 |
|
|
|
|
|
|
12-10-2006, 03:49 PM
|
#1 |
|
عـضـو
تاريخ التسجيل: Jul 2006
المشاركات: 288
|
( المطبخ الرمضاني ) .. موضوع خاص بالحريم والبنات بس ! ( آخر حلقه )
السلام عليكم
هذي آخر حلقة من حلقاتي ... حقت الطبخ والنفخ وريحة المطابخ والزيت المحروق !  اليوم بتكون طريقتنا سياحيه .. يعني بشكل أوضح .. الكل يقدر يسويّها .. ومافيه تهرّب .. لاتطلع لي وحده وتقول لاهلها أو زوجها ( تراي أبغى أعتكف العشر الأواخر في المسجد ) عشان تنحاش من المطبخ .. مافيه يامره ... الاعتكاف سنّه وقعدتك عند رجلك أو أهلك ألزم وفي الخدمه أوجب ! المهم .. تراي اليوم صايم << يقال لي جبت جديد !  وتوي جاي من مكّه قبل يومين .. والله ياهي شي بعد .. إيمانيات وروحانيه .. ومقابل الكعبه يكفي الواحد ( سعة صدر ) و ( انشراح خاطر ) .. ولعلي بعد كم يوم أكتب لكم موضوع خاص عن سفرتي لمكه وأدائي العمره فيها ... خاصّه أن اللي معي كانوا ( شلقة ) شباب رهيبين ... راشد وسالم وأحمد << الأخير هذا جديد على الشلّه .. بس يمشيّ الحال ويوسّع الصدر .. وأهم شي أنه مهوب بخيل والا يكاسر على الريال والريالين ! خلونا في المهم ياصبايا << بعض الحريم تموت في كلمة صبايا .. وهذا من زود التأثر بقنوات حقين الشاورما والكباب عالصاج .... بعض الحريم لو تقولها ( ياصبيه ) .. تشققت فرح .. وخطر تموت ... وعلى بالها رجعت ثلاثين سنه على ورى .. يامره أركدي .. ترى المره بعقلها ودينها أبرك ! :D اليوم صنفنا ( عصير كوكتيل ) .. وعلى طاري كوكتيل .. يوم كنت صغير .. وأوّل مابدى العصير ينتشر ويشتهر في المحلات .. كنت أحسب الكوكتيل هذا .. شي ( يوكل ) .. رحت لبوفيه قريبه من البيت .. وفسخت نعولي عند الباب ( راعي المحل يقول أي بزر يدخل بنعوله في المحل باعطيه طراق على وجهه ) .. المهم فسخت نعولي عند الباب ورحت للعامل ورفعت أطراف رجلي عشان أطول الطاوله .. وصار راسي يطلع طرفه العلوي بس ... قال العامل ( أيس فيه يابزر ؟ ) .. قلت ( ياصديق .. جيب كوتكيل ! ) .. قال ( كوكتيل ) .. قلت ( ايه .. جيب واحد وواحد عصير منقا ) !  شوي إلا ويحط عندي على الطاوله عصيرين .. تقولون فاتح ( مركز عصيرات ) ... ! سميّت بعصير الكوكتيل البارد .. وعصير المنقا وفّرته لليوم الثاني على الصباح الباكر .. صراحتـ (ن) إلى الآن أحــــــــسّ بطعم الكوكتيل << لاتصدقونه .. تراه تسذوب ! عاد بعلّمكم اليوم وش لون تصلّحون عصير الكوكتيل ! المقادير / 4 حبّات موز فنجال سكّر 2 كاس ماء 5 ملاعق جلي فرالوه .. وفي روايه أخرى فراوله .. وفي رواية خاصّه باخوي الصغير ( فلاوله ) ! طريقة الصنع / تراها سهله ... وهي أسرع طريقه في العالم .. وحريص أني أختار الطريقه هذي عشان تكون سهله للجميع .. وكل واحد يقدر يصلّحها ولايتعذر باعذار واهيه ! الطريقه أن المقادير اللي فوق نحطّها في خلاط .. ثم نفرّها على أسرع شي .. لييييين تبدى تخوبص ويطلع لونها أحمر فاقع كنّه طماطه .. ثم نقدّمها على السفره .. وبالهنا والشفا هاه وش رايكم .. مهوب سهله .. إلا والله سهله ونص يامُدمن .. وتسلم يديّاتك وربي يخليك .. تأبرني خيوّ !  بعد أقل من أسبوع - ان شاء الله - راح أكتب موضوع عنوان ( يازحمتن شفتها بمكه ) ! .. انتظروا المقال .. ويمكن بعد المقال انقطع لي فتره .. سنه شهر اسبوع ... مدري .. لأن الأرواح بيد الجبار - جلّ جلاله - سلام :: مدمن شاهي :: |
|
|
|
12-10-2006, 07:36 PM
|
#2 |
|
حرف راقي
تاريخ التسجيل: Jun 2006
البلد: اَلَرَيِـآضْ !
