 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
 |
|
|
أدوات الموضوع | طريقة العرض |
|
|
24-10-2006, 05:17 AM
|
#1 |
|
عـضـو
تاريخ التسجيل: Jul 2006
المشاركات: 288
|
عيدي اليوم .. عيدين !
السلام عليكم حيّاكم ياهل المنتدى .. أعضاء وعضوات .. عاطلين وعاطلات << تفكيري كذا .. لأن مستقبلي رايح فيها !  كل عام وانتم بخــير .. ويارب يقبل منّا ومنكم أجمعين العيد .. عباده .. فرحه .. أُنس .. استبشار .. أُلفه .. إخاء .. مجال واسع لأن الواحد يصير مقرش من هالعطايا من الشياب والعجز - الله لايخلينا - !  سبحان الله .. البارح كنّا نقول ( الشهر عليكم مبارك ) واليوم صرنا نقول ( العيد عليكم مبارك ) .. الفرق بين الكلمتين بسيط [ الشهر - العيد ] .. وفي غمضة عين طلعنا من الشهر للعيد .. نقولها بِسُرعة كسُرعة تصرُّم أيامِها .. آآآآآه .. يازين رمضان .. مرّ مرور الكِرام .. ويارب نصير على قدر " ردّ " تِلك المكرُمات الإلهيه ؟ عندنا في الديــــــــــره .. العيد " غير " .. ابتدأناه برسايل الجوّال والمعايده السريعه ... ومازلنا نسير في " مسيرة " الفرحه بِه والإبتهاج بِأُنسِه ! أحنا في الديــره .. مانعرف من العيد إلا " صفاء القلوب " .. يعني حركات ( فعاليات العيد ) مانعرفها إلا عن طريق " حتسي هالعالم " ... الناس كلّها تتكلم عن ( الفعاليات ) .. واحنا فعاليتنا ( زيارة الأرحام والأقارب ) و ( تفقيع الشروخه تحت نخل بن هبّاس الكفيف ) !  خلوني أقولكم على عُجاله وبشكل سريع .. مثل سرعة " دقايق الإتصال عن طريق الجوّال " بعض ( الهبشات ) في يوم عيدي الأوّل ... كل سنه أسوي طريقه وهي أني أقوم صباح اليوم اللي يسبق يوم العيد <<< حلوّها ياجماعه ؟ .. المهم أني أقوم الصباح عشان يجي الليل وارقد بدري .. سويتها السنه هذي .. وكل " أحلامي " كانت عن الغترة البيضا والعقال المايل .. حتى أني أرتعت لأني حلّمت أني " كبيّت " دلّة القهوه على رجل واحدن من الضيوف وقام وشوّتني في زاوية المجلس !  المهم .. ويوم أذّن الفجر .. قمت واغتسلت واستعديت للصلاة .. لبست الثوب المتنيّل بسبعين نيله ، وخرمت " الكبك " ولبست الغتره ثم الطاقيه - قصدي الطاقيه ثم الغتره - وطقيّت العقال وميّلته - تماشياً مع الموضه التاليه - ولبست " نعول " جايتني هديه من واحدن عزيز وغالي وأحبه موت أكثر من سالم ... بعدها صار شكلي " شي خطير " .. ماينقصني إلا برنامج " أكشن " عشان ياخذ لي أحلى لقطة لأكشخ شاب بالعيد السعيد ! تقهويت مع الوالده وطقم أخواني وخواتي .. واخذنا لنا كم تمره - وِتراً - ثم زرقنا للمُصلى ( للعلم أنا من الناس اللي ما أحسّ بطعم العيد إلا في مصليات العيد ذات السرحة .. يعني الجوامع المُغلقه ماتمشي مع ذوقي القروي ) ! صليّنا .. وخطب بنا الخطيب خُطبه عصماء .. وَجِلت مِنها القلوب ودمعت لها الأعيُنْ .. تقطّع قلبي وبتسيت لين قلت " بس " .. حرام عليك ياخطينا .. خليتني أهلّ الدمعه غصب ! :o يوم صليّت سلمت على كم واحد من الجماعه .. وبالصدفه شفت " دحيّم " حاولت أصدّ عنه واخرفش في جوّالي ... لكنه " نصاني " .. وقال ( كل عام وانت بخير مُدمن .. بشّرني عساك تزوّجت ! ) .. عطيته نصف عين - حسوفه أعطيه عين كامله - ورديت عليه ( اللهم أني صائم ) ! .. ماصمت .. بس من زود القهر ماعرفت أحتسي !  