُدمن شاهي ]

N S M H · 07-07-2006, 03:08 AM

أسلوب رائع

بنت الشماسية · 07-07-2006, 03:29 AM

ماشاء الله
خيالك واسع
وإذا مات عطنا خبر نعزيك ونبارك لك بنفس الوقت!!

مرسي أوي · 07-07-2006, 04:07 AM

لكن هالكلام صحيح ولا إشاعه
يعني أنتم كنتم معهم ولا العكس
بمعنى آخر دعيسان مايقدر يخطب بنت هبيس لأن
أمها ميته الله يرحم جميع أموات المسلمين
وسبب آخر أن إبنة العم مأمون مهب صحيحة فلذالك قل الكلام عن إبن هبيشان

عطش الرمال · 07-07-2006, 04:46 AM

هلا هلا بالمدمن

يا خوي أنت وييييييييييين والأحول وييييييييييين <<=== شكل كيبوردي منكب عليه شاهي مثل شاهيك
شوف حبيب أول شي الحمد لله على سلامة الوصول لهالمنتدى بخير
رابعاً يبلغ أمرنا هذا إلى الجهات المختصة ويتم تنفيذه (سعد بن علوش)
ههههههههه

شف الدنيا ما له خاتمه
نهايتها حول لا بغى ينشق يرعص عينه
يعرس على حبيبت مدمن
إيييييييييييه يالدنيا <==== شايب إبو أربع وأربعين رجل أه قصدي سنه

كلك (بلغتي فاصل )
======
تشكرات حبيب ألبي
على هيك موضوع
أن كان هذا من طبعك فحنا من ربعك الكرام الفطاحلي
شف يا بعدي أنت ما سمعت عن المشرف السطحة
هذا مصطلح أطلقناه على حدى هالسطحات ==> لا أحلف
لا قصدي على حدى هالمشرفين
أنت تعرف ألي بمكة يشقلون السيارات
سوى سوى
أعلمك سوف يتم شقل موضوعك الأكثر من رائع
والأحسن قصه بالعالم
لم منتدى سوالف كشكولية
أحلق عيني أللي هذا إستقبال لعضو حبيب ألب زيك مدمناني
أهلين خيو

&&&&&&&&&&&&
أشوف خربطه فوق وشلة تظارب كلمات
لكن يعني تعبير فرحة
أو رد على موضوع
أو أو أو أو أو ====>> تسد لفعت تسلب (كلب) بزنوبا وش يقول أو أو صح

شيكرن يا مدمن
تقبل جغفات خويك غصبن على فرك خشمك <==== تم وضع الأخلاق في قائمة (طـــــز)

تحياتو
مسترعطوووووووووووووووووووووووووووووش = أبوبريدة =

مرسي أوي · 07-07-2006, 07:07 AM

فعلاً صحيح
داء الحول بداء ينتشر بشكل واسع
تقبلوا تحياتي
مسترمرررررررررررررررررررررررررسي أوي = أبو عنيزة

الصارخ · 07-07-2006, 07:48 AM

طيّب دحيم حاليا عاطل ولا يعمل
وأنت ماخبّرتنا عن وظيفتك ...

مدمن شاهي · 07-07-2006, 05:47 PM

N S M H

شكراً لمرورك .. وأسعدني تواجدك

لي عوده مع بقايا رز ... قصدي بقايا نبض !

مدمن شاهي · 08-07-2006, 05:52 PM

بنت الشماسيه

إذا مات أنا اللي ببشّركم

شكراً لمرورك

أبو عاصم · 08-07-2006, 11:13 PM

أسلوب رائع جداً

محمد الشقيران · 09-07-2006, 02:12 AM

اسلوب منتاز . . .

والله وسواليف حركه . . . . <<< غطيت على سواليف نوير . . . . هاهـ تعرفها . . .

ببيب . . . طططط

مدمن شاهي · 09-07-2006, 05:18 PM

مرسي أوي

العلم " صزّ " .. والدنيا تبي والآخره تبي .. والمُدمن ناويها شرّ

<< يارب سترك !

