[راعي بريده]

السلام عليكم ورحمة الله وبركاته : يشرفني في بداية انضمامي إلى منتداكم الكريم أن أبدأ مشاركاتي بهذا الموضوع تحية ً لكم ولأهل مدينتي المحبوبة وذلك بهذه القصيدة التي قالها الشاعر سليمان بن محمد النقيدان في بداية كتابه المُعنوَن ب ( من شعراء بريدة ) وكان ذلك في عهد الملك فهد رحمه الله وحفظ لنا خادم الحرمين الشريفين الملك عبدالله بن عيد العزيز

ياما حلا الجلسة على حافة النار.....................مع دلةٍ جنب المعاميل صفرا
يخلط لها من غالي البن وبهار ......................والعنبر الهندي مع الكيف يبرى
مع ربعةٍ بين المجالس لهم كار......................الكل عن ذكر المناقيد يدرا
مابين حلوات السواليف والاذكار..................على مسيل طامي قاع خبرا
في مربعٍ بين الخزامى والازهار ................. لافاح ريحه تلقى الارواح سكرى
الارض خضرا والمداعيث نوار..................والجو غيم وهامي الطل يذرى
فيه الزبيدي شالعٍ شق الاستار....................صلعٍ مفاريعٍ على جال مجرى
تسمع على غدرانها سجع الاطيار................الصبح ديم وساير الليل قمرا
ياصورةٍ ماتمّحي عبر الافكار...................تبقى على ساعات الايام ذكرى
في ريف دارٍ شعشعت فيها الانوار.............دستور شرعٍ وماقضى فيه يجرى
سلمٍ لهلها حشمة الجار للجار................... وحقّ عليهم لالفا الضيف يقرا
بريده حبا الله من زين الاثمار ................عمّ الرخا فيها والانعام كبرى
ياديرتي ياحلوة الدار من دار ................ أحلى من السلسل على الكبد وامرا
ياريحةٍ من فايح المسك لافار .................ياعقد مرجانٍ زها عنق عذرا
يادرّة ماجابها كل بحار .......................ولاوقّفت للبيع بالسوق تشرى
الظل والقرقوف والما والاشجار ..........الغرس زاهي والبساتين خضرا
مابين مكتومي وسلج وقطار................ ونبته وخضريّة وبرحي وشقرا
نوايعٍ ممّا تحبّه وتختار ....................ومزارعٍ فاقت بساتين شبرا
عقب السوافي والوحف والهوا الحار .....صارت رياضٍ عقب ماهيب صحرا
فيها المراعي والدواجن والابقار............ لو جيت سوقه مالك الله تخطرى
رمله ذهب ماله مثيلٍ بالاقطار............ ياكيف اعدّ اوصافها وانتم ادرى
ياديرتي ماصار مثله بالامصار.......... لا باخر الدنيا ولاعهد كسرى
من جورة المغرب الى الطور لسحار........ للبصرة الفيحا إلى دار بصرى
آمنت بالمعبود في سرّ وجهار ......... يحميك رب البيت عن كل عثرا
والله مانسى ديرتي دار الاخيار .........دام النفس بالروح والروح تذرى
جاعت وغذّتنا مصاغير وكبار .......تبي الجزا منّا على دور بكرى
تكاتفوا ياعيالها شيب وصغار ........شلّت يمينٍ ماتعضّد ليسرى
صاروا هل السفرات بالسوق تجّار .........وفلاّحها عقب الشقا شاخ واثرى
وكل القصيم وماحوى الجال والغار ........شرق وشمال وكلّ رملً وقفرا
عقب الرهب والخوف والأخذ بالثار .........وكلّ نقل بندق وخنجر وعجرا
اليوم نرقد مانبالي بالاخطار........ لاخوف من زيدٍ ولابطش عمرا
وعقب ماكنّا شتاتٍ بالاقفار ........ اليوم كلّ بالمدينة تحضرا
واليوم قانون الجهل ولّى الادبار ........وكلّ بدا يحصي ويكتب ويقرا
في ظلّ ابو فيصل عمى عين الاشرار ..........اللي بسط يمناه واعطب بالاخرى
صلاة ربّي عد همّال الامطار ......... على نبيّ صار للناس بشرى

وسلامتكم

[راعي بريده]

العفو وقع مني خطأ مطبعي في البيت التالي :
بريده حبا الله من زين الاثمار ................عمّ الرخا فيها والانعام كبرى
والصحيح :
بريده حباها الله من زين الاثمار ................عمّ الرخا فيها والانعام كبرى

[أبو حذامِ]

يــــــاملحهـ

[.: أبو مصعب :.]

حره وبرده لنفسي راق ما أطلق الطير تغريدة...

["مختلف"]

في غاية الروعة . بورك فيك.

[راعي بريدة]

تنبيه ::

::.. لستُ أنا صاحب الموضوع وإنما راعي بريد(ه) ..::

.

[توقيع]

راعي بريدة و راعي بريده

تسذا مشكلة وأظن أن من شروط التسجيل بالمنتدى عدم التشابة بأسماء المعرفات القديمة

وهذا مخالف لشروط المنتدى ..

,, شكرا لك يا راعي بريده على هذي المشاركة , ويا ليتك تغير المعرف عشان ما نقعد نبتلش بكم
هذا منهو راعي بريدة والا راعي بريده والله مشكلة .

[راعي بريده]

اقتباس المشاركة الأساسية كتبها توقيع راعي بريدة و راعي بريده تسذا مشكلة وأظن أن من شروط التسجيل بالمنتدى عدم التشابة بأسماء المعرفات القديمة وهذا مخالف لشروط المنتدى .. ,, شكرا لك يا راعي بريده على هذي المشاركة , ويا ليتك تغير المعرف عشان ما نقعد نبتلش بكم هذا منهو راعي بريدة والا راعي بريده والله مشكلة .

أنا آسف ياراعي بريدة ! لم أكن على علم بمعرّفك كما أني أشكر الأخ الكريم ( توقيع ) على هذا التنبيه وأعدك بتغيير معرّفي !

[تأبَّط رأياً]

يوجد من فصيح اللغة قصائد رائعة في بريدة لعل من له اهتمام في ذلك أن ياتحفنا بها هنا مثل قصيدة الفوزان وغيره.

[عبدالرحمن الثاني]

حدثونا .. وزيدونا ..!

[راعي بريده]

الأخوة الكرام : أبو حذام , صعب , مختلف , عبدالرحمن الثاني ..... أسعدني مروركم الكريمة وتعليقاتكم

[عنيزة]

قد ســــائـــلوني عن أجـــمل بلــــدة فقـلت بريـدة حيـث جـل المغانيا
هي الأصل والعز الرفيع إذا انتحى إلي جل بلدان الدنى منها النواحيا
بـها سـكـن الأجـداد وجـل أحـبتي بـها سـكـن الأخوال ونعما خواليا

[حجر]

بريدة ديرة العز

[ابونجديه]

وعليكم السلام ورحمه الله

ماشاء الله تبارك الله

الحقيقه ابداع وهذا شوي بحق بريده

تم الحفظ بالجوال