يوم بغيت أركب السياره إلا واشوف ( شَلَبي ) عامل مزرعة ( أبو عبيله المرتبش ) .. سلّم علي .. وضحك في وجهي .. وقال أبشرك مُدمن : دنا اليوم مبسوط .. قوزتي فتحيه اليوم وِلدت .. وسميت وِلدي" عيـد " ويارب يكون طول عمرو سعيد وشاب كويس وفلّاح أدّ الدُنيا ! فرحت لفرحه وبشّرته بالخير أدامه مولود في هاليوم المبارك .. ودعيت لولده أنه يكون أحلى صعيدي بالدنيا ويدخل " موسوعة جنيس " في أفضل فلّاحه قرويه ويقدر " يخَرِفْ " ثلاث نخلات بسبع دقايق ! بعدها توجّهت مُباشرة لبيتنا " المكركب " وبدينا باستقبال الوفود << أمش ياخادم الحرمين ! حالياً أنا أكتب لكم هالموضوع .. وقدّامي " قحشة " حلويات العيد .. الكل مشارك في عطايا العيد الحلوه .. حلويات .. دراهم .. شروخه وألعاب ناريه .. الأشكال مُتفرّقه .. ولكن الجامع لها ( فرحة عيد ) أمرنا المصطفى عليه الصلاة والسلام بالفرح في يومه والإبتهاج به بالشكل المعقول والمُحترم من دون إيذاء أو انتهاك لحقوق الغير .. ! أكيد بتسألوني وش قصّتك اليوم .. عيدك عيدين .. ليه يابوي ؟ وراح أقول لكم .. أن عيدي الأول ( عيد الفطر ) .. وعيدي الثاني راح يكون ذاك ( المولود الصغير : عيد المصري ) .. فَبِفَرح الأب ( شَلَبي ) سأفرح .. وبِغُربتِهِ سأُحِسّ .. وبابتسامه سأبتسم .. وربي يردّك ياعطوه لأهلك وزوجك وطفلك الجميل وأنت في أتمّ صحّة وعافيه .. آمين :: مدمن شاهي :: آخر من قام بالتعديل مدمن شاهي; بتاريخ 24-10-2006 الساعة 05:23 AM. |
|
|
24-10-2006, 03:49 PM
|
#2 |
|
عـضـو
تاريخ التسجيل: May 2003
البلد: .buraydahcity.
المشاركات: 3,435
|
[ اللهم إني صائم ]
. . مهب لم ديرهـ ,, بشرنا عن الوالد سمعنا إنه مصخن ..؟
__________________
. . لا إله إلا أنت سبحانك إنا كنا من الظالمين..
اللهم أعنا على ذكرك وشكرك وحسن عبادتك .. استغفر الله وأتوب إليه.. |
|
|
|
24-10-2006, 05:26 PM
|
#3 |
|
عـضـو
تاريخ التسجيل: Aug 2003
البلد: يحول ياللي ماله [بريد5]..!
المشاركات: 3,881
|
مُدمن كفشت صورتك يوم العيد أكثر ماأعجبني فيك تحديد الشنب
 ياحلو يامُدمن
__________________
°•.?.:GooD ByE:.?.•° |
|
|
|
26-10-2006, 10:16 PM
|
#4 | |||||||||||||||||||||||
|
عـضـو
تاريخ التسجيل: Jul 2006
المشاركات: 288
|
لااااااااا وبعد ماشفتني مطلّع عصاقيلي .. أحلى واحلى ! |
|||||||||||||||||||||||
|
|
|
26-10-2006, 02:19 AM
|
#5 | |||||||||||||||||||||||
|
عـضـو
تاريخ التسجيل: Jul 2006
المشاركات: 288
|
آلحين أبشّرك .. صحّته صارت زي الحلاوه شكراً لك .. |
|||||||||||||||||||||||
|
|
|
24-10-2006, 06:49 PM
|
#6 |
|
عـضـو
تاريخ التسجيل: Oct 2006
المشاركات: 247
|
:الله يرجك يامنسم انت سراحه انت كذا
 والله انك شجيع وهذه الكلمه في قاموسي وجميل وحبيب ورزين انت رجل ولد نعمه الله يرجك حسبت ان اهلك اخطبولك مزنه بنت سالم هذيك هه اقول تذكر يوم تقولك هذاك وذاك لا تخاف منب قايله  قل امين عساك تاخذ بنت الحلا عاجل غير اجل وياك وكل اعضاء المنتدى مع السلامه  مع تحيات محبكم ملتاع نجد واخوكم في الله
آخر من قام بالتعديل ملتاع نجد; بتاريخ 24-10-2006 الساعة 06:53 PM. |
|
|
|
26-10-2006, 10:17 PM
|
#7 | |||||||||||||||||||||||
|
عـضـو
تاريخ التسجيل: Jul 2006
المشاركات: 288
|
وش لون منسّم  كل عام وانت بخير .. يقولون والعلم عند الله أن اللي ينسّم دايم يروح فيها ! |
|||||||||||||||||||||||
|
|
|
25-10-2006, 01:21 AM
|
#8 |
|
عـضـو
تاريخ التسجيل: Feb 2006
المشاركات: 1,172
|
.......................تسلم لي ...........يالغالي ............مدمن...................
.................رهيب والى الامام,,,,,,,,,,,,,,,, الله يرجك..................
__________________
:aاجعل شعارك في الحياة :a :p :p :p :p :p :p :p :p :p :p :p :i121 فلها وربك يحلها :i121 ;) :D :i128 :i128 :eek5 :i125 :eek5 :i128 :i128 :D ;) : 12 : 12 |
|
|
|
26-10-2006, 10:18 PM
|
#9 | |||||||||||||||||||||||
|
عـضـو
تاريخ التسجيل: Jul 2006
المشاركات: 288
|
الله يرجّ الجميع يابعد حيي
|
|||||||||||||||||||||||
|
|
|
| الإشارات المرجعية |
|
|
النمط المتشعب
