 |
|
|
|
|
|
|
15-08-2006, 06:41 AM
|
#1 |
|
عـضـو
تاريخ التسجيل: Mar 2003
البلد: بريده (رضي الله عنه)
المشاركات: 13,063
|
لعبة (واحد طش) أيام الطفولة قصة بالتفصيل للبزران .. لايفوتك ..!!
اللعبة (واحد طش) الشخصيات العمده (شخيران) النائب ( الحمص) -------- (العبد) (القزم) (العرج) (البنقة) (ابو حبوب) (الكنغر) ===>>> هذا بتله يناقز الوقت (بعد صلاة العشاء من يوم الخميس) اواواو حقرا بقرا قلي عمي عد العشرة ===>>> صوت قادم من بعيد وفيه (صدى) (البنقة) اصبرولي أنا بالحمام الله يقلعكم يالمنذل -ابو نخرور مهب انا قايلك قلهم يصبرون لي- ==>> كل هالكلام بالحمام اللي على جدار الحالّه همن ياخذ اللّي حق الحمّام همن (يرشقهم) من عند دريشة الحمام ويقول اصبرو لي والله لا أخرب عليكم همن عاد يصبرون له ويجلسون همن يقول (الكنغر)وهو يناقز ابروح ازغل همن يقول (العبد) وانا بعد ثم يتحرجمون على الحمام ههههههههه ==>>>نفز (ينفق)هالحمام همن بعد ثلاث ساعات يطلعون يبي يلعوبن من جديد اواوا حقرا بقرا قلي عمي عد العشرة ===>>>صوت قادم من باب البيت يُطرق الباب بقوة همن يصير سباق اختراق الضاحية من اللي يفتح الباب الأول واللي (يعد) اللي هو (الحمص) جاو احباط إلى باااتسر همن يرجعون مسرعين ومعهم ولد عمتهم الدانة جاء (شخيران) جاء (شخيران) جاء (شخيران) ياويلك يلحمص ياحزنك ياحزن ==>>صوت جماعي وماسكينه مع ايده ومنطلقين به لمسرح اللعبة وعليه نعاله وثوبه جديد والشماغ مايل همن يجي شخيران ايقاله رجل ويفصخ شماغه ويصفطه ويحطه فوق نعاله همن يفصخ الطاقية وتشوف ايقاله له شعر وقصه وهو عراقيط تقل شيتس والعيال يناظرون ويقولون (يازين شعره)==>> {بصوت خفيف} همن عاد يدوووخ (شخيرة) ويحط البيجر والليزر والمفتاح حق ددسن خويه اللي قاصن عليه ومخليه لون المفتاح أزرق ويجب منديل ويحط فيه الفصفص اللي بمخباته ,بعد نصه رمل يوم يلعب امس بالدائري عاد وهو يطلّع الفصفص تشوف ايديه تغيص بالمخبات اليسرى ويميل هو على اليسار علشان ياخذ الفصفص كله مرتن وحده عاد يرجع ويمسك طرف المخبات من داخل ويطلعه وينفضه بقوة تقل يفسر شرّابه همن عاد يحط اللي بمخباته القدامية قلم ابو نص اللي إذا بغا يكتب لازم يمص السّمه على شان يكتب والورق الفاضيات ووحده فاتورة البيجر الكبيرة تشوف الفاتورة واصلتن حلقه من طولة والقلم طالع نصه من صغر المخبات هع همن يحطهن فوق شماغه ويرفع ثوبه ويحطه تحت السروال همن يقول للي قايلن أولي رح صف معهم ==>>الحمص يناظره بحقد, عاد مايناقش على طول يروح يصف (أخيري) واللي قايلن أخيري يصير قبل الأخيري وكلهم مسكتين قبل مايلعبون واحد طش كلهم يعرفون منهو اللي يبي يصير عليه هههههههههههه بس حق النجاسه يعدون همن يالله اواواو حقرا بقرا قلي عمي عد العشرة واحد ثني ===>>> همن ينط له واحد ثلاثه أربعه همن تطلع الشغاله مع الدريشة يجي أشاء سرأه ==>>>يجي عشاء بسرعه (هذي الترجمه) همن يتسابقون للمطبخ وكلن وده يقعد بجنب (شخيران) اللي يمينه واللي يساره شوي ويتبركون به ههههه وهم ياكلون يقول (شخيرة) لـ (العرج) (العرج) رح جب لي ماء بارد من البراده ولاتزيده (العرج) يقول : طيب تراه محلي محجوز ياويل اللي يجيه همن يقول (ابو حبوب) طيب جبلي على دربك وأحجزه لك ... همن عاد تبدأ الطنزه ويبدأ تلحيق العضامه على الشغالات ويبدأ أكل اللحم دون الرز يدخلون المطبخ نظيف ويطلعون من المطبخ ولا ودك