[الخُبز أرُزي]

السلام عليكم ورحمة الله وبركاته :

ولدت وأنا عايش على إن ملكنا فهد - رحمه الله - وحبيته من قلبي ونشأت على المملكة وحب السعودية لأننا أفضل دولة بالعالم من كل شيء دين .. وخدمات .. وعدم نصب واحتيالات وغيره من هالامور
لاني كنت طفل ولا أعرف شيء وحسيت أني محظوظ من جملة سكان العالم 6 مليارات حسيت اني انا المحظوظ باني سعودي
وهكذا تمشي الايام وتسير وأنا فرحان اني سعودي حتى إني اذا رحت لمكة مع أهلي ولقيت مصري او كويتي او تونسي او امريكي او قطري قلت يا ويلي ذولا مب سعوديين
ماعندهم طرق نظيفة
ماعندهم خدمات صحية
ماعندهم تعليم مجاني
لاني كنت لا أعرف الا التلفزيون السعودي والجرايد السعودية اللي تمدح الخدمات وتمدح الدولة
وعشت على هذا الوهم سنواااااااااات طويلة حتى بدأت عيوني تتفتح على العالم اللي حولي فصادقت كويتي فعلمت ان لهم رواتب تمشي من الحكومة ..
وقريت في الانترنت انه الكهرب والتلفون مجاني في قطر

ولما شفت اللي عندنا

نصب في الاسهم
احتيال في المواد الغذائية
غلاء فااااااااااحش في الفواتير الجوال والتلفون والانترنت
وخدمات في المستشفيات دمااااااااار تحتاج لواسطة حتى تتعالج بعلاج يلقي بآدمي
الغريب انه كل سنة تعلن ميزانية اكثر من اللي فاتت

المشكلة من هالرووس الصغار اللي تتحكم في البلد وإلا الملك دايم نشوفه بالتلفزيون يعلن الخدمات ورصد الميزانيات ولكن ما نشوف شيء بسبه هالوزراء او اللي تحتهم
لا حد يقولي بلادنا فيها الحرمين
يعني وبعدين اذا صرت كويتي او قطري ما أشوف مكة او أدخلها !!!!

كنت أنا واللي مثلي عايشين بوهم وكذب اعلامي صور اننا في جنة الله ولم تفتحت عيوننا شفنا الكذب الصريح والسلب والنهب

والله ارحم ابوي اللي انكسر من الاسهم وانكسر من الفواتير ووووو

ياليتني قطري او كويتي

[أبوفارس الخالدي]

يقولون أرفع راسك أنت سعودي < لا والله نزل راسك

لكن ساده حنا مانشتغل ولا نقدم أعمال والواحد بس وده يستانس وينام وياكل ويشرب ..

ياخوي القساوسة النصرانيين يهدون سنتين من اعمارهم للدين النصراني ببلاش
وأهل اليابان يهدون ساعة يومياً للدولة ببلاش وحنا مافيه إلا بلوس وبس عند جميع السعوديين ..

وأنت تقارن قطر والبحرين والكويت بالسعودية تراه قطر كبر الرياض
والكويت كبر القصيم والبحرين كبر الشرقية وذولاك ماعندهم مواطنين كثرك
هذا وحده ..

الشي ثاني حنا بلانا بالقراية الله يعظم أجرك وأبوك
مانحب الثقافة والشغل الجاد والواحد يستانس لا جته إجازة ..

[أبويحي البطال]

اللهم قيض لنا حكاماًَ لايظلمون ولاينهبون ولايكذبون..
وياأخي المقهور (لاتصلح هذه الامة الا بماصلح به اولها..)

[المسفهل]

اقتباس المشاركة الأساسية كتبها أبوفارس الخالدي وأنت تقارن قطر والبحرين والكويت بالسعودية تراه قطر كبر الرياض والكويت كبر القصيم والبحرين كبر الشرقية وذولاك ماعندهم مواطنين كثرك هذا وحده ..