مجنون ليلى · 09-07-2006, 05:49 PM

ماشاء الله
الحقيقه قصه رائعه ومشــــــوقه

والاسلوووووووووووب أفضل وأفضل

مدمن شاهي ممكن طلب؟؟؟؟؟!!!!
انزل
|
|
|
|
|
|
|
|
|
|
|
|
|
|
|
|
|
|
|
|
ممكن جزء آآآآآآخر لدحيم خويك

مدمن شاهي · 10-07-2006, 05:44 PM

عطش الرمال

والله يا أنت بعد زاحف

!

عليك كلام .. فهمت نصفه . والنصف الباقي ( أحسنت النيّه ) فيه .. ومشيته

شكراً على مرورك ...

07-07-2006, 01:40 AM	#1
مدمن شاهي عـضـو تاريخ التسجيل: Jul 2006 المشاركات: 288	دحيّم الأحول .. سيره ذاتيه من بداية العلاقه .. حتى موته بإذن الله ! سلام علاكم وش لونكم ياجماعة الخير .. ؟ أولاً : أعذروني أن شفتوا في موضوعي هذا بعض الحروف مُكرره ... لأنه البارح ( أنكبّ ) الشاهي على الكيبورد ... وصارت بعض الحروف ماتمشي إلا بالدفّ والعين الحمرا .. وماأقدر أفكّ بين الحرف والحرف اللي بعده إلا بمساعده من الأخت : مُدمنة شاهي .. والأخ الأصـــــــــــغر للمُدمن : سويلم ! خامساً : نظراً لطلب البعض من المُزعجين .. قصدي الإخوه على الرسائل الخاصه بالحديث عن طويل الشوارب وكثير السوابق وعظيم المصايب ( دحيّم الأحول ) وتفنيد حياته المُعجزه على أهل الحاره .. لأني دايم أطريه بالخير .. قصدي بالشر في مواضيعي .. وعشان كذا أستغربوا وش هالعلاقه الوطيده الغريبه بيننا << حلوه الوطيده هذي ! دحيّم الأحول ... آدمي .. بنيّة مجرم قليل خاتمه .. ! أرجوكم لا أحد يقعد يشغلني .. ويقول أستغفر ! من عاش شاف .. ومن شاف مات قهر ! يعني تصوّروا .. البنت اللي كنت ناويه أزرفها .. قصدي أخطفها .. قصدي أتزوجها من أهلها بنت بن رويسان الأجرب.. يجي من وراي دحيّم هو وعيونه وياخذها " بارده مبرّده " .. لا .. ويروح هو واياها للشرقيه ويجلس معها على الهاف موون .. ويدق علي من جوّاله .. ويقول .. يامُدمن ( تصدق بغيت أغرق في البحر وانقذتني حرمتي ! ) .. ياليتكم غرقتم وفكيتونا بعد من شرّكم بعد ! لا نبعد عن الموضوع .. ثم ماندري عن أنفسنا إلا وانا متعلّقين على جسر البحرين .. هاللي مايمتلي إلا يوم الأربعاء بعد العصر .. ويوم الجمعه بعد العشاء ... شي غريب .. والمعنى في بطن الشاعر ! دحيّم الأحول .. صديق قديم .. درست أنا واياه في الإبتدائي .. كان من طبعه أن يسرق كل شي .. حتى النعول - الله يكرمكم - اللي عليه سارقها من مسجد الحاره اللي جنبنا .. لأنه مايقدر يسرق نعال من مسجد حارتنا .. لأن كل واحد عارف نعاله صح ! .. حتى إمام حارتنا كان يلبس نعال كبار مقاس 34 لونها بني على أسود .. اليمنى منها منقطع طرفها .. واليسرى فيها أربعة مسامير صغار من كثر الخرز ! كنت أنا واياه نروح المدرسه سوى ونجي منها سوى .. وكان يخاوينا مجموعه من عيال الحاره .. وكنا نتقاسم اللقمه من كثر المحبه والصداقه ! كانت المدرسه مليئه بالمواقف المضحكه والمحزنه والمبكيه .. ! كان دحيّم يتميّز بِحول في عينه اليسرى ... يعني لما يبغى يقرا كتاب تلقاه ( حاذف الكتاب ) كلّه يمين ! ولما يركب معنا في السياره .. مايجلس إلا يسار .. ولما يمشي معنا دايم يمشي يسار .. حتى في فريق الحاره .. مايبغى إلا جناح أيسر .. عشان يشوف الفريق من يمينه ! .. الله لايبلانا بس ! مره حطيناه حارس مرمى .. وجاته الكوره من يسار ودخلت هدف ومادرى عن الهدف إلا لما شاف الفريق المُقابل فرحانين ! كان يُعاني من اضطرابات جسديه في العاتق الأيمن