المشاركات: 4,213
|
مشكووور أخي مدمن شاهي
وأبتوصطلك عشان تكون مع أطايب بالمجد هههههههههههههه
__________________
. |
|
|
|
|
13-10-2006, 06:00 PM
|
#3 | |||||||||||||||||||||||
|
عـضـو
تاريخ التسجيل: Jul 2006
المشاركات: 288
|
مهوب شينه ... أنا بمسك المغرفه .. وذاك المصري يبربر بحتسيه .. نعنبوا بليسه والله يالسانه مايوقف .. أتوقع لو يقعد دقيقه مايتكلم يرتفع عنده الضغط !
|
|||||||||||||||||||||||
|
|
|
|
13-10-2006, 12:30 AM
|
#4 |
|
مشـرفة سـابقة ..
تاريخ التسجيل: Feb 2006
البلد: الريـاض ~
المشاركات: 3,056
|
(3/3)
.. شكرا وجزاك الله خير .. وعمرة مقبوله .. |
|
|
|
|
14-10-2006, 12:58 AM
|
#5 | |||||||||||||||||||||||
|
عـضـو
تاريخ التسجيل: Jul 2006
المشاركات: 288
|
الله يقبل منّا ومنك .. وشكراً لك |
|||||||||||||||||||||||
|
|
|
|
13-10-2006, 06:56 PM
|
#6 |
|
عـضـو
تاريخ التسجيل: Apr 2006
البلد: ان شاء الله دياري هي الجنه....
المشاركات: 261
|
مشاء الله عليك اخوي طيبين طبخاتك.....لازم انسميك شيف مدمن شاهي.......
وتقبل مروري اخوي.......
__________________
|
|
|
|
|
15-10-2006, 01:45 AM
|
#7 | |||||||||||||||||||||||
|
عـضـو
تاريخ التسجيل: Jul 2006
المشاركات: 288
|
حيّاك أختي .. والشيف مدري الشيفه شوفيه يظهر مع اليمني على هالظهريه رازن خشته تقولين " صك إعسار " ! 
|
|||||||||||||||||||||||
|
|
|
|
14-10-2006, 02:35 AM
|
#8 |
|
عـضـو
تاريخ التسجيل: May 2006
البلد: بريدة
المشاركات: 709
|
عمرة مقبولة...
بس الكوكتيل يتحط بالثلاجة اول... بعد الخلاط و الحوسة بيصير ساخن>>>أم الدقة... |
|
|
|
|
17-10-2006, 02:31 AM
|
#9 | |||||||||||||||||||||||
|
عـضـو
تاريخ التسجيل: Jul 2006
المشاركات: 288
|
لا .. الكوكتيل أوّل شي تكبينه بالارض ... ثم تخلينه ليييين يبرد .. ثم مدي " بوزك " نصف متر وقولي به .. بالهنا والعافيه .. !
|
|||||||||||||||||||||||
|
|
|
|
17-10-2006, 04:30 PM
|
#10 |
|
وقع مختلف
تاريخ التسجيل: Feb 2006
البلد: الرِيَاضْ ❤ ,
المشاركات: 5,788
|
شكرا لك اخوي مدمن شاهي..
. . تحياتي.. حايليه وكرم طائيه
__________________
|
|
|
|
|
15-10-2006, 03:50 AM
|
#11 |
|
عـضـو
تاريخ التسجيل: Jun 2006
البلد: [ قصيمية الكلمات والصمت .. بريداوية الميلاد والموت ]
المشاركات: 1,474
|
مشكور اخوي مدمن شاهي
حسافه كمل شوي خل نتفنن على اهلنا إيقاله عندي دبره سلمت يمين تقبل مروري اختك:هوجـــــــــــــااس
__________________
 |
|
|
|
|
18-10-2006, 02:18 AM
|
#12 | |||||||||||||||||||||||
|
عـضـو
تاريخ التسجيل: Jul 2006
المشاركات: 288
|
خلاص .. أنتهيت .. آلحين أقدر أتنفّس .. وخل هاللي أزعجوني هم " وشباصاتهن " يساتنسون !  شكراً لك أختي << لاحظي تراي كتبت " أختي " ! |
|||||||||||||||||||||||
|
|
|
|
15-10-2006, 06:46 AM
|
#13 |
|
عـضـو
تاريخ التسجيل: Mar 2006
البلد: الزمن المبهوت
المشاركات: 1,903
|
مشكورررررررررررر
__________________
. |
|
|
|
|
19-10-2006, 01:23 AM
|
#14 | |||||||||||||||||||||||
|
عـضـو
تاريخ التسجيل: Jul 2006
المشاركات: 288
|
العفو
|
|||||||||||||||||||||||
|
|
|
 |
| الإشارات المرجعية |
|
|
النمط المتشعب