وهــل تــُــقارن خيرات بلدنــا بخيرات تلك البلدان ... ؟؟؟

["مختلف"]

مثل ماقال أبو فارس . ترىالسعوديه كبريّش


وأبو متعب ماقصّر كل شوي حاطنّ مكرمة .احح .


لا أحد يحتسي زين . <<<متوهّق.

تعال أنت تقول قهرانّك سعودي اقول احمد ربّك بس انك سعودي أمان ونعمة

وتطعيس . <<<انقلع بسّ

وبيجيك اليوم الي تبي تقول يحّول الي ماله السعوديه .

والواحد يرضى بما قدر الله لووه

[مُسعر قلم]

احمد ربك ،
"وانظر إلى من هو دونك "


.

[بندول]

أرفع راسك أنت سعودي ....
أحمد ربك واشكره نِعم تتلى علينا لله الحمد وله الشكر نحن نحسد على هذه الدولة وعلى ملكها الغالي ..
وغير ذلك الكويت كلها كبر بريدة فما رأيك بالسعودية ..

اللهم أدم علينا النعم واجعلنا من شاكريها واحفظ لنا ملكنا الغالي ... (( أبا متعب ))

[ملاك الورد]

السلام عليكم ورحمة الله وبركاته

اخي الخُبز أرُزي
صحيح كلامك انه فيه دول كثير احسن من السعودية لكن هذا لا ينقص من عطاء المملكة التي اغرقت شعبها بالمكرمات
وانه مافيه شي حسن الا يكون فيه احسن منه لذلك الواحد يحمد ربه ويشوف الأقل منه ولا يشوف للأحسن لأنه لو بيضل طول عمره يشوف للأحسن راح يتعب
ولا ننكر نعمة الأمن والأمان التي نعيشها بفضل الله ثم حكومتنا
واكيد بتقولون كلامي فيه مبالغة بس هذا الواقع

تحياتي,,
اختكم

[ابو عجاج]

اقول احمد ربك على النعمه
وراك ماتشوف الهندي والمصري وغيرهم
يااخي معهم دكتوراه وتقدر انت واشكالك اللي مامعهم شهاده تجيبهم يشتغلون عندك
خلك واقعي والله اننا بنعمه لاكن انتم تقلبون النعمه الى نقمه من كثر التشكي والسب وعدم شكر الله
والله سبحانه وتعالى يقول (( ولأن شكرتم لأزيدنكم ))

[بنت الخليج]

ههههههههههههههههه
والله من زين الجنسية

ياجماعت الخير
وين المكرمات................ ياحول مغير يقولون يقولون

المكرمات لا أنا ولا أسرتي طلناها

***أحسن من غيرنا كيف طال عمرك...والفقر مبهذل والدي والدين كثير من الشعب
أحسن من غيرنا ,,,,,, يابابا أنت وياه إحنا أكبر دولة مصدرة للبترول وأكبر إحتياط للبترول عندنا
والفقر ...... وأطينا وطي ,,,, ولا تقولون لا ...ولا تراني أبراسل أوبراء

من الاخـــــــــــــــــــــــــــــــر

أقول كــــــــــــــــــــيف الحال

[الهامور]

احمد ربك ياخي الامن والامان اللي عندنا ماراح تلقاه عند غيرنا الحمدلله على النعمة...


والحمدلله اني(ســـعــــــودي).

[ابن عقلاء]

هههههههههههههههههههههههههههههههههههههههههههههههههه ههههههههههههه
امن وامان هههههههههههههههههههههههههههههههههههههههههههههههههه هههه

الي ايده بالنار 00000



اللهم انصر المجاهدين في كل مكان
امين امين امين امين امين امين امين

[الـصـمـصـام]

اقتباس احمد ربك ، "وانظر إلى من هو دونك "

صدقت ، ولو نظرنا إلى من هم أعلى منا لتعبنا ..
لكن لا مانع من طرح بعض التساؤلات بحق ..