للظهر .. يعني لما يجلس قدّامي أشوفه يهزّ كان في جلسة طرب ! دحيّم الأحول .. تدرجت في الدراسه أنا واياه للمرحله المتوسطه ... وماقدر يتخرّج منها إلا بالدف وحبّة الخشوم .. ! بعد ماتخرّج من دراسته المتوسطه دخّله أبوه في كليه عسكريه ... وتخرج منها برتبة جندي ركن ! .. ولا قدر يكمّل في العسكريه لأنه ( حول ) ولايقدر يواجه الناس والمواطنينننننننن << ماعليش هذي آثار كيبوردي اللي منكبّ عليه شاهي .. يعني لاتشرهون ! ترك العسكريه وتوظف في كبينة تلفونات وتركها ... ثم صار يبيع خُضار عند المساجد .. ومسكته البلديه أكثر من مره .. بعدها كره ذيك الشغله ... وراح يشتغل في سرق غازات أهل الحاره وحاول يوضّفني معه فيها .. لكني رفضت هالشي .. ماهو لأنه ( حرام ) ولكن لأن الدخل بيكون ضعيف .. ولاتسوى تعبها ! مرّت الأيام بدواليها .. وفكرت أنا واياه مثل ماذكرت لكم قبل فتره أننا نتزوّج بالخفيه ونعفّ أنفسنا .. وناخذ أنا واياه خوات بالمسيار ... ونسكنهن في شقة ولد " أبو صعفق " .. وكل يوم يجي واحد لعياله .. والثاني يوقّف على الشارع يسبر لخويه الطريق ! وهذا التخطيط كان من راسي .. لقصد أراه .. لأني كنت ناوي على ( بنت بن رويسان الأجرب ) اللي كانت ساكنه قدّام بيتنا .. ودريشتها على الشارع ! .. وحاولت أني أوهمه أني باتزوج معه بالمسيار ! وبِما أن أبو ( بنت بن رويسان ) تاجر ... واحتمال كبير أني أورثه أنا وبنته ( اللي هي زوجتي ) .. لأن مالها إلا أخو مُعاق والثاني كفيف وتعيبان ! .. خطّطّت ودبّرت أموري .. وعزمت على ذيك ( البنت ) .. ولكن خابت الآمال .. وضاعت الأمور ... وسوّاها ( الحول ) ! يجيني سؤال زي العسل ... ويقول .. وش لون ماقدرت تاخذها وانت مخطّطّ عليها ؟ أقول .. واذا كان دحيّم ( مبيّت النيه ) عليها .. وانه مخطّطّ قبلي أنه يقلب الطاوله ويكب الشاهي على راسي .. ! العلم ومافيه ... أن الرجّال خذها من وراي .. وراح للشرقيه .. ودقّ علي من هِناك يقهرني .. ويقول لي بعظمة لسانه جعلها تقطع ( هاه وش رايك ناخذ مسيار ) ! دحيّم الأحول .. ترتيبه الأول والأخير في البيت من العيال .. يعني مافيه إلا هو وامه وابوه .. يعني هو آخر العنقود وهو العود في نفس الوقت ! أبوه مايتكل عليه في شي إلا في السرق .. ودايم يكون طفران ومايرد راسه إلا ( لي ) ! زميله الخاص والــ v.i.p .. المُدمن لاغير ! :o ميزته الوحيده اللي أحب أبيّنها لكم أنه رجّال ونيس ووسيع صدر .. ويحب الهبال .. وعشان كذا أنا متمسّك فيه ! لي إجتماع خاص معه كل جمعه الساعه ( الواحد ليلاً ) عشان نتدارس أحوال الحاره وندرس بعض الحلول لتطوير مشاكلها .. ونشوف لنا حلّ مع هالشيبان وقعدتهم عند النخل من الصبح وحتى مغيب الشمس ! سيارته من نوع قديم .. أخاف أقول لكم كم موديل السياره ونوعها وتموتون ضحك .. خلوا الدعوه ستر فيها أحسن ! بالنسبه لصلاته ... فأنا أشهد له بالصلاة << أمش يامطوّع الحاره ! .. ماتفوته الصلاة في الجماعه ... دايم يلحق على الركعه الثالثه من المغرب والرابعه من العشاء ! يقدّر عصير التفاح لأنه مايرفع الضغط ... ويحب ياكل شاورما بدون دجاج ! حالياً .. عاطل مع مرتبة الشرف ! ومستقبلاً .. يُخطط على غازات ولد بن هبّاس ! يضلّ دحيّم .. رفيق عِشره .. وياحلالاته يوم يموت وآخذ بنت بن رويسان ! سلام علاكم ! [ مُدمن شاهي ] آخر من قام بالتعديل مدمن شاهي; بتاريخ 07-07-2006 الساعة 01:59 AM.