تشوف المطبخ من شينه حايسنه حوس همن يروحون للمغسلة وكلن يرشق على الثاني , عاد البنقة مايغسل يتمحش بكمه ,يخاف يفوته اللعب همن يطلعون يلعبون ثانية عاد عدو وخلصو وصار اللي عليه واحد طش هو (القزم) همن يجيب نعال ويحط وحده بذااك وحده بذا ويقول ترا هذي (الحالّه) همن يلتفت للجدار ويقول تراه أبعد لين عشرين واللي مايرد ماعلي منه (كلهم) يقولون طيب... يالله واحد طش ثنين طش (شخيران) يقول: يالـ(القزم) لاتويز تراي أشوفك ===>>> وهو راقي فوق الطاية (لأنه ما أحد يقدر يرقا غيره) خمسه طش , سته طش ==>>> همن يمل من قولة (طش) سبعه , ثمانية, تسعه , عشرة حداعش ________ عشرين طلاااااق طلااااق تراه أببدأ ماعلي منكم ----------------------- نذهب بكم للبرزان وطريقة التغبي----------------- تشوف (العبد) يروح لم الشغالات ويطق معهن علاقة علشان يغبنه بالطولاب الطويل وتشوف (الحمص) متغبي وراه الباب { وبلش ببزر قاعدن يناظره } وهو يقول للبزر لاتناظر صد رح وخر==>>البزر معطيه أشكل وتشوف (الكنغر ) داخلن الحمّام وسكن على روحه ==>> عاد إذا طق عليه أحد الحمّام (تسمعه يغير صوته) علشان مايطيح به و(البنقة) رايحن لم أمه ويقوله غبين يا أمي بسرعه ==>>> وش يبي يغبيه هذا يالله تحلته بالخزان و(أبو حبوب) قاعدن تحت الدرجة وغطي روحه بجلال صلاة ===>>> ايقاله كنب ولا مصلى ههه -------------- عدنا ---------------- (القزم) يتلفت يمين ويسار ويمضي على بركة الله.. واحد طش يا(شخيران) لقيتك ==>شخيران مسّكت ومتغبي ويحبي بشويش ويطب على بيت الجيران يوم التفت وأثر (البنقة)وصل الحالّة شاف مافيه أمل من (شخيران) راح يبحث ويدور عاد شاف بزر يناظر واحد وراه باب غرفة الحريم يوم {وااز} وأثر (الحمص) يسكت البزر هههههه قال (القزم) طش ي الـ(حمص) راح (الحمص) مطأطأ رأسه بدا القزم يدور خلاص تراي لقيته أطلعووووووووووووووو يوم جاء للحاّله وأثرهم كلهم واصلين قبله (أبو حبوب)يقول: عيال تراه مانب لاعب هونت (شخيران) تراه ماتلعب معنا المرة الثاني (ابو حبوب) من زينه كلكم كلاكين ----------------------------------- حتى هذا الحد نأتي لختام برامجنا لهذا اليوم والسلام عليكم ورحمة الله وبركاته نكمل القصة بعدين لأني مليت وعطب مخي ههههههه
__________________
|
|
|
|
15-08-2006, 05:21 PM
|
#2 |
|
عـضـو
تاريخ التسجيل: Aug 2006
البلد: b u r a y d a h حبيبة الكل
المشاركات: 807
|
وااااااااااااااااااااااااااااااااااااااااااااااااا اااااااوك كل هاذا واااااااااااااااااااااااااااااااااااااااااااااااوك
__________________
يعني لازم اصبر شوي ويجيك العلم |
|
|
|
|
15-08-2006, 05:26 PM
|
#3 |
|
عـضـو
تاريخ التسجيل: Mar 2003
البلد: بريده (رضي الله عنه)
المشاركات: 13,063
|
وشو كل هذا؟
__________________
|
|
|
|
|
16-08-2006, 04:40 AM
|
#4 |
|
عـضـو
تاريخ التسجيل: Apr 2005
المشاركات: 193
|
هلا والللللله
من طول الغيبات جاب الغنايم يا هلا ومسهلا تسلم ايدك على هالموضوع
__________________
((المرآه..هي الشيء الوحيد المحايد )) ابن جلا |
|
|
|
|
16-08-2006, 04:00 PM
|
#5 |
|
عـضـو
تاريخ التسجيل: Aug 2006
المشاركات: 90
|
.
تصدق إنكـ مصعت سبدي من الضحكـ والله إنكـ تنسيم ياألبي .
__________________
 من مواضيع مهبول نت مجهولون يسرقون ثانوية بنات في بريدة (صور) الان المحقق كونان . . . ومهبول نت !!!
