 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
 |
|
|
أدوات الموضوع | طريقة العرض |
|
|
21-07-2006, 01:20 AM
|
#1 |
|
عـضـو
تاريخ التسجيل: Jul 2006
المشاركات: 2
|
مشاهد من التناقضات في مجتمعنا !!!!
بسم الله الرحمن الرحيم ..,, والسلام عليكم ورحمة الله وبركاتة ,,’’’ ربي يسعد جميع اوقاتكم ..,,.. / بحكي لكم عن بعض مشاهد من واقع مجتمعنا واحكمو بانفسكم ----------------- (1) الحجاب دخل ابو سارة الى منزل اهل زوجته .. ويسلم ,, السلام عليكم يردون عليه السلام خوات ام سارة ....,, وعليكم السلام ورحمةالله .. حياك ابو سارة تفضل احد خوات ام سارة تاخذ الطرحه وتلفها على راسها .. بحكم انها مطوعه و تتحجب عن زوج اختها اما الثنتين الباقيات .. جالسين عادي .. ماكأنه غريب عنهم ! ---------------------- مانقدر نمر (2) _نوف .. نوف ..,, شوفي فيه احد من اولاد عمي ولا نمر؟ ... اصبري خليني اطالع _العنود عطيني الطرحه اغطي وجهي علشان اطل .,, _خوذيها .. ( تغطي نوف وجهها وتطل من عند الباب) _يوووووووووه يا العنود فيه نايف .. كيف بنمر ؟ .. _ يختي مدري عنك انتي اكبر مني دبرينا .. ,, طايب ليه مانمر وحنا بطرحنا بس ؟ _ انتي انهبلتي !! .. تبين نمر بطرح واحنا لابسين جينز ! _ دقي على اخوك سعود يخلي نايف يروح _ .. ,, طايب جوالي مايرسل .. هاتي جوالك ادق _ وخررري بس مابي سعود يعرف رقمي _ اقول تكفييييييييين عاد بلا معقدين وش بيسوي يعني .. بيدق عليك ,, ماااالت _ ........ (بعد لحظات حس نايف بوجود نوف والعنود وراح من الطريق علشان يقدرون يمرون) _ العنود شوفي راح يلا يلا بسرعه خل نمر -------------------------- (3) طلعت البر _ يلا يلا بنااااااات _ وش فيك يا نورا ؟ _ تعاالو يلا كلكم نبي نركب السياره مع الاولاد بنطعس ,, يلا بسرررعه ترا فيصل يقول لو تأخرتوا بنروح عنكم .. ترا فيه بعد سياره محمد وبدر (( يسرعون البنات .. كلهم لابسين جينز .. والي معها طرحتها والي بالطو طويل )) _ ركبو البنات السيارات .. وكانت كلها ثلاث جموس (( العائله ماشاء الله كبيره )) (( الاود كانو بس على اثنين قدام أما البنات ورا)) وسباق في المخيم وتفحيط ...., وشوي .. ساقو البنات (( وفيه بعد الاختلاطات الي تكون بينهم لمن يسوقون الدبابات)) (( كلهم عيال عم وعيال خال )) ------------------------ الماسنجر(4) _ الوووووووووووو هلاااااا جواهر ..,, كيفك _ هلا والله . الحمدلله انتي وش مسويه _ الحمدلله تمااام _ اسمعي اسمعي ادق عليك بعد شوي .. ولد عمي ابثرني بالماسنجر .. وكل شوي يدق علي ,, مزعجني عند اختبارهم الي بكرا .,,, باااااااي _ باي ------------------ (5)لا تنزلين _ امها .. شوفي لاتنزلين بيجي ولد خالك يتغدا عندنا ,, زين ؟ _ طايب ان شاء الله يمه _ واقصري صوتك ولا بغيتي شي ارسلي الشغاله ولا دقي علي... ,, وبجيب لك غداك فوق _ طايب ----------------- ’’ (7) (الملعب) ,, _ قوووووول يااااااهووه هدااااااف _ يااااحلوووك يا الهنوف جبتي الهدف على فريق هالمتخلفااااات _ يابنااات احنا ثااااااني هدف وبنجيب الثالث ونتعادل _ هههههههههه طايب يا عبير نشوف _ (بعد ماكانو البنات متحمسين باللعب وتشويت بالكوره ويلاا الي تدف والي تطيح الثانيه وكان مزح بينهم طبعا ومبسوطات) _فهدهـ شوفي شوفي مين دخل ..,, يووووووه وش جابهم هذول!!! .//((( الاولاد جاو علشان يلعبون مع البنات)) _ يختي وسعي صدرك عادي امشي بس خل نشوف وش يبون _ هلا سلطان وش تبون ؟ _ بس طفشنا وبنلعب معاكم ..,, فريق بنات وفريق اولاد .. , وش قلتو ؟ _ يلا قدام (( وبدو يلعبون معاهم بالملعب كوره )) ..,, ((اعمارهم بسن المراهقه كلهم )) طبعا هذا يحدث في بعض الطبقات الراقية,,, ----------------- : _ سبحان الله مجتمعنا في اختلاافات كبيره بين اسره والثانيه ..,, _يعني اسره تكون في التعامل مع اولاد او بنات الاقارب عادي وطبيعي ويعبترونهم من الاهل ويفتشون لهم / ياكلون ويشربون معاهم يسولفون معاهم ,/ يطلعون معاهم ,/ بعضهم عادي لو يتراسلون بالمسجات! ./ او يكونون مع بعض بالماسنجر _والبعض الاخر مختلف *تـمـامـا* ..اولادهم وبناتهم يتغطون عن بعض من يوم هم بالمتوسط نادر جدا جدا ما يكونون بمكان واحد مع الاسره .. ومستحيل يحكون مع بعض ولاحتى السلام مايكون بينهم _وفيه ناس متوسطه بهالامور يعني يتغطون وعادي مثلا لو ياكلون مع اولاد اهلهم بمكان واحد او يسولفون معهم مثلا زي :>>السلام عليكم ./ كيف حالك ./ كيف الدراسه ...,,, واهلي من هذا النوع , ---------- وطبعا اسلوب كل عائله يكون على حسب البيئه الي متربيه عليها والظروف الي عايشوها والمحيط الخارجي وتأثيراته والاعتقادات الي عندهم (((والبعض يرى ان التحرر من الغطاء امام اولاد الاقارب رقي وتحضر وشي طبيعي وليس به من خلاف .., والعكس هو تخلف وتعقيد ... . والآخرون يرونان الغطا والتستر من اولاد الاقارب هو الصحيح وماقاله الدين وحكم به والعكس هو.. رجعيه , ومحرم .,))) -------------- و بعد هذه المشاهد ،، والكلام الي قلته أحببت طرح موضوع مهم ومتشعب للنقاش معكم حبايبنا أهل منتدى الأسرة كيف تعاملكم مع قرايبكم ، بنات وأولاد خوالكم ، عمامكم ، زوجات اخوانكم والعكس هل تجلسون معهم ، تسولفون ، تفتشون ولا تغطون عنهم ، هل تكتفون بالحجاب ، ولا غطا كامل ، ولا تفتشون لهم كنكم عند اهلكم؟ وش رايكم في هالقضية بشكل عام .. وهل تؤيدون طرف على الآخر ؟ |
|
|
| الإشارات المرجعية |
|
|
النمط المتشعب