07-07-2006, 03:08 AM	#2
N S M H عـضـو تاريخ التسجيل: May 2003 البلد: ليتها بريدة المشاركات: 121	أسلوب رائع __________________ حسبي الله ونعم الوكيل

07-07-2006, 04:07 AM	#4
مرسي أوي عـضـو تاريخ التسجيل: Jun 2006 المشاركات: 191	لكن هالكلام صحيح ولا إشاعه يعني أنتم كنتم معهم ولا العكس بمعنى آخر دعيسان مايقدر يخطب بنت هبيس لأن أمها ميته الله يرحم جميع أموات المسلمين وسبب آخر أن إبنة العم مأمون مهب صحيحة فلذالك قل الكلام عن إبن هبيشان __________________ أخذناه من فم الأسد مرسي أوي ,,,: 12

07-07-2006, 04:46 AM	#5
عطش الرمال عـضـو تاريخ التسجيل: Feb 2002 البلد: بلاد الحرمين المشاركات: 2,223	هلا هلا بالمدمن يا خوي أنت وييييييييييين والأحول وييييييييييين <<=== شكل كيبوردي منكب عليه شاهي مثل شاهيك شوف حبيب أول شي الحمد لله على سلامة الوصول لهالمنتدى بخير رابعاً يبلغ أمرنا هذا إلى الجهات المختصة ويتم تنفيذه (سعد بن علوش) ههههههههه شف الدنيا ما له خاتمه نهايتها حول لا بغى ينشق يرعص عينه يعرس على حبيبت مدمن إيييييييييييه يالدنيا <==== شايب إبو أربع وأربعين رجل أه قصدي سنه كلك (بلغتي فاصل ) ====== تشكرات حبيب ألبي على هيك موضوع أن كان هذا من طبعك فحنا من ربعك الكرام الفطاحلي شف يا بعدي أنت ما سمعت عن المشرف السطحة هذا مصطلح أطلقناه على حدى هالسطحات ==> لا أحلف لا قصدي على حدى هالمشرفين أنت تعرف ألي بمكة يشقلون السيارات سوى سوى أعلمك سوف يتم شقل موضوعك الأكثر من رائع والأحسن قصه بالعالم لم منتدى سوالف كشكولية أحلق عيني أللي هذا إستقبال لعضو حبيب ألب زيك مدمناني أهلين خيو &&&&&&&&&&&& أشوف خربطه فوق وشلة تظارب كلمات لكن يعني تعبير فرحة أو رد على موضوع أو أو أو أو أو ====>> تسد لفعت تسلب (كلب) بزنوبا وش يقول أو أو صح شيكرن يا مدمن تقبل جغفات خويك غصبن على فرك خشمك <==== تم وضع الأخلاق في قائمة (طـــــز) تحياتو مسترعطوووووووووووووووووووووووووووووش = أبوبريدة = __________________ هذا التوقيع لي ولمن يريده من أعضاء المنتدى أنتا يبقى قرقر مع أنا atsh_alremal@hotmail.com مافي قرقر كتير نفر