|
|
|
|
|
16-08-2006, 04:18 PM
|
#6 |
|
عـضـو
تاريخ التسجيل: Jul 2006
البلد: بريدة تالقي وللحضور تبسمي
المشاركات: 591
|
تنسييييييييييييييييييييييييييييييييم سكرا المنخرش نترقب ابداعاتك على مدار الساعة
__________________
|
|
|
|
|
16-08-2006, 06:13 PM
|
#7 |
|
عـضـو
تاريخ التسجيل: Mar 2003
البلد: بريده (رضي الله عنه)
المشاركات: 13,063
|
هلا فيكم والله
اهم شي الوناسة والسنيكرس يابعدهم إن شاء الله الجديد قادم يابعدي
__________________
|
|
|
|
|
16-08-2006, 08:15 PM
|
#8 |
|
عـضـو
تاريخ التسجيل: Jul 2006
المشاركات: 113
|
مشكووور الله ياعطيك العافيه
__________________
 اســــ ــ ـــــف عــــ ــــــ ـــلـــ ــ ــ ـــ ـــى الـــــ ـــــــرابـــــ ــــــــ ــــ ــــط |
|
|
|
|
17-08-2006, 01:01 AM
|
#9 |
|
عـضـو
تاريخ التسجيل: Mar 2006
البلد: اكيد بريدة
المشاركات: 1,138
|
هههههههههههههههههههههههههههههههههههه
ايــــــــــــــــــــــــــــــــــــــــــــــــ ــــــــــــــــــــه ذكرتنا ياخوي المنخرش بايام زمان بالشله اللي كل واحد يقول انا اهبل من الثاني مشكور على القصه وننتظر جديدك فهد703
__________________
الهي كفـاني فخــراً ان تكـون لـي ربــاً وكفـــانـي عــــزا أن أكــون لك عـبــداً [flash=http://www.c5c6.com/File/1159226426.swf]WIDTH=400 HEIGHT=150[/flash]  أنت الزائر رقم |
|
|
|
|
18-08-2006, 02:27 PM
|
#10 |
|
عـضـو
تاريخ التسجيل: Sep 2003
المشاركات: 1,739
|
خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خ
خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خ تنسيييييم .. أما الحمص يسكت البزر والبزر يناظره .. تمثيل الشخصيات تدل على أنك متمرس في هاللعبة .. ذكرتنا بأيام زماااان .. آآآآه ... يا أيامنا الخوالي .. واحد طش .. أما اللي يتبركون بولد العمة ذولا مب صاحين .. عزّ الله إنك تجيب الصورة بالثمانيات .. المنخرش .. دمت مبدعاً ..
__________________
××××××××× هـــذا التــوقـيــــع :::: إهـــداء مـن أســتـــاذنـــا ( الرزيـــن ) وفـــقــــه الله ::::  |
|
|
|
|
18-08-2006, 05:33 PM
|
#11 |
|
عـضـو
تاريخ التسجيل: Mar 2003
البلد: بريده (رضي الله عنه)
المشاركات: 13,063
|
أبو عيسى
ياهلا فيك يالغالي فهد703 الله يرجع أيام زمان ياخوي حلوووة بس ماندري ليش ذاك الوقت هي مرة علينا؟؟ تووه يجي الطعم  آسر هلابيييييييييييييييك هههههههههه الحمص والله يا ولد عمتي منول كان يتعقد منه مررررة يصير أخوه الصغير جالس يناظرة (عاد حرص البزر بالعناد) ويبدأ يهوشه لين يمسك أيه والله مارست هالألعاب وأكثر وإن شاء الله فيه لعبة (المليحق ) قريباً بإذن الله بس يابعدي شكلك من ربعنا لازم تشاركنا محبكم/أبو فهد
__________________
|
|
|
|
|
19-08-2006, 08:20 AM
|
#12 |
|
عـضـو
تاريخ التسجيل: Sep 2005
البلد: جمهــوريــة بــريــدة العــربيـــة
المشاركات: 29
|
أبو فهــــــد ..
الصراحــة عليــك تركيــب شخصيــات مــو طبيعـــي .. شكـــــرا علــى القصـــــــة الطويــــــــــــــــلة .. نتظــــر المزيـــــد مــن إبداعاتـــــك .. |
|
|
|
|
19-08-2006, 09:22 AM
|
#13 |
|
عـضـو
تاريخ التسجيل: Feb 2006
المشاركات: 457
|
هههههههههههههههههههههههههههههههههههههههههههههههههه ههه ياااااااالبا اقليبك يا المنخرش
صدز سبحان الله اسم على مسمى انت منخرش ومواضيعك منخرشات مثلك يااحبيلك والله والله اشوننا قضينا ايام الطفوله والله لو اني للحين طفل تسان هجيت واعزلت العالم كل اشوين واحدن يروح يزعل والله هالنشبه المفروض هاللعبه له شروط : انوه يصير الشخص ما شرب سوائل طوال اليوم او قبل اللعب ب اربع ساعات هذا اهم شرط والباقي عاد انتم طلعوهن .. والله اني ميتن ضحك الله يوسع صدرك بالعافيه يا البي تحياااااتوو .. |
|
|
|
|
19-08-2006, 05:22 PM
|
#14 |
|
عـضـو
تاريخ التسجيل: Mar 2003
البلد: بريده (رضي الله عنه)
المشاركات: 13,063
|
فرهود
ماشاء الله مسيرن علينا يابعدهم والله التركيب هذا من ماضي عريث هههههههههه حيااك بوه مير نيم هلا ومرحبتين الله يسلمك ياخلفهم ههههههههههههههههههههههههههه صدقت لازم قوانين المشكلة أنه اولا مايجي من الحمام يقولك أبروح أشرب ماااء هههههههههه الله يسلمك ياخلفهم
__________________
|
|
|
|
 |
| الإشارات المرجعية |
|
|
النمط المتشعب
