 |
|
|
|
|
|
|
16-02-2007, 07:40 PM
|
#1 |
|
عـضـو
تاريخ التسجيل: May 2006
المشاركات: 74
|
قصتي مع معجب للكاتبة مجداف
السلام عليكم ورحمه الله وبركاته
كيف الحال ... إن شاء الله تكونون بخير ... اليوم ابقولكم قصتي مع أنـــا معجــــب ... في يوم الثلاثاء قبل اختبارات الكلية بأربع ايام رن باب البيت ... تررررررررررررررررن ترررررررررررررن ترررررررررررررررن ... أنــا : مين ؟؟؟ اللي بالباب : .................( مسكت )... أنــا :مييييييييين ؟؟؟( يمكن ما سمع )... نفس الشيء مسكت ... طبعاً أنــا على طول سكرته بوجهه ... وأول ما سكرته رن مره ثانيه امر أنادي أمي ترد عليه ... أمي : مين ؟؟؟ اللي بالباب : .................. (طبعاً مسسسسسكت) ... أمي : مييييييييييييييييييييييييين؟؟؟ ولا عنده نيه يتكلم !!! امر تسكر سماعة الباب ... وعلى طول رن مره ثالثــة ... طبعاً طنشنااااه ولا ردينا عليه مره ثانية ... قعد ربع ساعة يرن ولا ردينا عليه ... ( نسيت اقولكم إن ابوي واخوي الكبير طالعين )... يعني البيت ما فيه إلا نسوااااااان واخوي اللي بأول ابتدائي ... بعدين راح ولا رن مرة ثانية ... في يوم الأربعاء ... العصر الساعة أربع ونص رن الباب رحت ورديت ... أنــا : ميييييين ؟؟؟ ((بكــل هدوء ))... اللي بالباب : مسسسسسسسسسسسسسسكت ... أنــا : مييييييييييين ؟؟؟ ( بصوت عالي وصراخ ) نفذ صبري <<امحق ياللغة العربية... اللي بالباب : أنــــا معجــــب ...( صوت رجل شامي )... طبعاً أنــا تلخبطت ما دري وش اقول وويش اسوي ... أنــا : طيب لحظة شوي !!!<<مادري وشلون قلتة ووراه اللي اعرفه اني قلت كذا وسكرت السماعة بوجهه ... بعدين رحت ركض لغرفة ابي لقيت امي قاعدة على النت وأبوي واخوي يتقهوون<<< اشوى موجودين ... عاد أنــا أبقول لبوي واخوي ومستحية ما لقيت الا أقول لأمي عشان يسمعون... أنــا : يمه شفتي اللي امس يرن ومسكت ... أمـي : اييييييه وش به ... أنــا : تو رن وحتسى (تكلم )... أمي : صدز وش قال ... أنــا وعيني على أبوي وأخوي : يقول أنـــا معجـــب ... أمـي : وشوووو ؟؟؟ أنــا : هذا اللي يقوله ... أبوي : طنشووووووووه وما عليكم منه ... أخوي : لا وش تطنشونه أنا أبنزله الحين ... على طول لبس نعاله ونزل مسررررع ... راح وفتح الباب وطبعاً ما لقى أحد ... ورجع وما رن الباب مرة ثانية هاك اليوم ... عاد أنا المغرب أسولف أنا وصديقتي أمر أقص له السالفة ... أمر هي تقولي : انتبهي لا تفتحين الباب لأحد ما تدرون منهو ... عاد أنـا استهبل علية وأقول : ياكافي يعني نغرة ما تبينة يعطينن وردة ولا يقولي كلام حلو <<< أســـتهبل طبعاً ... قالت : بكيفتس بس أنـا حذرتس ... قلت : لا تخافين عندتس وحده ذروق كود تاخذ كلمة السر قبل ما افتح الباب... وفي يوم الخميس العصر ... رن الباب ترررررن ترررررن ... أنـا : ميييييين ؟؟؟ اللي بالباب : لو سمحتي عندكم شغالة ؟؟؟((نفس الصوت سرت اميزة))... سكرت السماعة وناديت امي تحتسيه ... أمـي : ميييييين؟؟؟ اللي بالباب : لو سمحتي عنكم شغالة ؟؟؟ أمـي : ليش ؟؟؟ اللي بالباب : حنا الهيئة ونسوي احصائية بعدد الشغالات بالمملكة ... أمـي : لا ... (وسكرت السماعة )... عاد امي تقولي اتهمتي الرجل ... أنـا : وليش يقول أنـــا معجـــب ... أمـي : يمكن اسمه معجب وانتي قلتي مين يقولتس أنـا معجب ... أنـا : ياسلام وأنا وش ابي بسمه بعدين الهيئة الله يجزاهم خير قضو الشباب السعوديين ما بقى إلا الشاميين يوظفونهم ... المهم رن مره ثانية ولا ردينا عليه ((أبوي مو موجود ولا أخوي ))... بالليل جانا خبر وفاه وحدة من اقاربنا ... ولازم اهلي يسافرون للقصيم يعزون ... واختباراتي يوم السبت ... امي قالت الا تجون معنا ... وأنا ما ودي صعبة وما ذاكرت زين واختباري صعب ... المهم حاولت بهم المينت رضو ... وسافروا أمي وأبوي وأخوي ... ما بقى الا بنااااات ( الله يعين على الخوف )... امي قالت اهم شي ماتفتحون الباب وللا تقولون مين بع ( زيادة في الحرص )... بالليل الساعة وحدة ناموا خواتي وانا مابي نوم ... رحت وشغلت النت ايقالي ابوسع صدري ... على طول فتحت الساحات ... اول خبر قرته ((الحرامي الملثم يعود الى الدمام من جديد ))... قلت الهجه مانبي نت ولا شي ايقالي ابوسع صدري زاد الخوف ... في يوم الجمعة ... العصر رن الباب ولا ردينا ... المغرب رن ولا ردينا ... لما سارت الساعة تسع بالليل رن مرة ثانيه وبتل ران ... دقيت على ابوي اثرهم توهم طالعين من الرياض يعني باقي اربع ساعات ... سألته ارد ولا لا قالي لا لا تردين ... قلتله ما يصلح ما نرد وهو من العصر وهو يرن بعدين يحسب البيت مابوه احد ... قال طيب ردي وانا معتس بالخط قلت : طيب ... رحت ورديت ... أنـا : مييييييين ؟؟؟ مسكككككت ... سكرت السماعة وقلت لبوي مايرد بس اذا رن مرة ثانيه ابرد واعلمك قال: طيب ... اول ما سكرت السماعة من ابوي رن مرة ثانية ... أنــا : ميييييييييييييييييين ؟؟؟ اللي بالباب : لو سمحتي أختي ممكن نعمل معكي مقابلة ؟؟؟(نفس الصوت شامي )... سكرت السماعة وعلى طول دقيت على ابوي وعلمته قال ما عليتس الحين ادق على عمتس يشوف منهو ((عمي جيراننا بالبيت )) ... على طول نقزت للدريشة اشوف منهو (اللدريشه عاكس يعني اللي برا ما يشوفن )... شفت عمي بسيارتة جاي مسرع وشخط عند باب البيت وتعداه (تمويه عشان ما يحس). بعدين رجع ووقف وابطى بعدين مشى ... بعدين دق ابوي علي وهو يضحك يقول شفتي منهو الي يرن ... قلت :منو ؟؟؟ قال أن عمتس يقول هذا ولد شامي عمره عمر ثاني متوسط به حالة نفسية ... يقول أرن على البيوت وأقعد اسولف اوسع صدري ... هاشه عمي وقاله لا عمرك ترن ولا بوديك للشرطة ... قعد يصيح يقول لا ما راح ارن ... وراااح الولد ولا رن حتى هذا اليوم ... وتوتا توتا خلصت الحتوتا اتمنى اني ما اكون صولت عليكم وانتظر ردووودكم أختــ مجداف ــكم ... منقول من موقع قوارب النجاة للكاتبة مجداف
__________________
قف أيها القلم الجريح فإنني أخشى على الأسرار أن تفشيها وإنـــــــــــا عاى فراقك يا ريــــا لمحزونون |
|
|
|
17-02-2007, 02:30 AM
|
#2 |
|
عـضـو
تاريخ التسجيل: Jan 2007
البلد: في القلوب المخلصه
المشاركات: 98
|
هاهاهي وخرتها فيه حاله نفسيه
مشكوره |
|
|
|
|
17-02-2007, 03:18 AM
|
#3 |
|
عـضـو
تاريخ التسجيل: Jun 2006
المشاركات: 429
|
ههههههههه بصراحة حلوة
تسلمين على منقولك الطريف
__________________
|
|
|
|
|
18-02-2007, 09:27 PM
|
#4 |
|
وقع مختلف
تاريخ التسجيل: Feb 2006
البلد: الرِيَاضْ ❤ ,
المشاركات: 5,788
|
وعليكم السلام ورحمة الله وبركاته
الحمد لله بخير.. انت وش لونتس..؟  ... يووه وأنا احتري آخرته متوحشة.. اثاريه ولد نفسيه.. الله يشفيه ويعافيه ولا يبلانا.. تشكرات راسيه ..
__________________
|
|
|
|
|
22-02-2007, 09:58 PM
|
#5 |
|
عـضـو
تاريخ التسجيل: Aug 2006
المشاركات: 321
|
وااااااااااااااااااااااوتس وهذي اخرته وانا متحمسه ومعصبه قلت اولاه من كفخه لمين يعاف روحه
مشكوووووووووووووره اختي على النقل
__________________
تقبلي خالص تحياتي  |
|
|
|
 |
| الإشارات المرجعية |
|
|
النمط المتشعب