07-07-2006, 07:07 AM	#6
مرسي أوي عـضـو تاريخ التسجيل: Jun 2006 المشاركات: 191	فعلاً صحيح داء الحول بداء ينتشر بشكل واسع تقبلوا تحياتي مسترمرررررررررررررررررررررررررسي أوي = أبو عنيزة __________________ أخذناه من فم الأسد مرسي أوي ,,,: 12

07-07-2006, 03:29 AM	#3
بنت الشماسية مشـرفة سـابقة .. تاريخ التسجيل: Feb 2006 البلد: الريـاض ~ المشاركات: 3,056	ماشاء الله خيالك واسع وإذا مات عطنا خبر نعزيك ونبارك لك بنفس الوقت!!

07-07-2006, 07:48 AM	#7
الصارخ عـضـو تاريخ التسجيل: Sep 2001 البلد: الخليج العربي المشاركات: 1,875	طيّب دحيم حاليا عاطل ولا يعمل وأنت ماخبّرتنا عن وظيفتك ... __________________ وقل ربي زدني علما

07-07-2006, 05:47 PM	#8
مدمن شاهي عـضـو تاريخ التسجيل: Jul 2006 المشاركات: 288	N S M H شكراً لمرورك .. وأسعدني تواجدك لي عوده مع بقايا رز ... قصدي بقايا نبض !

08-07-2006, 05:52 PM	#9
مدمن شاهي عـضـو تاريخ التسجيل: Jul 2006 المشاركات: 288	بنت الشماسيه إذا مات أنا اللي ببشّركم شكراً لمرورك

08-07-2006, 11:13 PM	#10
أبو عاصم عـضـو تاريخ التسجيل: Oct 2005 البلد: أرض التوحيد بـــــريــــدة المشاركات: 120	ماشاء الله تبارك الرحمن ... أسلوب رائع جداً أسلوب رائع جداً

09-07-2006, 02:12 AM	#11
محمد الشقيران عـضـو تاريخ التسجيل: Oct 2005 البلد: Buraydah المشاركات: 9,519	اسلوب منتاز . . . والله وسواليف حركه . . . . <<< غطيت على سواليف نوير . . . . هاهـ تعرفها . . . ببيب . . . طططط __________________ أستودعكم الله الذي لاتضيع ودائعه ..

09-07-2006, 05:18 PM	#12
مدمن شاهي عـضـو تاريخ التسجيل: Jul 2006 المشاركات: 288	مرسي أوي العلم " صزّ " .. والدنيا تبي والآخره تبي .. والمُدمن ناويها شرّ << يارب سترك !

09-07-2006, 05:49 PM	#13
مجنون ليلى عـضـو تاريخ التسجيل: Apr 2002 المشاركات: 663	ماشاء الله الحقيقه قصه رائعه ومشــــــوقه والاسلوووووووووووب أفضل وأفضل مدمن شاهي ممكن طلب؟؟؟؟؟!!!! انزل \| \| \| \| \| \| \| \| \| \| \| \| \| \| \| \| \| \| \| \| ممكن جزء آآآآآآخر لدحيم خويك __________________ ((( الجنــــة تحت أقدام الامهات )))

10-07-2006, 05:44 PM	#14
مدمن شاهي عـضـو تاريخ التسجيل: Jul 2006 المشاركات: 288	عطش الرمال والله يا أنت بعد زاحف ! عليك كلام .. فهمت نصفه . والنصف الباقي ( أحسنت النيّه ) فيه .. ومشيته شكراً على مرورك ...